<p><span style="color: #000000;"><strong style="font-size: 12px;">(ម៉ូស្គូ)៖</strong><span style="font-size: 12px;"> បន្ទាប់ពីស្ងប់ស្ងាត់អស់មួយរយៈ កងកម្លាំងនៃកងអង្គភាពការពារដែនអាកាសរបស់រុស្ស៊ី នឹងធ្វើការបាញ់មីស៊ីលប្រភេទប្រឆាំងយន្តហោះចម្បាំងប្រមាណ ៥០០គ្រាប់ នៅក្នុងសមយុទ្ធទ្រង់ទ្រាយដ៏ធំៗថ្មីមួយ ដែលចាប់ផ្តើមប្រព្រឹត្តទៅនៅក្នុងតំបន់ស៊ីប៊ែរី ភាគខាងកើតប្រទេសរុស្ស៊ី។ នេះបើតាមការចេញផ្សាយដោយសារព័ត៌មានរុស្ស៊ី Sputnik នៅមុននេះបន្តិចនារសៀលថ្ងៃពុធ ទី១៥ ខែមីនា ឆ្នាំ២០១៧។</span></span></p>
<p><br /><a class="thickbox" title="" href="/FileManager/Commons/2017/3/15/20a-15-03-2017--16-22-39.jpg"><img src="/FileManager/Articles/mce/2017/3/15/20a-15-03-2017--16-22-39.jpg" alt="" /></a></p>
<p><br /><a class="thickbox" title="" href="/FileManager/Commons/2017/3/15/20b-15-03-2017--16-22-47.jpg"><img src="/FileManager/Articles/mce/2017/3/15/20b-15-03-2017--16-22-47.jpg" alt="" /></a><a class="thickbox" title="" href="/FileManager/Commons/2017/3/15/20a-15-03-2017--16-22-39.jpg"></a></p>
<p><span style="color: #000000;">យោងតាមលោកឧត្តមសេនីយ៍ Alexander Gordeev អ្នកនាំពាក្យនៃទីបញ្ជាការយោធាភាគកើតរុស្ស៊ី សមយុទ្ធខ្នាតធំខាងលើនឹងមានការប្រើប្រាស់ ប្រព័ន្ធមីស៊ីលប្រឆាំងយន្តហោះចម្បាំងទំនើបៗ និងពោរពេញដោយអានុភាពដូចជា S-400, S-300, Tor, Osa, Strela-10 និង Pantsir-S រួមទាំងកាំភ្លើងយន្តប្រឆាំងយន្តហោះចម្បាំងមួយចំនួនផ្សេងទៀត។</span></p>
<p><span style="color: #000000;">លោក Gordeev បានថ្លែងថា<strong> «កងអង្គភាពការពារដែនអាកាស នឹងចាប់ផ្តើមធ្វើការអនុវត្តន៍ដោយការហ្វឹកហាត់ចាប់សញ្ញា និងតាមដាន ក៏ដូចជាកត់សម្គាល់ ព្រមទាំងកម្ទេចចោលគោលដៅមីស៊ីលតូចៗ ដែលមានល្បឿនយ៉ាងលឿន។ មីស៊ីលធម្មតាប្រហែល ២៥០គ្រាប់ រួមជាមួយមីស៊ីលប្រដេញចំនួនពីរគ្រាប់ នឹងត្រូវប្រើប្រាស់ដើម្បីធ្វើជាការវាយលុកតាមផ្លូវអាកាសរបស់សត្រូវ ហើយមីស៊ីលប្រឆាំងយន្តហោះចម្បាំងប្រមាណ ៥០០គ្រាប់ នឹងត្រូវប្រើប្រាស់ដើម្បីកម្ទេចពួកវា»</strong>។</span></p>
<p><span style="color: #000000;">គួរបញ្ជាក់ថាពលទាហានសុរបចំនួន ៨,០០០នាក់ ព្រមទាំងបរិក្ខាយោធាជាង ១,០០០គ្រឿង នឹងចូលរួមនៅក្នុងសមយុទ្ធទ្រង់ទ្រាយធំថ្មីនេះរបស់ប្រទេសរុស្ស៊ី ខណៈនាពេលថ្មីៗនេះក៏មានសេចក្តីរាយការណ៍ផងដែរថា កងនាវាចម្បាំងប្រឆាំងនាវាមុជទឹកនៃមហាសមុទ្រប៉ាស៊ីហ្វិករបស់រុស្ស៊ីបានទៅចូលរួមសមយុទ្ធយោធាជើងទឹក នៅដែនសមុទ្រជប៉ុន៕</span></p>
<p><span style="color: #000000;"><a class="thickbox" title="" href="/FileManager/Commons/2017/3/15/20-15-03-2017--16-20-22.jpg"><img src="/FileManager/Articles/mce/2017/3/15/20-15-03-2017--16-20-22.jpg" alt="" /></a></span></p>
<p style="text-align: right;"><span style="color: #000000;">ប្រភព ៖sputniknews</span></p>