<p><span style="color: #000000;"><strong>(ភ្នំពេញ)៖</strong> នៅរសៀលថ្ងៃទី១០ ខែកុម្ភៈ ឆ្នាំ២០១៦ ចៅក្រមសាលាដំបូងរាជធានីភ្នំពេញ លោក គឹម រ័ត្នណារិន បានប្រកាសសាលក្រម ផ្តន្ទាទោសបុរសម្នាក់ជាអតីតនាយកអង្គការផ្ទះយើង ដាក់ពន្ធនាគារ៣ឆ្នាំ និងពិន័យជាប្រាក់៨លានរៀល ពីបទអំពើអាសប្រឆាំងនឹងអនីតិជនក្រោមអាយុ១៥ឆ្នាំ ។ ជនជាប់ចោទរូបនេះមាន ឈ្មោះ ហង្ស វិបុល ភេទប្រុស អាយុ៤៦ឆ្នាំ។</span></p>
<p><span style="color: #000000;">តុលាការទុកសិទ្ធិមួយខែឲ្យជនជាប់ចោទប្តឹងឧទ្ធរណ៍ ប្រសិនបើមិនសុខចិត្ត នឹងការសម្រេចរបស់សាលាដំបូងនេះ។ </span></p>
<p><span style="color: #000000;">សូមជំរាបថា ឈ្មោះ ហង្ស វិបុល ត្រូវបានចាប់ខ្លួន ដោយសមត្ថកិច្ចនគរបាលនាយកដ្ឋាន ប្រឆាំងការជួញដូរមនុស្ស និងការពារអនីតិជនរាជធានីភ្នំពេញ កាលពីថ្ងៃទី០២ ខែមីនា ឆ្នាំ២០១៥ ជាប់ពាក់ព័ន្ធនឹងករណីបៀតបៀនផ្លូវភេទ លើកុមាររងគ្រោះជាច្រើននាក់ ស្នាក់នៅក្នុងមណ្ឌលអង្គការរបស់គាត់តាមរយៈហៅកុមារារងគ្រោះទាំងនោះ ចូលក្នុងបន្ទប់របស់គាត់ ឲ្យពួកគេចាប់លេងប្រដាប់ភេទរបស់គាត់រហូតដល់សម្រេចចេញទឹកកាម។ បន្ទាប់មក គាត់ក៏បានចាប់ស្ទាប លេងប្រដាប់ភេទរបស់កុមាររងគ្រោះនោះវិញផងដែរ។</span></p>
<p><span style="color: #000000;">លោក ស៊ុយ សុខុន មេធាវីការពារក្តីរបស់ជនជាប់ចោទឈ្មោះ ហង្ស វិបុល បាននិយាយថា ឈ្មោះ ហង្ស វិបុល បានឆ្លើយបដិសេធយ៉ាងដាច់អហង្ការចំពោះការចោទប្រកាន់របស់តំណាងអយ្យការ ពីព្រោះគាត់មិនបានប្រព្រឹត្តអ្វីដូចការឆ្លើយដាក់របស់កុមាររងគ្រោះ នោះទេ។</span></p>
<p><span style="color: #000000;">លោកមេធាវី ស៊ុយ សុខុន បានឲ្យដឹងថា តាមពិតរឿងក្តីនេះ គឺជារឿងគំនុំ និងការទាស់ទែងគ្នា រវាងកូនក្តីរបស់លោក ឈ្មោះ ហង្ស វិបុល ជាមួយនឹងនាយករងអង្គការរបស់គាត់ម្នាក់ និងបុរសជនបរទេសបានរៀបចំផែនការ ដើម្បីធ្វើការទម្លាក់កំហុស ទៅលើឈ្មោះ ហង្ស វិបុល ដែលជានាយកអង្គការតែម្តងទៅ ៕</span></p>
<p style="text-align: center;"><span style="color: #000000;"><img src="https://scontent-sin1-1.xx.fbcdn.net/hphotos-xpl1/v/l/t1.0-9/12733579_1556404731340559_2154699201998908829_n.jpg?oh=1051dcfd27e7004770812e5cf2b53960&oe=5736AC1E" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>