<p><strong><span style="font-size: 14pt;">*</span>លោកអធិការខណ្ឌ ជួយពង្រឹងសន្ដិសុខផង</strong></p>
<p><strong>ភ្នំពេញ ៖</strong> បុរសម្នាក់ បើទោះបីភ្ញាក់ពីដេកទាន់ ហើយឃើញចោរកំពុងធាក់ម៉ូតូរបស់ខ្លួន ប៉ុន្ដែពេល<br />រត់សំដៅមក ចោរ ស្រាប់តែចូលជង្ហុកដួលផ្កាប់ មុខ រីឯចោរក៏ជិះម៉ូតូចេញទៅ ដោយសុវត្ថិភាព<br /> បន្ទាប់ពីជនសង្ស័យរូបនេះ បានជិះកង់មកលួចម៉ូតូ ។ ហេតុការណ៍ចោរកម្មខាងលើនេះ បាន កើត<br />ឡើងកាលពីវេលាម៉ោង១ រំលងអធ្រាត្រ ចូលថ្ងៃទី១៥ ខែធ្នូ ឆ្នាំ២០១២ ស្ថិតនៅក្នុងការដ្ឋានធ្វើទ្វារ<br />បង្អួច ភូមិស្វាយ សង្កាត់ស្នោរ ខណ្ឌពោធិ៍ សែនជ័យ។</p>
<p>យោងតាមប្រភពព័ត៌មាន ពីកន្លែងកើតហេតុ បានឱ្យដឹងថា ជនរងគ្រោះលោក ស៊ុំ សឿន អាយុ <br />៤៦ឆ្នាំ មុខរបរ ជាជាងធ្វើទ្វារបង្អួច មានស្រុក កំណើត នៅភូមិឈូង ឃុំសម្លុង ស្រុកខ្សាច់កណ្ដាល<br /> ខេត្ដកណ្ដាល ហើយបច្ចុប្បន្ន ស្នាក់នៅក្នុងដ្ឋានធ្វើទ្វារបង្អួចខាងលើ បានបាត់ម៉ូតូម៉ាក វីវ៉ា ស៊េរីឆ្នាំ<br />២០០៤ ពណ៌ខ្មៅ ពាក់ស្លាក តាកែវ ១ដេ ១៤៦៦ ។</p>
<p>ប្រភពព័ត៌មានបានបន្ដថា ខណៈដែលជនរងគ្រោះកំពុងដេកលង់លក់ នៅក្នុងការដ្ឋាន ស្រាប់តែ<br />មាន ជនសង្ស័យម្នាក់ បានជិះកង់ ហើយទុកចោល រួចបានឡើងចូលទៅក្នុងការដ្ឋានរបស់លោក<br /> ធ្វើសកម្មភាពលួចម៉ូតូ ចេញមកក្រៅ ដោយអូសថ្នមៗ។ ពេលនោះជនរងគ្រោះភ្ញាក់ពីដេក ឃើញ<br />បាត់ ម៉ូតូ ក៏ចេញមកក្រៅ ឃើញចោរ កំពុងធាក់ម៉ូតូ តែមិនទាន់ឆេះ ។ ពេលឃើញយ៉ាងដូច្នេះ ជន<br />រងគ្រោះបានរត់បណ្ដើរ ស្រែកបណ្ដើរ ប៉ុន្ដែសំណាង អាក្រក់ ពេលកំពុងរត់នោះធ្លាក់ជង្ហុក ក៏ដួល<br />ផ្កាប់មុខ ទុកឱកាសឱ្យចោរធាក់ម៉ូតូឆេះ ដោយបិទភ្លើងជិះចេញទៅ ដោយសុវត្ថិភាព ហើយបន្សល់<br /> ទុកកង់កញ្ចាស់មួយឱ្យជនរងគ្រោះវិញ ។ ជនរងគ្រោះបាននិយាយថា ក្រៅពីបាត់ ម៉ូតូ គាត់ក៏បាន<br />បាត់លុយខ្មែរ ៦ម៉ឺនរៀល អត្ដសញ្ញាណប័ណ្ណ និងប័ណ្ណបើកបរ ដែលទុកនៅក្នុងកែបម៉ូតូ។</p>
<p>ទាក់ទិនករណីនេះ ប្រជាពលរដ្ឋបានស្ដីបន្ទោស ចំពោះសមត្ថកិច្ចមូលដ្ឋាន ចំពោះអំពើចោរកម្មដែល<br />តែងតែកើត មានឡើង នៅក្នុងទឹកដីខណ្ឌពោធិ៍ សែនសុខ ក្រោមការដឹកនាំរបស់លោក ប៊ន សំអាត<br /> ជាអធិការនគរបាលខណ្ឌ ។ ប្រជាពលរដ្ឋបាននិយាយថា សមត្ថកិច្ចមូលដ្ឋានខ្លះ នៅពេលមាន រឿង<br />ចោរកម្មកើតឡើង តែងតែព្យាយាមបិទបាំង មិនឱ្យថ្នាក់លើដឹងនោះឡើយ ព្រោះខ្លាចស្ដីបន្ទោស ។</p>
<p>ប្រភពព័ត៌មានមួយចំនួន ពីសមត្ថកិច្ចថ្នាក់ក្រោម បានឱ្យដឹងថា នៅពេលចាប់ជនល្មើស ក្នុងរឿងតូច<br />តាច តែងតែហៅអ្នកកាសែត ទៅផ្សព្វ ផ្សាយ ដើម្បីយកស្នាដៃ ប៉ុន្ដែនៅពេលមានរឿងករណីធំៗកើត<br />ឡើង លាក់បាំងឱ្យជិត ព្រោះខ្លាចថ្នាក់លើស្ដីបន្ទោស។</p>
<p>ប្រជាពលរដ្ឋសូមសំណូមពរ ឱ្យលោកអធិការខណ្ឌ ប៊ន សំអាត ជួយពង្រឹងសន្ដិសុខ នៅមូលដ្ឋានផង ដើម្បីឱ្យប្រជាពលរដ្ឋមានជំនឿទុកចិត្ដ និងដើម្បីអនុវត្ដទៅតាមគោល នយោបាយរាជរដ្ឋាភិបាល ភូមិ<br /> ឃុំ មានសុវត្ថិភាព៕</p>
<p style="text-align: center;"><a class="thickbox" title="" href="/FileManager/Commons/2012/12/16/that-0323-16-12-2012--12-47-58.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/16/that-0323-16-12-2012--12-47-58.jpg" alt="" /></a><strong>កង់កញ្ចាស់ដែលចោរទុកឲ្យម្ចាស់ម៉ូតូ</strong></p>
<p style="text-align: center;"><a class="thickbox" title="" href="/FileManager/Commons/2012/12/16/that-0324-16-12-2012--12-49-15.jpg"><img src="/FileManager/Articles/mce/2012/12/16/that-0324-16-12-2012--12-49-15.jpg" alt="" /></a></p>
<p style="text-align: center;"><strong>កន្លែងជនរងគ្រោះស្នាក់នៅ</strong></p>
<p style="text-align: center;"><a class="thickbox" title="" href="/FileManager/Commons/2012/12/16/that-0326-16-12-2012--12-50-04.jpg"><img src="/FileManager/Articles/mce/2012/12/16/that-0326-16-12-2012--12-50-04.jpg" alt="" /></a></p>
<p style="text-align: center;"><strong>សកម្មភាពធ្វើត្រាប់តាមចោរ</strong></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54391-2012-12-15-10-23-14.html"><span style="color: #0000ff;">ដើមអំពិល<strong></strong></span></a></p>