<p>(អាមេរិក)៖ មហាសេដ្ឋី ប្រេងលំដាប់ពិភពលោក លោក Jeffery Hildebrand បានបង្កើតនូវភាពភ្ញាក់ផ្អើលមួយដល់បុគ្គលិកនាឱកាសបុណ្យ Christmas ដោយផ្ដល់ប្រាក់ ១០ម៉ឺនដុល្លារអាមេរិក ដល់បុគ្គលិកៗ។</p>
<p> លោក Hildebrand បាននិយាយថា វាជាកាដូពិសេសសម្រាប់ឆ្នាំនេះ ព្រោះក្រុមហ៊ុនទទួលបានប្រាក់ចំណូលខ្ពស់ ហើយបើគ្មានបុគ្គលិកទេ ប្រាប់ចំណូលទាំងនោះក៏គ្មានដែរ ដូច្នេះហើយទើបលោកសម្រេចចិត្តផ្ដល់ប្រាក់រង្វាន់ ១០ម៉ឺនដុល្លារអាមេរិកសម្រាប់បុគ្គលិកម្នាក់ ដែលក្នុងនោះមានបុគ្គលិក១.៤០០នាក់ ត្រូវបានប្រាក់រង្វាន់នេះ។</p>
<p> កាលពី៥ឆ្នាំមុន លោក Hildebrand ក៏បានផ្ដល់ការភ្ញាក់ផ្អើលម្ដងដែរដល់បុគ្គលិក ដោយម្នាក់ៗទទួលបាន ៣៥.០០០ដុល្លារអាមេរិក។ ទស្សនាវដ្ដី Forbes បានចុះផ្សាយថា លោក Hildebrand គឺជាមហាសេដ្ឋីមួយរូបនៅក្នុងរដ្ឋតិចសាស ប៉ុន្តែសម្រាប់ទ្រព្យសម្បតិ្តរបស់លោកនោះ មិនត្រូវបានគេព្យាករណ៍ឡើយ។</p>
<p> បុគ្គលិកក្រុមហ៊ុន Hilcorp Energy បានសម្ដែងនូវអារម្មណ៍សប្បាយរីករាយយ៉ាងខ្លាំង ព្រោះវាជាលើកទឹកដីដ៏ប្រសើរមួយសម្រាប់ឱកាសបុណ្យណូអែល៕</p>
<p><a class="thickbox" title="" href="/FileManager/Commons/2015/12/18/14g-18-12-2015--15-35-10.jpg"><img src="/FileManager/Articles/mce/2015/12/18/14g-18-12-2015--15-35-10.jpg" alt="" /></a></p>
<p style="text-align: right;">ផ្តល់សិទ្ធដោយ ៖ ហ្វ្រេសញូវអាស៊ី</p>
<p> </p>