<p><span style="color: #000000;"><strong>(កណ្តាល)៖</strong> បុរសវ័យ៣៨ឆ្នាំម្នាក់ ដោយសារតែស្រាចូលពោះ ស្រវឹងជោគជាំភ្លេចគិតបុណ្យបាប បានលបលួចចូលទៅចាប់រំលោភ លោកយាយវ័យ ៨៦ឆ្នាំម្នាក់ តែមិនបានសំរេចត្រូវប្រជាពលរដ្ឋ ចាប់ប្រគល់ឲ្យសមត្ថកិច្ចចាត់ការ ទៅតាមផ្លូវច្បាប់កាលពីម៉ោង ១១យប់ថ្ងៃទី ១៥ ខែ កញ្ញា ឆ្នាំ២០១៦ ស្ថិតនៅផ្ទះលោកយាយរងគ្រោះ នៅភូមិល្វាទោង ឃុំកំពង់កុង ស្រុកកោះធំ ខេត្តកណ្ដាល។</span></p>
<p><span style="color: #000000;">មន្ត្រីសមត្ថកិច្ចបានឲ្យដឹងថា ជនសង្ស័យមានឈ្មោះ ប៊ុង ធឿន ភេទប្រុស អាយុ៣៨ ឆ្នាំមានមុខរបរមិន ពិតប្រាកដមានទីលំនៅភូមិព្រែកផ្អាវ ឃុំកំពង់កុង ស្រុកកោះធំ ខេត្តកណ្ដាល ។ ចំណែកលោកយាយ រងគ្រោះវិញ ឈ្មោះ ឌ.ស អាយុ ៨៦ឆ្ នាំរស់នៅផ្ទះកើតហេតុខាងលើ។</span></p>
<p><span style="color: #000000;">សមត្ថកិច្ចបានបន្តថា មុនពេលកើតហេតុ ប្រជាពលរដ្ឋក្នុងភូមិល្វាទោង បានឃើញជនសង្ស័យដើរ មកពីលិចផ្លូវចូលទៅភូមិល្វាទោង ដោយសភាពស្រវឹងស្រាជោគ។ ពេលដើរមកឃើញក្មេងស្រីនៅ តាមផ្លូវក៏ដេញតែត្រូវអ្នកភូមិដេញវាយ ក៏រត់បាត់ទៅ ។</span></p>
<p><span style="color: #000000;">លុះរហូតដល់ម៉ោងកើតហេតុ ជនសង្ស័យបាន ចូលទៅក្នុងផ្ទះលោកយាយរងគ្រោះ រួចចាប់ស្រាតសារ៉ុងពេលនោះ លោកយាយរងគ្រោះរើបំរ៉ាស់រួច ស្រែកអោយអ្នកជិតខាងជួយ តែត្រូវជនសង្ស័យ វាយបណ្តាលឲ្យរងរបួស ក្រោយមកទើប មានអ្នកជិតខាងលឺសំលេងស្រែក អោយជួយក៏នាំគ្នាទៅមើលស្រាប់តែ ឃើញជនសង្ស័យកំពុងវាយលោក យាយរងគ្រោះ ឃើញដូច្នោះប្រជាពលរដ្ឋនាំគ្នា ចាប់ជនសង្ស័យចងទុករួច ប្រគល់ឲ្យនគរបាលចាត់ការ ទៅតាមផ្លូវច្បាប់។</span></p>
<p><span style="color: #000000;">បច្ចុប្បន្នជនសង្ស័យត្រូវបានឃុំខ្លួន ជាបណ្តោះអាសន្ននៅអធិការដ្ឋាន ដើម្បីកសាងសំណុំរឿងបញ្ជូនទៅកាន់ ស្នងការដ្ឋានចាត់ការបន្តតាមនីតិវិធី៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-17-04-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-17-04-09-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-16-17-04-09-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>