<p><span style="color: #000000;"><strong>ភ្នំពេញៈ</strong> ថ្មីៗនេះ បានលេចឮព័ត៌មាន ដ៏រសើបមួយ របស់តារាចម្រៀង សាច់ស រាងតូចច្រឡឹង កញ្ញា រតនៈ ពិសី និងគូស្នេហ៍ ដែលជាមន្ត្រីប៉ូលីសស័ក្ត ៤កន្លះ ថា គូស្នេហ៍ដែលធ្លាប់តែ មានភាពផ្អែមល្ហែម ជាមួយគ្នានេះ កំពុងតែជួបភាព រង្គោះរង្គើ បែកបាក់គ្នាហើយ ដោយសារតែភាព មិនចុះសម្រុង និងមិនយល់ចិត្តគ្នា ។</span></p>
<p><span style="color: #000000;">ជុំវិញបញ្ហានេះ តារាចម្រៀងសាច់ស និងជាថៅកែហាងម៉ាស្សាស្ទីម "សាគូរ៉ា" កញ្ញា រតនៈ ពិសី បានប្រាប់គេហទំព័រ LookingTODAY តាមទូរស័ព្ទ ដោយទម្លាយពីចំណងស្នេហារបស់នាងថា នាងនិងគូសង្សារ ដែលជាមន្ត្រីប៉ូលីសស័ក្តិ៤កន្លះ ធ្វើការនៅក្នុងក្រសួងមហាផ្ទៃ បានដើរដល់ផ្លូវបំបែកហើយ ក្រោយពីចំណាយពេល មើលចិត្តថ្លើមគ្នាប្រមាណ ជាង១ឆ្នាំ ហើយមិនចុះសម្រុងគ្នា គឺមានតែមន្ទិលសង្ស័យ មិនទុកចិត្តគ្នាទៅវិញទៅមក ទើបធ្វើឲ្យស្នេហា ធ្លាប់ស្អិតល្មួតមួយនេះ ដើរដល់ផ្លូវបំបែក ដោយមិនអាចផ្សះផ្សារ គ្នាបានឡើយ ។</span></p>
<p><span style="color: #000000;">តារាចម្រៀង រាងតូចច្រឡឹង វ័យក្មេង រតនៈ ពិសី បានប្រាប់ឲ្យដឹងទៀតថា «បន្ទាប់ពីខ្ញុំ បានចំណាយពេល មើលចិត្តថ្លើមសិក្សាពីគាត់ (សង្សារឈ្មោះ គង់ ) អស់ពេលជាង ១ឆ្នាំមក ទើបខ្ញុំដឹងថា គាត់មានចំណុចខ្វះខាត ច្រើនណាស់ ដែលខ្ញុំមិនអាចទទួលយកបាន ។ គាត់ជាមនុស្សកុហកច្រើន ក្រឡិចក្រឡុច និយាយទៅខ្ញុំ តាមគាត់អត់ទាន់ទេ គាត់រៀនបានខ្ពស់មែន តែនិយាយមិនសូវពិតទេ ហេតុដូចនេះហើយ ទើបខ្ញុំសម្រេចចិត្ត សុំបែកគ្នាជាមួយគាត់តែម្តង ទៅកុំឲ្យខាតពេលវេលា បើស្នេហាមួយនេះ មិនអាចទៅរួចដដែល» ។</span></p>
<p><span style="color: #000000;">តារាស្រីវ័យជាង២០ឆ្នាំរូបនេះ បានប្រាប់ទៀតថា «អតីតគូស្នេហ៍ខ្ញុំ ជាបុរសពោះម៉ាយ មានកូន២ នាក់ទៅហើយ ។ខ្ញុំចាំបានថា កាលពីមុន គាត់ធ្លាប់មានភរិយាកូន តែដោយសារនៅមិនចុះសម្រុង ជាមួយភរិយា គាត់ក៏ចុះចោលផ្ទះ ហើយមកបង្កាត់ភ្លើងស្នេហ៍ជាមួយខ្ញុំ តែពេលថ្មីៗដែលខ្ញុំផ្តើមទំនាក់ទំនង ជាមួយគាត់ អតីតភរិយាគាត់ធ្លាប់បា្រប់ខ្ញុំថា បុរសម្នាក់នេះ មិនមែនជាមនុស្សល្អទេ ចរឹកយ៉ាប់ខ្លាំង ពេលនោះ ខ្ញុំមិនសូវជឿទេ ។ ប៉ុន្តែពេលទាក់ទងគាត់យូរៗទៅ ទើបដឹងការពិត ។ ទីបំផុតអ្វីគ្រប់យ៉ាង ដូចអតីតភរិយាគាត់និយាយមែន គាត់ជាមនុស្សដែលចូលចិត្ត និយាយកុហកច្រើន ខ្ញុំស្ទើរតែវិលក្បុងទៅហើយ»។</span></p>
<p><span style="color: #000000;">តារាស្រីដែលទើបតែប្រកាស បែកស្នេហ៍ ជាមួយមន្ត្រីប៉ូលីសស័ក្តិ៤កន្លះ ហើយក៏មានជំនាញខាងពេទ្យ (ដុកទ័រ) រូបនេះបានប្រាប់ទៀតថា ចំណែកហាងម៉ាស្សា និងស្ទីម “សាគូរ៉ា” ដែលជាហាង ភាគហ៊ុនរបស់ពួកនាង ជាមួយអតីតសង្សារ បើករកស៊ីរួមគ្នា គឺនាងបានប្រគល់ការគ្រប់គ្រង មើលថែទៅឲ្យបងស្រី របស់អតីតគូស្នេហ៍ ជាអ្នកមើលការខុសត្រូវជំនួស។ នាងបែរងាក ទៅពង្រឹងការងារសិល្បៈ ឲ្យកាន់តែរឹងមាំ និងកំពុងត្រៀមចាយទុន បើកហាងថ្មីមួយទៀត ដែលជាកម្មសិទ្ធិផ្ទាល់ខ្លួន ក្រោយពីនាងបានជួប រឿងស្នេហាបែកបាក់ មិនអាចផ្សះផ្សារ បាននេះរួចមក ៕</span></p>
<p><a class="thickbox" title="" href="/FileManager/Commons/2015/3/24/80-24-03-2015--14-29-38.jpg"><img src="/FileManager/Articles/mce/2015/3/24/80-24-03-2015--14-29-38.jpg" alt="" /></a></p>
<p><a class="thickbox" title="" href="/FileManager/Commons/2015/3/24/81-24-03-2015--14-29-46.jpg"><img src="/FileManager/Articles/mce/2015/3/24/81-24-03-2015--14-29-46.jpg" alt="" /></a></p>
<p><a class="thickbox" title="" href="/FileManager/Commons/2015/3/24/82-24-03-2015--14-29-54.jpg"><img src="/FileManager/Articles/mce/2015/3/24/82-24-03-2015--14-29-54.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>