<p><span style="color: #000000;"><strong>(ភ្នំពេញ)៖</strong> យោងតាមរបាយការណ៍ របស់ក្រសួងធនធានទឹកនិងឧតុនិយម បានបង្ហាញឲ្យឃើញថា នៅថ្ងៃទី០៣ ខែឧសភា ឆ្នាំ២០១៦ មាន ខេត្ត-រាជធានី ចំនួន១៩ ក្នុងចំនោម២៥ ខេត្ត-រាជធានី នៅទូទាំងប្រទេសមានភ្លៀងធ្លាក់។</span></p>
<p><span style="color: #000000;">ខេត្ត-រាជធានី ដែលមានភ្លៀងធ្លាក់ កាលពីថ្ងៃទី០៣ ខែឧសភា ឆ្នាំ២០១៦ រួមមាន ខេត្តពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប កំពង់ធំ ឧត្តរមានជ័យ ព្រះវិហារ កំពង់ស្ពឺ តាកែវ កំពត កែប កោះកុង ស្វាយរៀង ក្រចេះ ស្ទឹងត្រែង រតនគីរី មណ្ឌលគីរី និង រាជធានីភ្នំពេញ។</span></p>
<p><span style="color: #000000;">ចំណែក ខេត្ត-រាជធានី ដែលមិនមានភ្លៀងធ្លាក់កាលពីថ្ងៃម្សិលមិញ រួមមាន ខេត្ត កណ្តាល កំពង់ឆ្នាំង ព្រៃវែង ព្រះសីហនុ កំពង់ចាម ត្បួងឃ្មុំ ។</span></p>
<p><span style="color: #000000;">គួរបញ្ជាក់ថា កាលពីពេលថ្មីៗនេះ ក្រសួងធនធានទឹកនិងឧតុនិយម បានព្យាករណ៍អាកាសធាតុ ចាប់ពីថ្ងៃទី៣ ដល់ថ្ងៃទី១១ ខែឧសភា ឆ្នាំ ២០១៦ ដោយបញ្ជាក់ថា រយៈពេល៩ថ្ងៃនេះ កម្ពុជា មានសីតុណ្ហភាព ចាប់ពី ៣៤ ដល់ ៤០អង្សាសេ និងតាមខេត្តរាជធានី មានភ្លៀងធ្លាក់ ផងដែរ។</span></p>
<p><span style="color: #000000;">ជាមួយគ្នានេះ ក្រសួងធនធានទឹកក៏បានអំពាវនាវឲ្យប្រជាពលរដ្ឋប្រុងប្រយ័ត្នចំពោះបាតុភូផ្គរ រន្ទះ និងខ្យល់កន្ត្រាក់ ដែលអាចនឹងកើតមាន ឡើង ក្នុងអំឡុងពេលចាប់ពីថ្ងៃទី ៤ ដល់ ១១ ខែ ឧសភា ឆ្នាំ២០១៦៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/4/1-04-05-2016--12-53-43.png"><img src="/FileManager/Articles/mce/2016/5/4/1-04-05-2016--12-53-43.png" alt="" /></a><br /></span></p>
<p style="text-align: right;"> </p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>