<p><span style="color: #000000;"><strong>(អង់គ្លេស)៖</strong> ការលើកឡើង ដោយមានអំណះអំណាងត្រឹមត្រូវ ពីអវកាសយានិកម្នាក់ បានធ្វើឲ្យគ្រប់គ្នា ស្រឡាំងកាំងដោយសារតែ លោកបានអះអាងច្បាស់ៗថា នៅក្នុងប្រព័ន្ធព្រះអាទិត្យយើងនេះ មានព្រះអាទិត្យដល់ទៅពីរឯណោះ ប៉ុន្តែជាច្រើនទសវត្សរ៍មកនេះ អង្គការ NASA បានព្យាយាមលាក់បាំងការពិត ដ៏គួរឲ្យព្រឺព្រួចមួយនេះ។ នេះបើតាមការចេញផ្សាយ ដោយសារព័ត៌មាន Mirror របស់អង់គ្លេស នារសៀលថ្ងៃអង្គារ ទី០៧ ខែមិថុនា ឆ្នាំ២០១៦។</span></p>
<p><span style="color: #000000;">អវកាសយានិក ដែលហ៊ានអះអាងបែបនេះ គឺលោក Paul Cox ជាអ្នកទទួលខុសត្រូវក្នុងការចាប់ សកម្មភាពភពពុធ គោចរឆ្លងកាត់ព្រះអាទិត្យ កាលពីខែមុន។ នៅអំឡុងពេល នៃការផ្សាយបន្តផ្ទាល់នោះ លោកបាននិយាយទៅកាន់អ្នកទស្សនាថា «អ្នកប្រាកដជាសួរខ្លួនឯងហើយថា តើវត្ថុមូលធំ ដែលស្ថិតនៅខាងស្តាំព្រះអាទិត្យនោះ គឺជាអ្វី? ប្រាកដណាស់វាជាព្រះអាទិត្យមួយទៀតរបស់យើង»។</span></p>
<p><span style="color: #000000;">លោក Paul បន្តទៀតថា «ខ្ញុំមិនដឹងថា អ្នកធ្លាប់ដឹងថាពួកយើងមាន ព្រះអាទិត្យមួយទៀត ពីមុនមកដែរ ឬក៏អត់នោះទេ។ នេះហើយគឺជាវា ព្រោះ NASA មិនបានប្រាប់ការពិតនេះដល់យើង នោះឡើយ ពួកគេតែងតែព្យាយាមលាក់បាំង»។ អវកាសយានិករូបនេះ បានពិភាក្សាជាមួយ អ្នកអវកាសផ្សេងៗទៀត នៅលើយាន អំពីព្រះអាទិត្យទីពីរ រួចក៏លេចចេញពាក្យថា Nibiru ដែលជា ឈ្មោះផ្កាយព្រះគ្រោះមួយ ដែលត្រូវបង្ហោះពាសពេញប្រព័ន្ធអ៉ីធឺណែត ជាច្រើនឆ្នាំមកហើយ។</span></p>
<p><span style="color: #000000;">គួរបញ្ជាក់ថា នេះមិនមែនជាលើកទី១នោះទេ ដែលមានការលេចឮពីព្រះអាទិត្យទីពីរ ឬក៏ភពភ្លើង Nibiru ដ៏គួរឲ្យភ័យខ្លាច ដែលក្រុមទម្លាយរឿងសម្ងាត់ បានបញ្ចេញជាសាធារណជាច្រើនឆ្នាំមកនេះ។ ក៏ប៉ុន្តែមនុស្សមួយចំនួន មិនហ៊ាននឹងជឿនោះឡើយ ព្រោះវាមិនមែនជាឯកសារផ្លូវការ ដែលចេញ និងទទួលស្គាល់ដោយ NASA។ ដោយឡែកលើកនេះ គឺអវកាសយានិក ដែលជាមនុស្សមានបទពិសោធន៍ និងកេរ្តិ៍ឈ្មោះមួយរូបបានលើកឡើង និងបានបង្កការភ្ញាក់ផ្អើលសាជាថ្មី ថាតើពិតជាមានព្រះអាទិត្យមួយទៀត ដូចការលើកឡើងនេះ ដែរឬអត់?</span></p>
<p><span style="color: #000000;"><img src="http://i1.mirror.co.uk/incoming/article8123537.ece/ALTERNATES/s615b/Astronomer-Paul-Cox-claims-there-is-a-second-sun.jpg" alt="" width="730" /></span></p>
<p><span style="color: #000000;"><img src="http://i1.mirror.co.uk/incoming/article8123535.ece/ALTERNATES/s615/Astronomer-Paul-Cox-claims-there-is-a-second-sun.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>