<p><span style="color: #000000;">បាងកក ៖ អាជ្ញាធរនៅតាម តំបន់មួយចំនួន ក្នុងប្រទេសថៃ នឹងប្រើប្រាស់យន្តហោះសង្គ្រោះ ចំនួន ១៨គ្រឿង ដើម្បីបង្កើត ចេញ ជា ភ្លៀងសប្បនិមិត្ត ដ៏ធំសម្បើមមួយ ស្របពេលដែល រដូវ ភ្លៀងឆ្នាំ នេះមានភ្លៀងធ្លាក់ខ្សត់ខ្សោយ ហើយនៅមានរយៈ ពេល តែមួយខែទៀត ប៉ុណ្ណោះ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/25/71-25-09-2015--14-49-14.jpg"><img src="/FileManager/Articles/mce/2015/9/25/71-25-09-2015--14-49-14.jpg" alt="" /></a><br /></span></p>
<p><span style="color: #000000;">ទីភ្នាក់ងារព័ត៌មានថៃ បាងកកប៉ុស្តិ៍ ចេញផ្សាយនៅថ្ងៃទី២៤ ខែកញ្ញា ឆ្នាំ ២០១៥ នេះទៀតថា ប្រតិ បត្តិការបង្កើតភ្លៀង សប្បនិមិត្ត (ការប្រើយន្តហោះបាច សារធាតុបង្កើតទឹកភ្លៀងលើ អាកាស) នឹង ត្រូវអូសបន្លាយ រហូត ដល់ ចុងខែតុលា ឬ ក៏ដើមខែវិច្ឆិកា ខាងមុខនេះ ដែលវា នឹងធ្វើឲ្យមាន សំ ណើម គ្រប់គ្រាន់ក្នុងខ្យល់ ព្រមទាំងអាចមានភ្លៀងធ្លាក់កើតឡើងបាន។</span></p>
<p><span style="color: #000000;">គួរបញ្ជាក់ថា យន្តហោះទាំង ១៨ គ្រឿងខាងលើនេះ នឹងត្រូវចាកចេញពីស្ថានីយ៍ សំខាន់ៗ ចំនួន ៩ នៅទូទាំងប្រទេស ដើម្បីទៅបង្កើត ទឹកភ្លៀង នៅ កន្លែងណាមួយ ដែលមានគ្រោះ រាំងស្ងួត កើត ឡើង ខ្លាំង ជាងគេ ជាពិសេសគឺតំបន់បាសាំង នៃទន្លេចៅប្រាយ៉ា ដែលជា តំបន់វាលស្រែដាំស្រូវ ដ៏ធំមួយ នៅក្នុងប្រទេសថៃ លោក វ៉ារ៉ាវុត អនុប្រធាននៃនាយកដ្ឋាន បង្កើតទឹកភ្លៀង និង គ្រប់គ្រង ធារាសាស្ត្របានថ្លែង ថា ឆ្នាំ នេះទឹកភ្លៀងខ្សត់ខ្សោយដូច្នេះកម្រិតទឹកភ្លៀងដែលស្តុកទុកក្នុងទំនប់ នានា នឹងមិន អាចយកមក ប្រើ ប្រាស់គ្រប់ គ្រាន់នោះឡើយ ទើប យើងសម្រេចយកវិធីបង្កើតទឹក ភ្លៀងនេះដែលជាមធ្យោបាយមួយ គត់ ដើម្បីដោះស្រាយបញ្ហាចំពោះមុខ៕</span></p>
<p style="text-align: right;"><span style="color: #000000;">ប្រភព ៖ បាងកកប៉ុស្តិ៍ </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>