<p><span style="color: #000000;">ព័ត៌មានកីឡា៖ ល្បីកក្រើកលើបណ្ដាញសង្គមព័ត៌មាន អនឡាញ ខណៈទទួលបានដំណឹងថា ប៉ាក់ គីអៅ នឹង Floyd យល់ព្រមគ្នាប្រកួត នៅថ្ងៃទី ២ ខែ ឧសភា ឆ្នាំ ២០១៥ នៅ Las Vegas ក្នុងតម្លៃខ្លួន ២៥០ លានដុល្លារ ។</span></p>
<p><span style="color: #000000;">សន្ទុះល្បឿននៃការសាយភាយ ដំណឹងបានធ្វើឲ្យមានការរំជើបរំជួល ភ្ញាក់ផ្អើលយ៉ាងខ្លាំង ខណៈដែលក្ដីស្រម៉ៃ កន្លងមកនឹងជឿជាក់ថា ជំនួបគ្នារវាង កីឡាករខ្លាំងទាំងពីរ ពិតប្រាកដជាកើតមានមែន ។ </span></p>
<p><span style="color: #000000;">Floyd បានធ្វើសន្និសិទកាសែត ដោយផ្ទាល់ជាមួយក្រុមអ្នកព័ត៌មាន ដោះស្រាយមន្ទិលពីរឿងនៃការប្រកួតរបស់ខ្លួនជាមួយ ប៉ាក់ គីអៅ ដោយគាត់យល់ព្រមនឹងតម្លៃការប្រកួតដល់ទៅ ២៥០ លានដុល្លារ ហើយរើសកាលបរិច្ឆេទតាមដែលបានលើកឡើងខាងលើ ។ ប៉ុន្ដែស្របនឹងការលើកឡើងដូច្នោះ ក៏មានរឿងមួយគួរឲ្យសោកស្ដាយផងដែរ ខណៈមានការសួរបញ្ជាក់ជារឿយៗពីអ្នកការសែត ទៅកាន់កីឡាករ ថាតើការសម្រេចចិត្ដនេះពិត ឬ ក៏អត់ ។ </span></p>
<p><span style="color: #000000;">យោងតាមការលើកឡើងរបស់ Floyd នៅពេលនេាះ បាននិយាយថា តាមការពិតអ្វីដែលសម្រេចនោះ គឺមិនទាន់ជា មានការសម្រេចនៅលើក្រដាសស្នាមត្រឹមត្រូវ ហើយទទួលស្គាល់ដោយចុះហត្ថលេខារវាងអ្នកទាំង ២ នៅឡើយទេ ។ គ្រប់យ៉ាងដូចតែពេលមុនអីចឹងឯង គ្រាន់តែម្ដងនេះ គាត់មានទំនុកចិត្ដ នឹង ក្ដីសង្ឃឹមច្រើនជាងពេលមុន តែប៉ុណ្ណោះ ។ </span></p>
<p><span style="color: #000000;">ដូច្នោះយោងតាមការអះអាងនូវពាក្យសម្ដីរបស់ Floyd ពេលនេះផងដែរ អាចយល់បានថា ការប្រកួតមានភាគរយច្រើន ជាងពេលកន្លងមក គ្រាន់តែអ្នកទាំង ២ មិនទាន់សម្រេចបាននូវលិខិតស្នាម ដោយចុះហត្ថលេខាត្រឹមត្រូវនៅឡើយតែប៉ុណ្ណោះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/2/16/2-16-2015-11-59-13-am-16-02-2015--12-04-03.png"><span style="color: #000000;"><img src="/FileManager/Articles/mce/2015/2/16/2-16-2015-11-59-13-am-16-02-2015--12-04-03.png" alt="" /></span></a></span></p>
<p><span style="color: #000000;"><object width="500" height="300" data="http://www.youtube.com/v/9kq0eVg9LuY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/9kq0eVg9LuY&rel=1" /></object><br /></span></p>
<p style="text-align: right;"><span style="color: #000000;"><br />ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ .sportingnews</span></p>