<p><strong>ភ្នំពេញៈ</strong> តារាស្រីដែលធ្លាប់តែសម្តែង តួកំសត់ស្រក់ទឹកភ្នែកដាក់ បញ្ចាំងនៅស្ថានីទូរទស្សន៍<br /> ស៊ី ធី អ៊ីន អ្នកនាង សោម ម៉ាល័ក្ខ បន្ទាប់ពីនាងបានផ្អាក ការសម្តែងរឿងមួយរយៈ មកពេល<br />នេះនាងបានចាប់ផ្តើមអាជីពនេះ សារជាថ្មីម្តងទៀត ដោយនាងទើបតែថតបញ្ចប់ជាមួយ រឿង<br />ថ្មីហើយនាងជឿជាក់ថា តាមរយៈរឿងនេះ នឹងធ្វើឲ្យទស្សនិកជន មានការភ្ញាក់ផ្អើល និងប្លែក<br />អារម្មណ៍ជាក់ជាមិនខាន។</p>
<p>ថ្លែងប្រាប់ Looking TODAY ជាមួយស្នាមញញឹម ស្រស់សម្បូរស្នេហ៍ អ្នកនាង សោមម៉ាល័ក្ខ <br />បានប្រាប់ឲ្យដឹងថាការងារសិល្បៈរបស់នាង មិនសូវមមាញឹកប៉ុន្មានទេ ព្រោះថានាងទើបតែ<br />ថតបញ្ចប់រឿងថ្មីមួយ ដោយនាងសម្តែងជាតួឯកស្រី។ ក្នុងរឿងថ្មីនេះត្រៀមចាក់បញ្ចាំង នៅ<br />ខែវិច្ឆិកាខាងមុខនេះ នៅរោងកុន ហើយសម្រាប់រឿងថ្មីនេះ នាងគិតថាវាជាទស្សនីយភាព ថ្មី<br />ប្លែកភ្នែក ចំឡែកអារម្មណ៍ ដល់ទស្សនិកជន ក៏ដូចជាមិត្តៗយុវវ័យ។</p>
<p>ម៉ាល័ក្ខ បានប្រាប់ឲ្យដឹងថា “មូលហេតុបានជាខ្ញុំហ៊ាន និយាយបែបនេះ ដោយសារតែរឿងកន្លង<br /> មកទស្សនិកធ្លាប់តែ ឃើញខ្ញុំសម្តែងតួកំសត់ ស្រក់ទឹកភ្នែកហើយ មានទស្សនិកជនខ្លះ គាត់ថា<br />គ្រាន់តែឃើញមុខខ្ញុំ ក៏កំសត់ទៅហើយ តែសម្រាប់រឿងថ្មីទើប នឹងថតបញ្ចប់នេះ គឺអ្នកដឹកនាំ<br />រឿងតម្រូវឲ្យ នាងសម្តែងជាតួបែបជាជនពាល នារីរឹងមាំកាន់កាំភ្លើងបាញ់ ហើយនៅក្នុងរឿងនេះ<br /> អត្តចរិកតួគឺមិនសម្រក់ទឹកភ្នែក ដូចរឿងមុនៗទេ” ។</p>
<p>តួឯកស្រីក្នុងរឿង“បេះដូងអ្នកការពា” រូបនេះ បានប្រាប់ឲ្យដឹងបន្ថែមទៀតថា តាមពិតទៅការ<br />សម្តែងជា តួបែបនេះគឺមានការលំបាកខ្លះៗ ដែលសម្រាប់នាង ព្រោះថាកន្លងមកនាង ធ្លាប់តែ<br />សម្តែងតួកំសត់ ដូចទស្សនិកជនធ្លាប់ឃើញគឺងាយស្រួយដោយសារតែវាត្រូវនិងចរិកខាងក្រៅ<br /> តែដល់ពេលនាងផ្លាស់ប្តូរ មកសម្តែងជាចរិកផ្សេងពិបាក។ ប៉ុន្តែទោះជាពិបាកនាងក៏ខំប្រឹងថត<br />រឿងនេះឲ្យចប់ហើយ នាងសង្ឃឹមថា ទស្សនិកជនក៏ដូចជាមិត្តៗយុវវ័យ និងពេញចិត្តជាមួយ<br />ការសម្តែងនេះ។</p>
<p>ម៉ាល័ក្ខនិយាយថា «ដឹងអត់! គ្រាន់តែថតចប់ភ្លាមខ្ញុំឈឺព្យួរសេរ៉ូម អស់កំលាំង សំណាងថតរឿង<br />ចប់បានឈឺ បើឈឺចំពេលថតឫក៏ថត មិនទាន់ចប់នោះប្រាកដជា ពិបាកដល់តួក៏ដូចជាអ្នកដឹកនាំ<br /> មិនខានទេ ទោះជាឈឺក៏ខ្ញុំសប្បាយចិត្ត មិនថាធ្វើការទាំងឈឺឫជាទេ សំខាន់ឲ្យតែទស្សនិកជន <br />ទស្សនាទៅមានការគាំទ្រចូលចិត្តរឿងថ្មីនេះ គឺវាជាកំលាំងចិត្តសម្រាប់ខ្ញុំ និងតួទាំងអស់ហើយ”៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/August/id-017/chetha-24.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/August/id-017/chetha-25.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/August/id-017/chetha-26.jpg" alt="Photo by LookingTODAY" width="500" /></p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/August/id-017/chetha-27.jpg" alt="Photo by LookingTODAY" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>