<p class="item-page"><span style="color: #000000;"><strong>ភ្នំពេញ៖</strong>សម្តេច ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានបញ្ជាក់ថា ពេលនេះរដ្ឋាភិបាលភូមា បានយល់ព្រម ទទួលយកជនភៀសខ្លួន ពីប្រទេសកម្ពុជាហើយ។</span></p>
<p><span style="color: #000000;">នាថ្មីៗនេះ ជនភៀសខ្លួនពីកោះណារូម្នាក់ ជាជនជាតិភូមារ៉ូហ៊ីងយ៉ា ដែលបានមកដល់ប្រទេសកម្ពុជា កាលពីខែមិថុនា បានស្នើសុំរដ្ឋាភិបាលកម្ពុជា ទៅរស់នៅប្រទេសភូមា ដែលជាប្រទេសកំណើត របស់គេវិញ។</span></p>
<p><span style="color: #000000;">កន្លងមកអ្នកនាំពាក្យក្រសួងមហាផ្ទៃ បានអះអាងថា កម្ពុជាមិនជំទាស់នឹងបំណងរបស់ជនជាតិភូមារ៉ូហ៊ីងយ៉ានេះនោះទេ ហើយថាកម្ពុជា បានរៀបចំសំណើដើម្បីស្នើទៅរដ្ឋាភិបាលភូមា សម្រួលដល់ជនភៀសខ្លួនម្នាក់នេះ ។</span></p>
<p><span style="color: #000000;">សូមបញ្ជាក់ថា កាលពីថ្ងៃទី០៤ ខែមិថុនា ឆ្នាំ២០១៥ ជនភៀសខ្លួនណារូ ៤នាក់ បានមកដល់ប្រទេសកម្ពុជា តាមកិច្ចព្រមព្រៀង កម្ពុជា-អូស្រ្តាលី ក្នុងនោះមានជនជាតិអ៉ីរ៉ង់ ៣នាក់ និងរ៉ូហ៊ីងយ៉ាម្នាក់ ៕</span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>