<p><strong>ភ្នំពេញ៖</strong> ជាការពិត អ្នកនាង គង់ សុជាតិ គឺជាពិធីការិនី ជើងចាស់មួយរូប ប្រចាំស្ថានីយ ទូរ<br />ទស្សន៍ប៉ុស្តិ៍លេខ ៣ ដែលមានវាចា សារស័ព្ទដ៏ស្រទន់ មិនចេះរីងស្ងួត ក្នុងពិភពសិល្បៈអស់<br />រយៈ ពេលជាច្រើនឆ្នាំមកហើយ។ ភាពល្បីល្បាញរបស់នាងពុំ មានពិធីការិនីជើងថ្មី រូបណាមួយ<br /> អាចប្រជែងយក ប្រជាប្រិយភាពឈ្នះនោះទេ ហើយនាងប្រៀបដូចជា ខ្លាញីប្រចាំស្ថានីយ ប៉ុស្តិ៍<br />លេខ ៣ ទៅហើយ។</p>
<p>ប៉ុន្តែទទឹ្ទមនឹងភាពជោគជ័យ ក្នុងវិស័យសិល្បៈ ក៏ដូចជាមុខជំនួញ មេម៉ាយស្តុក គង់ សុជាតិ បែប<br />ជាមកទទួល រងនូវភាពបរាជ័យ ក្នុងជីវិតស្នេហាទៅវិញ ពោលគឺអ្នកនាងធ្លាប់បាន លែងលះជាមួយ<br />ស្វាមី មួយដងជាពីរដងរួចមកហើយ ដែលធ្វើឲ្យនាងឈឺចាប់ ស្ទើរតែមិនចង់និយាយ ពីរឿងស្នេហា<br />តទៅទៀត។</p>
<p>ស្រាប់តែពេលថ្មីៗនេះ មានប្រភពព័ត៌មានមួយ លេចឮពីអ្នកសិល្បៈដូចគ្នាថា អ្នកនាង គង់ សុជាតិ<br /> និង លោក ជា វិបុល ដែលជាដៃគូដ៏ស័ក្កិសម ក្នុងក្របខណ្ឌការងារ កំពុងតែមានទំនាក់ទំនង ស្នេហា<br />ជាមួយគ្នា នឹងត្រៀមដឹកដៃគ្នា ចូលរោងការក្នុង ពេលឆាប់ៗខាងមុខនេះ ខណៈចាស់ទុំទាំងសងខាង<br /> ក៏បានដឹងឮខ្លះៗ ពីចំណងស្នេហា របស់អ្នកទាំងពីរដែរ ។ ពេលឮដូចនេះ គេក៏បាននឹកឃើញ ដល់<br />ពាក្យសម្ដីរបស់ អ្នកមេម៉ាយចាយរាង គង់ សុជាតិ ពេលចូលរួមក្នុង កម្មវិធីមង្គលការ នាង សុខ សោ<br />ម៉ាវត្តី ។ ពេលនោះនាងបានព្រលយឲ្យ ដឹងបែបចុងមាត់ចុងកថា អ្នកនាង ក៏កំពុងត្រៀមខ្លួន ធ្វើជា<br />កូនក្រមុំម្តងទៀត ក្នុងពេលឆាប់ៗ ខាងមុខនេះដែរ។</p>
<p>តែអ្វីដែលចំឡែកគឺ មិនថា គង់ សុជាតិ ឬ ជា វិបុល បែរជាព្យាយាម លាក់បាំងព័ត៌មាន ទាំងនោះទៅ<br />វិញ ទោះបីព័ត៌មាននោះលេចចេញ ពីរង្វង់អ្នកសិល្បៈ យ៉ាងណាក៏ដោយ ឬមួយក៏នាងខ្លាចស្នេហា<br />លើកនេះ មិនសមប្រកបដូចជាពេលមុនៗ ទើបអ្នកនាងមិនហ៊ាន ប្រកាសជាសាធារណៈ? ទោះជា<br />យ៉ាងណា ប្រសិនបើរឿងខាងលើនេះក្លាយជាការពិតមែននោះ មហាជនពិតជាមានការអបអរសាទរ<br /> សប្បាយរីករាយ ព្រោះអ្នកទាំងពីរពិត ជាស័ក្កិសមនឹងគ្នា ថ្វីដ្បិតតែវ័យខុសគ្នាបន្តិចក្ដី ។</p>
<p>ជុំវិញពាក្យចចាមអារ៉ាមលេចឮ ល្ហិចល្ហៀងខាងលើនេះ ពុំទាន់ព័ត៌មានច្បាស់ ការណាមួយបញ្ជាក់ថា<br /> វាជាការពិតឬ យ៉ាងណានោះទេ ហើយក៏ពុំទាន់មាន ការបកស្រាយបំភ្លីពីអ្នកនាង គង់ សុជាតិ ឬ<br /> លោកជា វិបុលនោះដែរ។ មានតែរង់ចាំមើល ទាំងអស់គ្នាថា តើកូនកំលោះរបស់អ្នកនាង គង់ សុជាតិ<br /> គឺជាលោក ជា វិបុល ឬក៏អ្នកផ្សេង ?</p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0036.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0037.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0038.jpg" alt="Photo by Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-098/S_0039.jpg" alt="Photo by Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>