<div class="article-content">
<p><strong>ក្រចេះ៖</strong> កម្លាំងនគរបាល នៃអធិការដ្ឋាននគរបាល ក្រុងក្រចេះ សហការជាមួយអាជ្ញាធរ<br /> ចុះបង្ក្រាបទីតាំងបើក លេងល្បែងស៊ីសងភ្នាល់បាល់ និងកន្ទុយលេខ៣កន្លែង នៅផ្សារក្រចេះ<br /> សង្កាត់-ក្រុងក្រចេះ ឃាត់ខ្លួនថៅកែ ៤នាក់ នៅព្រឹកថ្ងៃទី១២-១៣ ខែតុលា ឆ្នាំ២០១៣។</p>
<p>ប្រតិបត្តិការចុះបង្រ្កាបទីតាំងល្បែងដុះស្លែរនេះ ដឹកនាំពី លោក ងិន ពេជ្រ ព្រះរាជអាជ្ញារង<br />សាលាដំបូងខេត្តក្រចេះ និងចូលរួមដោយលោក ហង្ស ចាន់ឌី អភិបាលក្រុងក្រចេះ។</p>
<p>ការឆ្មក់ចូលបង្ក្រាបទីតាំងលេងល្បែងស៊ីសងទាំងបីកន្លែងខាងលើនេះ សមត្ថកិច្ច បានឃាត់<br />ខ្លួនថៅកែចំនួន ០៤ នាក់ និងរឹបអូសបានវត្ថុតាំងរួមមានម៉ូតូ ២គ្រឿង ថវិការចំនួន ៥០០<br />ដុល្លារ ប្រាក់រៀល ជិត៥លានរៀល ទូរទស្សន៍ ៣គ្រឿង ម៉ាស៊ីនព្រីន១គ្រឿង កំព្យុទ័រ១<br />គ្រឿង ម៉ាស៊ីននហ្វេក ៣គ្រឿង តុដែក ២ និងឯកសាចាក់បាល់ កន្ទុយ លេខមួយចំនួនធំទៀត។</p>
<p>សមត្ថកិច្ចអធិការដ្ឋាននគរបាលក្រុងក្រចេះ បានឲ្យដឹងថា ថៅកែទាំងបួននាក់ ដែលសមត្ថកិច្ច<br />ឃាត់ខ្លួនបាន រួម មានឈ្មោះ តូ គឹមអូន ភេទប្រុស អាយុ ៥១ឆ្នាំ, ឈ្មោះ តូ សុផានិត ភេទស្រី<br /> អាយុ២៦ ដែលមានបើកភ្នាល់បាល់ ចាក់ប្រដាល់ និងធ្វើមេកន្ទុយលេខ ក្នុងហាងកាហ្វេរមួយ<br />កន្លែង យីហោឈ្មោះ (រំដួលកាំពី) នៅភូមិក្រចេះ សង្កាត់ /ក្រុងក្រចេះ, ឈ្មោះ ស្រី តាក់ អាយុ<br /> ៣៣ឆ្នាំ នៅភូមិត្រពាំងព្រីង សង្កាត់/ក្រុងក្រចេះ និងថៅកែធំម្នាក់ទៀត ឈ្មោះ គង់ ស្រេង ភេទ<br />ប្រុស អាយុ ៥៨ឆ្នាំ នៅភូមិក្រចេះ សង្កាត់/ក្រុងក្រចេះ។</p>
<p>វត្តុតាំងទាំងអស់ រួមនិងថៅកែ បួននាក់ ត្រូវបានសមត្ថកិច្ចបញ្ចូនទៅអធិការដ្ឋាននគរបាលក្រុង <br />ដើម្បីធ្វើការសាក សួរ និងចាត់វិធានការបន្តរ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-009/S-124.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-009/S-125.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-009/S-126.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-009/S-127.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>