<p><span style="font-size: 12px; color: #000000;">ព្រះនាង Mako រាជបុត្រីរបស់ប្រទេសជប៉ុន ពន្យារពេលប្រារព្ធពិធីមង្គការរបស់ព្រះនាងរហូតដល់ឆ្នាំ ២០២០ ដោយហេតុតែ ព្រះនាង ពុំមានពេវេលាគ្រប់គ្រាន់ដើម្បីរៀបចំពិធីនេះ។</span></p>
<p><span style="color: #000000;">ចៅស្រីវ័យ ២៦ ឆ្នាំរបស់ព្រះចៅអធិរាជ Akihito គ្រោងនឹងរៀបមង្គលការជាមួយបុគ្គលិកមួយរូបបម្រើការងារ នៅក្រុមហ៊ុនច្បាប់គឺលោក Kei Komuro ក្នុងខែវិច្ឆិកា។ សារព័ត៌មាន Jiji Press បានរាយការណ៍ថា គូស្នេហ៍ទាំងពីរ បានប្រកាសថា ការពន្យារពេលពិធីមង្គការនេះ គឺដោយសារតែអ្នកទាំងពីរពុំមានពេលវេលាដើម្បី "ត្រៀមលក្ខណៈឱ្យបានពេញលេញ"។</span></p>
<p><span style="color: #000000;"><a class="thickbox" title="" href="/FileManager/Commons/2018/2/7/1-07-02-2018--11-40-19.png"><img src="/FileManager/Articles/mce/2018/2/7/1-07-02-2018--11-40-19.png" alt="" /></a><br /></span></p>
<p><span style="color: #000000;">ការសម្រេចចិត្តរបស់គូស្នេហ៍ទាំងទ្វេ មួយផ្នែកគឺធ្វើឡើង ដោយសារការដឹងជាមុននូវផែនការមមាញឹករបស់ត្រកូលអធិរាជ នៅឆ្នាំក្រោយ រួមទាំងការដាក់រាជ្យរបស់ព្រះចៅអធិរាជផងដែរ។</span></p>
<p><span style="color: #000000;">ភ្នាក់ងារព័ត៌មាន AFP បានដកស្រង់សម្តីរបស់ព្រះនាងម្ចាស់អង្គនេះថា៖ "ខ្ញុំពិតជាសោកស្តាយណាស់ ចំពោះការបង្កបញ្ហាដ៏ធំ និងបន្ទុកបន្ថែមដល់អ្នក ដែលបានជួយដល់គម្រោងអាពាហ៍ពិពាហ៍របស់យើងយ៉ាងស្មោះត្រង់"។ ព្រះនាង Mako នឹងបាត់បង់តំណែងរបស់ព្រះនាង នៅពេលព្រះនាងរៀបមង្គលការជាមួយលោក Komuro ដែលជាជនសាមញ្ញម្នាក់។</span></p>
<p><span style="color: #000000;">អ្នកនាំពាក្យរបស់ត្រកូលអធិរាជ បានបញ្ជាក់ថា គូស្នេហ៍ទាំងទ្វេ ដែលបានជួបគ្នា កាលពីឆ្នាំ ២០១២ នៅតែមានបំណង ចងចំណងមេត្រីភាពមួយនេះ បន្ទាប់ពីរាជពិធីសំខាន់ៗ ទាក់ទងនឹងការដាក់រាជ្យរបស់ព្រះចៅអធិរាជ និងការឡើងគ្រងរាជ្យរបស់ព្រះរាជបុត្រ។</span></p>
<p><span style="color: #000000;">ត្រកូលអធិរាជ្យនេះ ក៏បានបដិសេធចំពោះអត្ថបទទស្សនាវដ្ដី ដែលបានចុះផ្សាយចោទប្រកាន់ នាពេលថ្មីៗនេះថា ការពន្យារពេលរៀបមង្គការនេះ គឺដោយសារបញ្ហាហិរញ្ញវត្ថុ ដែលពាក់ព័ន្ធនឹងម្តាយរបស់លោក Komuro ។</span></p>
<p><span style="color: #000000;">គួរបញ្ជាក់ថា នៅខែមេសា ឆ្នាំ ២០១៩ ព្រះចៅអធិរាជ Akihito ព្រះជន្ម ៨៤ វស្សា នឹងក្លាយជាអធិរាជជប៉ុនដំបូងបង្អស់ដែលចុះចេញពីរាជបល្ល័ង្ក Chrysanthemum ក្នុងរយៈពេលជាង ២០០ ឆ្នាំមកនេះ។</span></p>
<p><span style="color: #000000;">រាជបុត្រច្បង និងត្រូវជាឪពុកមារបស់ព្រះនាង Mako ព្រះជន្ម ៥៧ វស្សា គឺព្រះអង្គម្ចាស់ Naruhito នឹងឡើងគ្រងរាជ្យបន្តពីព្រះអង្គ ៕ </span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/2/7/mkn-07-02-2018--10-55-38.png" alt="" /></a> </span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ BBC</span></p>