<p>ក្រុមអ្នកវិទ្យាសាស្ដ្រ ស្វីស ប្រកាសថា បានរកឃើញចំនុចមួយនៅក្នុងខួរក្បាល មានលទ្ធភាព<br />បង្កើតជាអារម្មណ៍មួយ ដែលអាចបង្ហាញអំពីព្រលឹង ឬស្រមោលខ្មោច នៅក្បែររាងកាយ ក្នុងពេល<br />មនុស្សម្នាក់ នៅតែឯង។ ក្រុមអ្នកស្រាវជ្រាវ ក៏អាចបង្កើតអារម្មណ៍ដូច្នេះ នៅក្នុងបន្ទប់ពិសោធ។</p>
<p style="text-align: center;"><a class="thickbox" title="" href="/FileManager/Commons/2014/11/21/ghost4-21-11-2014--15-23-10.jpg"><img src="/FileManager/Articles/mce/2014/11/21/ghost4-21-11-2014--15-23-10.jpg" alt="" /></a></p>
<p>បណ្ឌិត Giulio Rognini មកសកលវិទ្យាល័យ Lausane (EPFL) រួមនឹងសហការីរបស់ខ្លួន ឱ្យដឹងថា<br /> ក្រុមមនុស្សដែលតែងជួបខ្មោច គឺជាមនុស្សដែលធ្លាប់ឆ្លងកាត់ស្ថានភាព ឬទីកន្លែងពិសេសៗ <br />ដូចជា ក្រុមអ្នកឡើងភ្នំ អ្នកដើរព្រៃ អ្នកដើរយប់ ឬអ្នកមានបញ្ហាសតិ។ល។</p>
<p>លោក Rognini ថ្លែងថា បណ្ដាមនុស្សប្រភេទខាងលើនេះ មានអារម្មណ៍ថាឃើញស្រមោលយ៉ាង<br />ពិតៗ ពោលគឺពួកគេយល់ថា ខ្លួនបានឃើញមនុស្សណាម្នាក់ នៅពីក្រោយខ្នង ប៉ុន្ដែ វាគ្រាន់តែ<br />ជាការស្រមៃ គឺមិនបានមើលឃើញនោះទេ “ប្រការដែលគួរឱ្យចាប់អារម្មណ៍គឺថា ពួកគេតែងរៀប<br />រាប់ថា ស្រមោល ឬព្រលឹងនោះ ជួនកាលធ្វើតាមកាយវិការរបស់ពួកគេ”។</p>
<p>ដើម្បីបកស្រាយអំពីបញ្ហាខាងលើ ក្រុមអ្នកវិទ្យាសាស្ដ្រ បានស្កេនខួរក្បាលរបស់មនុស្សចំនួន <br />១២នាក់ ដែលមានបញ្ហាសតិ និងធ្លាប់ប្រាប់ថា ពួកគេធ្លាប់ឃើញខ្មោច។ ក្រោយពីការស្ដេនខួរ<br />ក្បាល អ្នកវិទ្យាសាស្ដ្ររកឃើញថា ពួកគេមានរបួសខួរក្បាលនៅត្រង់ចំនុចដូចគ្នា ជាកន្លែងដែល<br />ទទួលភារកិច្ចទៅលើការទទួលដឹង ទទួលឥទ្ធិពល។</p>
<p style="text-align: center;"><a class="thickbox" title="" href="/FileManager/Commons/2014/11/21/ghost1-21-11-2014--15-16-21.jpg"><img src="/FileManager/Articles/mce/2014/11/21/ghost1-21-11-2014--15-16-21.jpg" alt="" /></a></p>
<p>ក្រោយមក ការពិសោធមួយទៀតក៏ត្រូវបានធ្វើឡើង ទៅលើមនុស្ស ៤៨នាក់ ដែលមានរាងកាយ<br />មាំមួន មានសតិល្អ និងមិនធ្លាប់ជួបប្រទះខ្មោច ដោយអ្នកវិទ្យាសាស្ដ្រ បានប្ដូរសញ្ញាលើសរសៃ<br />ប្រសាទ ក្នុងខួរក្បាលរបស់ពួកគេ។</p>
<p>អ្នកស្ម័គ្រចិត្តក្នុងការពិសោធ ត្រូវបានអ្នកជំនាញ ស្នើឱ្យបញ្ជាទៅលើរ៉ូបូតមួយ ដោយប្រើដៃ ដែល<br />នៅខាងមុខ ទន្ទឹមនឹងនេះ រ៉ូបូតផ្សេងមួយទៀត ត្រូវបានដាក់នៅពីខាងក្រោយ ដើម្បីធ្វើត្រាបតាម<br />សកម្មភាព។ នៅពេលសកម្មភាពខាងមុខ និងខាងក្រោយខ្នង កើតឡើងក្នុងពេលតែមួយ គេ<br />ឃើញថា ក្រុមមនុស្សនេះ មិនបានកើតមានអារម្មណ៍ចម្លែកនោះទេ។</p>
<p style="text-align: center;"><a class="thickbox" title="" href="/FileManager/Commons/2014/11/21/ghost2-21-11-2014--15-17-06.jpg"><img src="/FileManager/Articles/mce/2014/11/21/ghost2-21-11-2014--15-17-06.jpg" alt="" /></a></p>
<p>ក៏ប៉ុន្ដែ នៅពេលសកម្មភាពខាងមុខ និងខាងក្រោយ កើតឡើងក្នុងពេលខុសគ្នា គេឃើញថា ១<br />ភាគ៣នៃក្រុមមនុស្សនេះ មានអារម្មណ៍ថា ដូចជាមានស្រមោលខ្មោច បង្ហាញខ្លួនក្នុងបន្ទប់ ហើយ<br />អ្នកខ្លះយល់ថា មានស្រមោលខ្មោចដល់ទៅ ៤នាក់ បង្ហាញខ្លួននៅទីនោះ។ ទន្ទឹមនឹងនេះ ក៏មាន<br />មនុស្ស ២នាក់ មានអារម្មណ៍ភ័យខ្លាច រហូតដល់ស្មើឱ្យគេបញ្ឈប់ការពិសោធភ្លាមៗ។</p>
<p>ក្រុមអ្នកវិទ្យាសាស្ដ្របកស្រាយថា ភាពចម្លែក ត្រូវបានបង្កើតឡើងដោយរ៉ូបូត ដែលធ្វើឱ្យចំនុចមួយនៅក្នុងខួរក្បាលមានការប្ដូរផ្លាស់ជាបណ្ដោះអាសន្ន។ ពេលមានអារម្មណ៍ឃើញខ្មោច ក៏ជា<br />ពេលដែលខួរក្បាលកំពុងច្រឡំ ដោយសារការគិតខុសអំពីទីតាំងរបស់ខ្លួន ហើយស្រមៃថា មាន<br />អ្នកណាម្នាក់កំពុងនៅក្បែរខ្លួន។</p>
<p style="text-align: center;"><a class="thickbox" title="" href="/FileManager/Commons/2014/11/21/ghost5-21-11-2014--15-15-47.jpg"><img src="/FileManager/Articles/mce/2014/11/21/ghost5-21-11-2014--15-15-47.jpg" alt="" /></a></p>
<p>បណ្ឌិត Rognini បកស្រាយថា ៖ “ខួរក្បាលរបស់យើង មានវិធី “បង្ហាញ” រាងកាយរបស់ខ្លួនក្នុង<br />បរិយាកាស និងក្នុងលក្ខខណ្ឌធម្មតា ហើយទទួលអារម្មណ៍អំពីខ្លួនឯងបានល្អបំផុត។ ប៉ុន្ដែ នៅ<br />ពេលប្រព័ន្ធនេះមានបញ្ហា ដោយសារជម្ងឺ (ក្នុងករណីនេះ គឺដោយសាររ៉ូបូត) វាអាចនឹងបង្កើតបាន<br />ជាការ “បង្ហាញខ្លួន” របស់មនុស្សដែលមានជម្ងឺនោះ”។</p>
<p><object style="display: block; margin-left: auto; margin-right: auto;" width="487" height="417" data="http://www.youtube.com/v/GnusbO8QjbE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/GnusbO8QjbE&rel=1" /></object></p>
<p><object style="display: block; margin-left: auto; margin-right: auto;" width="488" height="419" data="http://www.youtube.com/v/MYjnOYeoK8g&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/MYjnOYeoK8g&rel=1" /></object></p>
<p>ក្រុមអ្នកវិទ្យាសាស្ដ្រនេះ យល់ថា ការរកឃើញរបស់ពួកគេ អាចជួយស្វែងយល់លំអិតជាងនេះ ទៅ<br />លើអ្នកជម្ងឺសរសៃប្រសាទ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Livescience/Youtube<br /><br /></p>