<p>ព័ត៌មានអន្តរជាតិ ៖ យោងតាមការដកស្រង់ អត្ថបទផ្សាយ ពីគេហទំព័រសារព័ត៌មាន បរទេស ស្កាយ ដែលទើបតែបាន ចេញផ្សាយ កាលពីវេលាល្ងាច ម្សិលមិញនេះ អោយដឹងថា ឆ្កែពីរក្បាល ត្រូវបាន មន្រ្តីប៉ូលីស មានសមត្តកិច្ច រឹបអូស និង សម្លាប់ចោលហើយ ខណៈមានការពាក់ព័ន្ធ ទៅនឹងការ សង្ស័យសម្លាប់ ទារិកាតូច ទើបតែកើត បាន ៦ ថ្ងៃ ។</p>
<p><a class="thickbox" title="" href="/FileManager/Commons/2014/3/5/01-05-03-2014--08-35-41.jpg"><img src="/FileManager/Articles/mce/2014/3/5/01-05-03-2014--08-35-41.jpg" alt="" /></a></p>
<p>សេចក្តីរាយការណ៍បន្តអោយដឹងថា ទារិកាតូច វ័យទើបតែបាន ៦ ថ្ងៃ រូបនោះ មានឈ្មោះថា Eliza- Mae Mullane ស្របពេលដែលរឿងហេតុ លើកនេះ បានកើតឡើង ភាគលិច ប្រទេស វែល ប្រទេស អង់គ្លេស ។ ដោយឡែក បើតាមការអោយដឹង មូលហេតុដែលបានធ្វើអោយគេស្លាប់បាត់បង់ជីវិត កាលពីថ្ងៃទី ១៨ កុម្ភៈកន្លងទៅនោះ ពុំទាន់បានដឹងច្បាស់នៅឡើយនោះទេ ស្របពេលដែល អ្នកជំ នាញខាងវិភាគសាកសព កំពុងតែធ្វើការតាមដាន ស៊ើបអង្កេត នៅឡើយ ។</p>
<p><a class="thickbox" title="" href="/FileManager/Commons/2014/3/5/02-05-03-2014--08-35-51.jpg"><img src="/FileManager/Articles/mce/2014/3/5/02-05-03-2014--08-35-51.jpg" alt="" /></a></p>
<p>ផ្ទុយទៅវិញ មន្រ្តីប៉ូលីស មិនបានផ្តល់ជាព័ត៌មានលម្អិត ស្តីពីបញ្ហា ការទទួលរងរបួស របស់ជនរង គ្រោះនោះទេ ។ បន្ថែមពីលើនេះ ប្រភពបន្តអោយដឹងថា ពូជឆ្កែពីរក្បាលខាងលើ មិនត្រូវបានគេ ចាត់ចូលទៅក្នុងពូជឆ្កែ មានគ្រោះថ្នាក់នោះទេ ។ ទន្ទឹមនឹងនេះ អ្នកនាំពាក្យ តំណាងអោយនាយក ដ្ឋានមន្រ្តីប៉ូលីស ប្រចាំតំបន់ សរបញ្ជាក់អោយដឹងថា ឆ្កែទាំងពីរក្បាលនេះ ត្រូវបានមន្រ្តីប៉ូលីសរឹប អូសយកហើយ ខណៈមកទល់នឹងបច្ចុប្បន្នភាពនេះ ពួកវា ត្រូវបានគេសម្លាប់ចោលហើយ។</p>
<p><a class="thickbox" title="" href="/FileManager/Commons/2014/3/5/03-05-03-2014--08-36-01.jpg"><img src="/FileManager/Articles/mce/2014/3/5/03-05-03-2014--08-36-01.jpg" alt="" /></a></p>
<p>ឪពុកម្តាយ ទារិកាតូច មានឈ្មោះ Sharon John និង Patrick Mullane បានផ្តល់ជាកិច្ចសម្ភាសន៍ ដល់ទីភ្នាក់ងារ សារព័ត៌មាន អោយដឹងថា វាពិតជាសុបន្តិអាក្រក់មួយ ដែលនឹកស្មានមិនដល់ ហើយ វាគឺជាការសោកស្តាយ មួយដ៏ធំធេង ក្នុងការបាត់បង់រូបគេ យ៉ាងដូច្នេះ ខណៈគេទើបតែមានវត្តមាន រយៈពេលខ្លី មែនទែន ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>