<p>ព័ត៌មានអន្តរជាតិ ៖ យន្តហោះដឹកអ្នកដំណើរមួយគ្រឿងរបស់អាកាសចរណ៍កូវ៉ែត បានធ្វើការចុះចត ជាបន្ទាន់កាលពីយប់ ថ្ងៃ ចន្ទម្សិលមិញនេះ នៅអាកាសយាន្តដ្ឋាន ទីក្រុងព្រុចសែល ប្រទេស ប៊ែល ហ្ស៊ិក នេះបើតាម អ្នកនាំពាក្យ ព្រលានយន្តហោះ នាង ហ្លរ៉ែនស៍ ម៉ាលស៍ ប្រាប់ទីភ្នាក់ ងាព័ត៌មាន ស៊ិនហួ កាលពីព្រឹកថ្ងៃអង្គារ ទី២៩ ខែកក្កដា។</p>
<p><a class="thickbox" title="" href="/FileManager/Commons/2014/7/29/dsc03978-29-07-2014--11-11-17.JPG"><img src="/FileManager/Articles/mce/2014/7/29/dsc03978-29-07-2014--11-11-17.JPG" alt="" /></a></p>
<p>បើតាមសម្តីពីអ្នកនាង ម៉ាលស៍ យន្តហោះខាងលើនេះ បានហុយផ្សែងចេញពីផ្នែកកន្ទុយ ដែលជា ហេតុនាំឲ្យពីឡុត បង្ខំចិត្តចុះចតជាបន្ទាន់ ។ បើតាមការអះអាង ពីអ្នកជំនាញវិញ ផ្សែងនោះ ទំនង ជាហុយចេញពីកន្លែង ស្តុកទំនិញរបស់យន្តហោះ ហើយ ពីឡុតត្រូវបង្ខំចិត្ត ចុះចតដើម្បីសុវត្ថិភាព របស់អ្នកដំណើរទាំងអស់។<br />គួរបញ្ជាក់ថាយន្តហោះខាងលើនេះជាប្រភេទ Airbus 300 ដឹកអ្នកដំណើរ ២០០នាក់ពី ប្រទេសកូវ៉ែត ទៅកាន់ទីក្រុងឡុងដ៏ចក្រភពអង់គ្លេស ហើយក្រោយពីជួបហេតុការណ៍ បន្ទាន់នោះ ក៏ត្រូវបង្ខំចុះចត នៅ ព្រលានយន្តហោះ ប៊ែលហ្ស៊ិក។ ចំពោះអ្នកដំណើរទាំងអស់ បានទៅដល់ដោយ សុវត្ថិភាព៕</p>
<p><a href="/News/Detail/2936/bangladeshi-aircraft-caught-fire-at-nepal-airport-passengers-safe" target="_blank"><span style="color: #0000ff;">- អាន ៖ ញាក់សាច់ ៖ យន្តហោះ ឆាបឆេះ វិនាទី នៅពេលចុះចត តើជីវិត អ្នកដំណើរ រាប់រយនាក់ នឹងទៅជាយ៉ាងណា ?</span></a></p>
<p>ប្រភព ៖ ដើមអម្ពិល ស៊ិនហួរ និងឆៃណាដេលី</p>