<div class="article-content">
<p><strong>ព្រះសីហនុ ៖</strong> កាលពីវេលាម៉ោង ៩ និង ២០នាទីព្រឹក ថ្ងៃទី៤ ខែមិថុនា ឆ្នាំ២០១៣ នៅក្នុង<br />រោងចក្រធ្យូងថ្ម ស្ថិត ក្នុងក្រុមទី៦ ភូមិ២ ឃុំកំពេញ ស្រុកស្ទឹងហាវ ខេត្តព្រះសីហនុ មានគ្រោះ<br />ថ្នាក់ ធ្លាក់កម្មករ សំណង់ម្នាក់ពីអគារ ជាន់ទី៩ ម្នាក់ ហើយត្រូវបានខាងក្រុមហ៊ុន ធ្យូងថ្ម ដឹក<br />ជញ្ជូនទៅសង្គ្រោះ នៅគ្លីនិកឯកជន បន្ទាប់មកក៏ដឹកជញ្ជូន បន្ត ទៅជួយសង្គ្រោះ នៅរាជធានី<br />ភ្នំពេញ បន្ទាប់ពីសភាពរបួស របស់ជនរងគ្រោះ មានសភាពធ្ងន់ធ្ងរ ។</p>
<p>យោងតាមប្រភពព័ត៌មាន ពីកម្លាំងសមត្ថកិច្ច នៅកន្លែងកើតហេតុ បានឲ្យដឹងថា ជនរងគ្រោះ<br />ដែលធ្លាក់ពីលើអគារ នេះ មានឈ្មោះ ប៉ៅ ភា ភេទប្រុស អាយុ ២៦ឆ្នាំ មានមុខរបរ កម្មករ<br />សំណង់ មានស្រុកកំណើត ភូមិឆឹះ ឃុំ ត្រឡាច ស្រុកទ្រាំង ខេត្តតាកែវ បច្ចុប្បន្ន ស្នាក់នៅក្នុង<br />រោងចក្រ ធ្យូងថ្ម ស្ថិតក្នុងក្រុមទី៦ ភូមិ២ ឃុំកំពេញ ស្រុក ស្ទឹងហាវ ខេត្តព្រះសីហនុ បានរង<br />របួសធ្ងន់ ដោយសារធ្លាក់ពីលើអគារជាន់ទី៩ នៃការដ្ឋានធ្យូងថ្ម ខណៈកម្មកររូប នោះ កំពុងបំ<br />ពេញការងារ ដូចសព្វមួយដង ។</p>
<p>វេជ្ជបណ្ឌិត នៅគ្លីនិកឯកជន បានមានប្រសាសន៍ថា ជនរងគ្រោះបានរងរបួសបាក់ថ្កាម បាក់<br />ជើង រងរបួសធ្ងន់ ចាំ បាច់ត្រូវទៅសង្គ្រោះនៅរាជធានីភ្នំពេញ ។ ដោយពិនិត្យតាមសភាពរបួស<br />នេះ លោកវេជ្ជបណ្ឌិត បានបញ្ជាក់ប្រាប់ ថា ជនរងគ្រោះមិនប៉ះពាល់ដល់អាយុជីវិតទេ ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0073.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-015/T-0074.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>