<p><span style="font-size: 12px; color: #000000;">(ហាណូយ)៖ តុលាការខេត្ត Lang Son ភាគខាងជើងប្រទេសវៀតណាម ជាប់ព្រំដែននឹងប្រទេសចិននោះ បានសម្រេចប្រហារជីវិតមនុស្ស ១១នាក់ ក្រោយពីបានរកឃើញភស្តុតាងគ្រប់គ្រាន់ថា ពួកគេបានព្យាយាមរត់ពន្ធ គ្រឿងញៀនប្រភេទហេរ៉ូអ៊ីនចំនួនជាង ២៨០ គីឡូក្រាមទៅកាន់ប្រទេសចិន ពីចន្លោះឆ្នាំ ២០១៣ ដល់ ២០១៤។ នេះបើតាមការចេញផ្សាយ នៅមុននេះបន្តិច ដោយទីភ្នាក់ងារព័ត៌មានចិនស៊ិនហួរ នាព្រឹកថ្ងៃពុធ ទី១០ ខែសីហា។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2016/8/10/14a-10-08-2016--14-43-23.jpg"><img src="/FileManager/Articles/mce/2016/8/10/14a-10-08-2016--14-43-23.jpg" alt="" /></a><br /></span></p>
<p><span style="color: #000000; font-size: 12px;">សារព័ត៌មាន Bao Giao Thong របស់វៀតណាមក៏បានចេញផ្សាយផងដែរថា មនុស្ស ០២នាក់ទៀត ត្រូវបានកាត់ទោស ដាក់គុកអស់មួយជីវិត ពីបទផ្សំគំនិតក្នុងរឿងរត់ពន្ធគ្រឿងញៀន ដ៏ច្រើនលើសលប់ខាងលើនេះ។ អ្នកដែលបានត្រូវកាត់ទោសរួចទាំង១៣នាក់នោះ គឺស្ថិតនៅក្នុងចង្កោមជនសង្ស័យចំនួន១៩នាក់ ដែលត្រូវបាន កងកម្លាំងប៉ូលិសវៀតណាម ធ្វើការចាប់ខ្លួន និងចោទប្រកាន់ពីបទរត់ពន្ធគ្រឿងញៀន ពីខេត្តភាគខាងជើងវៀតណាម ទៅកាន់ប្រទេសចិន ដែលគិតជាទឹកប្រាក់ជិត ៤,៥សែនដុល្លារអាមេរិក។</span></p>
<p><span style="color: #000000;">គួរបញ្ជាក់ថា កាលពីឆ្នាំ ២០១៤ កន្លងទៅនេះ គឺត្រូវបានចាត់ទុកជាឆ្នាំដែលវៀតណាម បានធ្វើការបង្ក្រាបគ្រឿងញៀន ធំជាងគេបង្អស់ ហើយជាលទ្ធផលតុលាការទីក្រុងហាណូយ បាននាំខ្លូនជនសង្ស័យចំនួន ២៩នាក់មកកាត់ទោស និងបានរឹបអូសព្រមទាំងធ្វើការបំផ្លាញចោល គ្រឿងញៀនប្រភេទហេរ៉ូអ៊ីន ប្រមាណជាង១២តោនផងដែរ ខណៈដែលក្រុមឈ្មួញឧក្រិដ្ឋ បានព្យាយាមរត់ពន្ធពីវៀតណាម ឆ្លងចូលទៅកាន់ប្រទេសឡាវ និងចិន៕</span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>