<p><span style="color: #000000;"><strong>(ភ្នុំពេញ)៖</strong> ភ្នាក់ងារ ព័ត៌មាន បានរាយការណ៍ថា មានបុរសស្រវឹងអាងយ៉ាងម្នាក់ បើកឡានទំនើបបុកម៉ូតូមួយគ្រួសារ បណ្តាលឲ្យឪពុកបាក់ជើងទាំងពីរ និងកូនស្រីអាយុ៤ឆ្នាំ បាក់ជើងម្ខាង ខណៈម្តាយរងរបួសតិចតួច ហើយចុះមករករឿងទាំងខ្លួនខុសទៀត ធ្វើឲ្យមានការខឹងសម្បាពីប្រជាពលរដ្ឋ បំរុងនិងកើតហឹង្សាតែត្រូវបានកម្លាំងសមត្ថកិច្ចអន្តរាគមន៌ទាន់ពេល។</span></p>
<p><span style="color: #000000;">ហេតុការណ៌នេះបានកើតឡើងនៅម៉ោង ១២៖៣០នាទី រំលងអាធ្រាតឈានចូលថ្ងៃទី៥ ខែមករា ឆ្នាំ២០១៦ តាមបណ្តោយផ្លូវសុធារសកែងនិងផ្លូវលេខ ២៩៤ ក្នុងសង្កាត់ទន្លេបាសាក់ ខណ្ឌខំការមន។</span></p>
<p><span style="color: #000000;">ព័ត៌មានពីកន្លែងកើតហេតុបានប្រាប់ថា នៅម៉ោងខាងលើគេបានឃើញគ្រួសារមួយមានគ្នាបីនាក់ ដែលប្រកបររកស៊ីលក់សណ្តែកដីពេលយប់ ដោយមធ្យោបាយម៉ូតូវីវាមួយគ្រឿង ជិះតាមបណ្តោយផ្លូវសុធារស ពីជើងទៅត្បូងលុះមកដល់ចំណុចកើតហេតុ ត្រង់ផ្លូវកែងក៏មានបុរសស្រវឹងម្នាក់ បើករថយន្ត Camry ស្លាកលេខភ្នំពេញ 2Q-0069 មកដល់ដែរ បានបុកពេញទំហឹង ជាមួយម៉ូតូធ្វើឲ្យខាងម៉ូតូរងរបួសធ្ងន់ធ្ងរពីរនាក់ (ឪពុកកូនបាក់ជើងទាំងពីរនាក់) បន្ទាប់មកបុរសដែលបង្កនោះបានចុះពីរថយន្តរករឿងជនរងគ្រោះថែមទៀត។</span></p>
<p><span style="color: #000000;">បន្ទាប់មកបុរសបង្កបាន ខលហៅបងប្អូនដែលជិះរថយន្ត Land Cruiser កប់សេរីពណ៌ស មួយគ្រឿង ពាក់ស្លាកលេខភ្នំពេញ៖ 2AI-6699 មករំដោះចេញពីកន្លែងកើតហេតុ ដោយគេចវេសមិនទទួលខុសត្រូវលើទង្វើរបស់ខ្លួន បន្ទាប់ពីឡើងជិះរថយន្តដែលមករំដោះ ចេញនោះប្រមាណជា២គីឡូម៉ែត្រក៏ត្រូវបានកម្លាំងអាវុធហត្ថ ជាច្រើននាក់ ដេញចាប់យកមកវិញបង្កជាភាពអាម៉ាស់ ដល់ម្ចាស់រថយន្ត Land Cruiser សេរីទំនើបនោះផង ដែលរងការមើលងាយពីសំណាក់ប្រជាពលរដ្ឋថា ពិតជាថោកមែនដែលខ្លួនសុទ្ធតែជាអ្នក មានគ្រាន់តែ រឿងគ្រោះថ្នាក់មិនព្រមដោះស្រាយជួយមើលគ្នាទេ បែរជាព្យាយាមគេចរត់ទៅវិញ។ ចុងក្រោយម៉ូតូ និងរថយន្តរួមទាំងអ្នកបើកបរ ត្រូវបានចរាចរខណ្ឌចំការមន ឃាត់ខ្លួនយកទៅអធិការដ្ឋានដើម្បីដោះស្រាយនៅពេលក្រោយ។</span></p>
<p><span style="color: #000000;">យ៉ាងណាក៏ដោយ មន្រ្តីនគរបាលចរាចរខណ្ឌចំការមន បានប្រាប់អង្គភាព ព័ត៌មាន នៅព្រឹកថ្ងៃទី៥ ខែមករា នេះថា គ្រោះថ្នាក់ចរាចរណ៌មួយនេះ មិនបណ្តាលឲ្យឪពុកបាក់ជើងនោះឡើយ គឺបាក់ជើងតែកូនប៉ុណ្ណោះ ហើយត្រូវបានបញ្ជូនទៅកាន់មន្ទីរពេទ្យគន្ធបុប្ផា។ ជាមួយគ្នានេះ កម្លាំងនគរបាល កំពុងកសាងសំណុំរឿង បញ្ជូនទៅកាន់តុលាការចាត់ការតាមនីតិវិធី៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/5/1-5-2016-8-46-39-am-05-01-2016--08-55-57.png"><img src="/FileManager/Articles/mce/2016/1/5/1-5-2016-8-46-39-am-05-01-2016--08-55-57.png" alt="" /></a></span></p>
<p><a class="thickbox" title="" href="/FileManager/Commons/2016/1/5/1-5-2016-8-46-52-am-05-01-2016--08-56-05.png"><img src="/FileManager/Articles/mce/2016/1/5/1-5-2016-8-46-52-am-05-01-2016--08-56-05.png" alt="" /></a></p>
<p><a class="thickbox" title="" href="/FileManager/Commons/2016/1/5/1-5-2016-8-47-07-am-05-01-2016--08-56-14.png"><img src="/FileManager/Articles/mce/2016/1/5/1-5-2016-8-47-07-am-05-01-2016--08-56-14.png" alt="" /></a></p>
<p><a class="thickbox" title="" href="/FileManager/Commons/2016/1/5/1-5-2016-8-47-21-am-05-01-2016--08-56-22.png"><img src="/FileManager/Articles/mce/2016/1/5/1-5-2016-8-47-21-am-05-01-2016--08-56-22.png" alt="" /></a></p>
<p><a class="thickbox" title="" href="/FileManager/Commons/2016/1/5/1-5-2016-8-47-31-am-05-01-2016--08-56-32.png"><img src="/FileManager/Articles/mce/2016/1/5/1-5-2016-8-47-31-am-05-01-2016--08-56-32.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>