<p><span style="color: #000000;"><strong>ភ្នំពេញ៖</strong> លោកស្រី អ៊ឹង កន្ថាផាវី រដ្ឋមន្រ្តីក្រសួងកិច្ចការនារី បានថ្លែងការពារប្រសាសន៍របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជាថា អ្វីដែលសម្តេចមានប្រសាសន៍កាលពីថ្ងៃទី០៣ ខែសីហា ឆ្នាំ២០១៥នោះ មិនបាន សំដៅមើលងាយលើស្រ្តីខ្មែរនោះទេ ពោលគឺសំដៅទៅលើតែស្រ្តីម្នាក់ ទាត់ធាក់លើសន្តិសុខសាលាខណ្ឌដូនពេញ ក្នុងហេតុការណ៍ផ្ទុះហិង្សាក្បែរទីលានប្រជាធិបតេយ្យកាលពីថ្ងៃទី១៥ ខែកក្កដា ឆ្នាំ២០១៤ តែប៉ុណ្ណោះ។</span></p>
<p><span style="color: #000000;">សម្តេចតេជោ ហ៊ុន សែន ក្នុងឱកាសអញ្ជើញបើកសម្ពោធស្ពានមិត្តភាពកម្ពុជា-ចិនតាខ្មៅ កាលពីថ្ងៃទី០៣ ខែ សីហា ឆ្នាំ២០១៥នេះ បានសម្តែងប្រតិកម្មយ៉ាងទៅកាយវិការរបស់ស្ត្រីម្នាក់ ដែលបានយកជើងទៅធាក់ក្បាល សន្តិសុខសាលាខណ្ឌដូនពេញ ក្នុងពេលផ្ទុះហិង្សាក្បែរទីលានប្រជាធិបតេយ្យ។ ជាមួយការសម្តែងប្រតិកម្មនេះ ស ម្តេចតេជោ បានស្នើឲ្យមានចំណាត់ការទៅលើក្រុមអ្នកប្រើហិង្សា ហើយបានហៅស្រ្តីប្រើហិង្សានេះ ជាមួយពាក្យ ធ្ងន់ៗថា «មីស្រី»។</span></p>
<p><span style="color: #000000;">សម្តេចបានមានប្រសាសន៍ថា «បញ្ជាតាមចាប់ខ្លួន។ នៅតែចាប់ខ្លួនរឿងព្រហ្មទណ្ឌប៉ូលិសអត់ចាប់ខ្លួនគឺខុសច្បាប់ ។ ក្នុងព្រឹត្តិការណ៍វ៉ៃហ្នឹង មានស្រីម្នាក់វ៉ៃទាត់ធាក់ដូចកីឡាកាសអីចឹង។ អីចឹងតាមចាប់ខ្លួនមីស្រីហ្នឹង ឲ្យបានមើល អានេះ គេមិនហៅស្រ្តីទេ គឺហៅញី និងមីស្រី វាជាការហួសពេក»។</span></p>
<p><span style="color: #000000;">ប្រសាសន៍របស់សម្តេចបានធ្វើឲ្យអង្គការសង្គមស៊ីវិល ដែលធ្វើការងារពាក់ព័ន្ធនិងស្រ្តី បានសម្តែងការប្រតិកម្ម និង អាក់អន់ចិត្តផងដែរ ដោយបានហៅប្រសាសន៍របស់សម្តេចថាជាការមើលងាយដល់ស្រ្តី។</span></p>
<p><span style="color: #000000;">ឆ្លើយតបការប្រតិកម្មនេះ លោកស្រី អ៊ឹង កន្ថាផាវី បានមានប្រសាសន៍បញ្ជាក់ថា «សម្តេចតេជោ ហ៊ុន សែន បាន សំដៅ និងសង្កត់ទៅលើស្រ្តីតែមួយរូបប៉ុណ្ណោះ ដែលបានប្រព្រឹត្តអំពើអាក្រក់ហួសហេតុ យកជើងទាត់ធាក់សន្តិ សុខម្នាក់ឲ្យរងរបួស ដែលទង្វើនេះសង្គមមិនគាំទ្រ និង ស្អប់ខ្ពើម ហើយសម្តេចគ្មានបំណងរើសអើង និងមាក់ងាយ ស្រ្តីទូទៅនោះទេ»។</span></p>
<p><span style="color: #000000;">លោកស្រីរដ្ឋមន្រ្តី បានបន្ថែមថា ភាពរីកចម្រើន នៃស្ថានភាពស្រ្តីនៅកម្ពុជា កើតចេញពីការគាំទ្រ និង ជំរុញផ្ទាល់ពី សម្តេចតេជោ និងរាជរដ្ឋាភិបាលកម្ពុជា។ «ក្នុងបរិបទ នៃការទប់ស្កាត់អំពើហិង្សាលើស្រ្តី យើងខ្ញុំសូមបញ្ជាក់បន្ថែម ថា តាមរយៈការគាំទ្រខ្ពស់ពីប្រមុខរាជរដ្ឋាភិបាលកម្ពុជា ប្រទេសយើង បានប្តេជ្ញាចិត្តខ្ពស់ និងហ៊ានដាក់សូចនាករ ក្នុងការកាត់បន្ថយអត្រាប្រេវ៉ាឡង់អំពើហិង្សាលើស្រ្តី នៅក្នុងគោលដៅអភិវឌ្ឍន៍សហស្សវត្សរ៍ និងគោលដៅអភិវឌ្ឍ ន៍ជាតិ»៕</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/8/6/8-6-2015-9-31-51-am-06-08-2015--09-37-25.png"><img src="/FileManager/Articles/mce/2015/8/6/8-6-2015-9-31-51-am-06-08-2015--09-37-25.png" alt="" /></a></span></span></p>
<p style="text-align: right;"><a class="thickbox" title="" href="/FileManager/Commons/2015/8/6/8-6-2015-9-31-51-am-06-08-2015--09-37-25.png"></a>ផ្ដល់សិទ្ធដោយ៖ ដើមអម្ពិល</p>