<div class="item-page">
<div>
<p><span style="color: #000000;"><strong>(វ៉ាស៊ីនតោន)៖</strong> ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា បានស្នើដល់សភាអាមេរិក លើកលែងពន្ធនំាចូលឡើងវិញ ព្រមទំាងដកទណ្ឌកម្មសេដ្ឋកិច្ច ក្នុងពេលដ៏ខ្លីខាងមុខនេះពីប្រទេស មីយ៉ាន់ម៉ា ដែលសំណើរនេះធ្វើឡើងនៅក្នុងឱកាស នៃដំណើរទស្សនកិច្ចរបស់លោកស្រី អោងសាន ស៊ូជី មកកាន់សហរដ្ឋអាមេរិក ក្នុងនាមជាមេដឹកនំាមីយ៉ាន់ម៉ា។ នេះបើតាមការចុះផ្សាយ ពីសារព័ត៌មាន Channel News Asia នៅព្រឹកថ្ងៃព្រហស្បតិ៍ ទី១៥ ខែកញ្ញា ឆ្នាំ២០១៦។</span></p>
<p><span style="color: #000000;">នៅក្នុងជំនួបជាមួយនឹង លោកស្រី ស៊ូជី លោក អូបាម៉ា បានថ្លែងថា «សហរដ្ឋអាមេរិកបានត្រៀមខ្លួន រួចជាស្រេចក្នុងការដកទណ្ឌកម្មសេដ្ឋកិច្ច ដែលយើងធា្លប់ដាក់លើប្រទេសមីយ៉ាន់ម៉ា អស់រយៈពេល ជាច្រើនឆ្នាំ ព្រោះថាវាគឺជាជម្រើសដ៏ល្អ ដើម្បីជួយដល់ការអភិវឌ្ឍសេដ្ឋកិច្ច និងប្រជាជនមីយ៉ាន់ម៉ា។ បន្ថែមពីលើនេះយោងតាមលិខិត ផ្ញើជូនសភាអាមេរិក លោក អូបាម៉ា ក៏បានឱ្យដឹងផងដែរពីគម្រោង អនុគ្រោះពន្ធនាំចូលសម្រាប់ប្រទេសមីយ៉ាន់ម៉ា បន្ទាប់ពីត្រូវបានផ្អាកអស់រយៈពេលជាងពីរទសវត្សរ៍ កន្លងមកនេះ ដោយសារតែការរំលោភសិទ្ធិមនុស្ស ពីសំណាក់អតីតរដ្ឋាភិបាលយោធា។</span></p>
<p><span style="color: #000000;">គួរបញ្ជាក់ថា ដំណើរទស្សនកិច្ចរបស់លោកស្រី អោងសាន ស៊ូជី គឺជាដំណើរទស្សនកិច្ចផ្លូវរដ្ឋ លើកដំបូងផុតមកកាន់សហរដ្ឋអាមេរិក ក្នុងនាមជាមេដឹកនំាមីយ៉ាន់ម៉ា និងជាលើកទីពីរចាប់តាំងពី ឆ្នាំ២០១២ ដែលលោកស្រី ទើបទទួលបានសេរីភាព ឡើងវិញ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-15-09-36-09-0.jpg" alt="" width="730" /></span></p>
</div>
</div>
<div id="aside" class="span3">
<div class="well ">
<div class="custom">
<div></div>
<div style="text-align: right;"><span style="color: #000000;">ផ្តល់សិទ្ធិដោយ ៖ ខ្មែរថកឃីង<a href="https://www.w88live.com/?affiliateid=25317" target="_blank"></a></span></div>
<div></div>
<div>
<div id="myslideshow" class="flashclass"></div>
</div>
</div>
</div>
</div>