<p>ជាមួយនឹងវិធីខាងក្រោមនេះ អ្នកនឹងមិនចាំបាច់ “អង្គុយ” ចាំតែ លាបក្រែមបបូរមាត់ឡើងវិញជារៀងរាល់ម៉ោង ដោយសារតែភ័យខ្លាចក្រែមហើរពណ៌។<br /> <br /><strong>ត្រូវតែបំប៉នបបូរមាត់ជាមុន</strong></p>
<p>ការធ្វើឱ្យបបូរមាត់ទន់ និងសើមបន្ដិច មុនពេលលាបក្រែមបបូរមាត់គឺជាវិធីចាំបាច់ដើម្បីរក្សាគុណភាពឱ្យក្រែមជាប់បានយូរ។ ល្អបំផុត អ្នកគួរតែបំប៉នបបូរមាត់ជាប្រចាំ ដោយប្រើក្រែមបបូរមាត់ប្រភេទមិនមានពណ៌។ ប៉ុន្ដែ អ្នកក៏មិនគួរលាបក្រាស់ពេកនោះទេ ប្រសិនមិនចង់មានអារម្មណ៍ពិបាកទ្រាំនៅក្នុងមាត់។<br /><br /><strong>គូសគែមបបូរមាត់ មុនពេលលាបក្រែម</strong></p>
<p>ការគូសគែមបបូរមាត់ នៅមុនពេលលាបក្រែម គឺជាវិធីល្អ ដើម្បីពណ៌ក្រែម នៅជាប់បានយូរ។ ដោយសារតែ ខ្មៅដៃ ត្រូវបានធ្វើឡើងអំពីវត្ថុធាតុស្ងួត ដូច្នេះវានឹងជួយមិនឱ្យក្រែមប្រឡាក់ចេញមកខាងក្រៅគែមបបូរមាត់។ ក្រៅពីជួយឱ្យពណ៌ក្រែមនៅជាប់បានយូរ គំនូសខ្មៅដៃ គឺជាវិធីមួយ ជួយឱ្យបបូរមាត់បានលេចធ្លោនៅលើរង្វង់មុខ។ <br /> <br /><strong>ផាត់ម្សៅ</strong></p>
<p>ប្រសិនអ្នកចង់ឱ្យពណ៌ក្រែមបបូរមាត់ មានសភាពស្រទន់ នោះការផាត់ម្សៅនឹងធ្វើឱ្យអ្នកពេញចិត្ត។ ប៉ុន្ដែ អ្នកមិនត្រូវផាត់ម្សៅផ្ទាល់ទៅនឹងបបូរមាត់ តែគួរផាត់ពីលើកន្សែងស្បៃជូតមាត់។</p>
<p style="text-align: center;"><a class="thickbox" title="" href="/FileManager/Commons/2013/11/5/lips1-05-11-2013--19-21-43.jpg"><img src="/FileManager/Articles/mce/2013/11/5/lips1-05-11-2013--19-21-43.jpg" alt="" /></a></p>
<p><br /><strong>ក្រែមច្រើនស្រទាប់</strong></p>
<p>ការលាបក្រែមបបូរមាត់តែមួយជាន់ វានឹងងាយឆាប់ហើរពណ៌។ អ្នកអាចលាបក្រែមស្ដើងមួយជាន់មុន រួចប្រើបបូរមាត់ខាំបបូរមាត់ និងខាំក្រដាស់ជូតមាត់ដើម្បីសម្អាតក្រែមសល់។ បន្ទាប់មក លាបក្រែមមួយជាន់ទៀត ដូច្នេះ វានឹងជ្រាបចូលទៅក្នុងបបូរមាត់បានយ៉ាងល្អ។ <br /><br /><strong>ប្រើជក់</strong></p>
<p>ការប្រើដើមក្រែម លាបផ្ទាល់ទៅលើបបូរមាត់ គឺជារឿងសាមញ្ញ នាពេលបច្ចុប្បន្ន ដោយសារតែស្ដ្រីភាគច្រើន មិនមានពេលគ្រប់គ្រាន់សម្រាប់ការផាត់មុខ។ ប៉ុន្ដែ ការប្រើប្រាស់ជក់ ដើម្បីលាបក្រែមបបូរមាត់ គឺជាវិធីល្អបំផុត ដើម្បីឱ្យក្រែមបានស្មើ និងមានគុណភាព។ វិធីនេះ អាចអនុវត្តនៅពេលចូលរួមពិធីជប់លៀង។ ចូរយកជក់ ផ្ដិតស្ដើងៗទៅលើគ្រែម រួចលាបថ្នមៗលើបបូរមាត់ ដើម្បីជួយឱ្យក្រែមមានសភាពមិនក្រាស់ជាប់ស្អិតលើបបូរមាត់។<br /> <br /><strong>ញ៉ាំភេសជ្ជៈដោយប្រើបំពង់បឺត</strong></p>
<p>យើងដឹងហើយថា នៅពេលបានលាបក្រែមបបូរមាត់ ហើយញ៉ាំភេសជ្ជៈដោយប្រើមាត់ផ្ទាល់ នោះក្រែមនឹងជាប់ស្នាមនៅលើកែវយ៉ាងច្បាស់ ដូច្នេះ ល្អបំផុត គឺប្រើបំពង់បឺត។<br /><br /><strong>អាថ៌កំបាំងមួយចំនួន ជួយរក្សាក្រែមបានយូរ</strong></p>
<p>- ចៀសវាងការទំពារច្រើន ឬលិទ្ធបបូរមាត់ ព្រោះថា វានឹងធ្វើឱ្យក្រែមឆាប់រលាយ និងហើរពណ៌។<br /><br />- ចូរកុំលោភប្រើក្រែមច្រើនពណ៌ ច្រើនប្រភេទ ដែលមានតម្លៃថោក។ ចូរជ្រើសរើសក្រែមដែលមានគុណភាព ថ្វីបើវាមានតម្លៃខ្ពស់ជាង ប៉ុន្ដែ វាក៏មិនឆាប់ហើរពណ៌ និងមិនចាំបាច់លាបច្រើនដង។<br /><br />- ដើម្បីរក្សាគុណភាពនៃក្រែមបបូរមាត់ ចូរទុកដាក់វានៅកន្លែងត្រជាក់ ស្ងួត។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/16354/what-is-the-difference-between-makeup-base-and-foundation"><span style="color: #3366ff;">ម្សៅទ្រនាប់ និងម្សៅផាត់ ៖ អ្នកប្រហែលមិនទាន់ ដឹងច្បាស់</span></a></span></p>
<p><span style="color: #3366ff;"><a href="/News/Detail/48972/makeup-tricks-to-make-a-nose-look-smaller"><span style="color: #3366ff;">Make up ច្រមុះធំ ឱ្យក្លាយជាតូច និងក្ដោងខ្ពស់ វែង (វីដេអូ)</span></a></span></p>
<p><span style="color: #3366ff;"><a href="/News/Detail/59471/remove-skin-wrinkles-with-steam-iron"><span style="color: #3366ff;">ប្រើប្រាស់ចំហាយក្ដៅ ដើម្បីបំបាត់ ស្នាមជ្រួញ នៅលើស្បែក</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ TuLip<br /><br /></p>