<p><span style="color: #000000;"><strong>(បាងកក)៖</strong> អគារខ្ពស់បំផុតថ្មីមួយទៀត របស់ទីក្រុងបាងកកប្រទេសថៃ ដែលមានកម្ពស់រហូតដល់ទៅ ៧៧ជាន់ ត្រូវបានដាក់ សម្ពោធជាផ្លូវការ នៅយប់ថ្ងៃពុធ ប៉ុន្តែក្រោយមកប៉ុន្មានម៉ោងប៉ុណ្ណោះ វាបានទទួល ពាក្យបណ្តឹងពីអាជ្ញាធរថា បានរំលោភសិទ្ធិពលកររបស់ប្រទេសថៃ។ នេះបើតាមការចេញផ្សាយ នៅមុននេះ បន្តិច នាព្រឹកថ្ងៃព្រហស្បតិ៍ ទី០១ ខែកញ្ញា ឆ្នាំ២០១៦។</span></p>
<p><a class="thickbox" title="" href="/FileManager/Commons/2016/9/1/12a-01-09-2016--15-00-39.jpg"><span><img src="/FileManager/Articles/mce/2016/9/1/12a-01-09-2016--15-00-39.jpg" alt="" /></span></a></p>
<p><span style="color: #000000;">អគារខ្ពស់កប់ពពក ដែលមានឈ្មោះថា MahaNakhon គឺត្រូវបានរចនាប្លង់ ដោយស្ថាបត្យករអាល្លឺម៉ង់ លោក Ole Scheeren។ ការដែលខុសច្បាប់ខាងលើនេះ ក៏មានជាប់ពាក់ព័ន្ធទៅនឹង ការធ្វេសប្រហែសរបស់ អាជ្ញាធរថៃ ដែលអនុញ្ញាតឲ្យលោក Sheeren ធ្វើការសាងសង់អគារ ខ្ពស់កប់ពពក ខណៈដែលលោកមិនមែន ជាជនជាតិថៃ ដែលត្រូវបានផ្តល់សិទ្ធិ តែមួយគត់លើស្ថាបត្យកម្មធំៗបែបនេះ។</span></p>
<p><span style="color: #000000;">គួរបញ្ជាក់ថា ការដាក់ពាក្យបណ្តឹង លើរឿងកសាងអគារខ្ពស់ ដោយមិនមានការពិនិត្យការអនុញ្ញាតផ្នែកច្បាប់ ឲ្យបានត្រឹមត្រូវនេះ គឺយោងទៅលើច្បាប់កាលពី ១៩៩៩ ដែលតម្រូវឲ្យស្ថាបត្យករ ឬក្រុមហ៊ុន បរទេសត្រូវតែ ស្វែងរកការទទួលស្គាល់លើ ៣៩ចំណុចចំណុច ទាក់ទងនឹងជំនាញ វិសកម្ម, សិប្បកម្ម, និង ស្ថាបត្យកម្ម ពីមន្ត្រីជំនាញរដ្ឋាភិបាលជាមុនសិន ទើបអាចធ្វើការសាងសង់សំណង់ នានាលើទឹកដីថៃបាន។</span></p>
<p><span style="color: #000000;">យ៉ាងណាក៏ដោយលោក Jedkamchorn Phromyothi ប្រធានក្រុមប្រឹក្សាស្ថាបត្យកម្មនៃប្រទេសថៃ (ACT) បានបកស្រាយថា <strong>«ច្បាប់ទាំងឡាយដែលត្រូវបានកំណត់ខាងលើនេះ វាគ្រាន់តែ ជារឿងកាលពី អតីតកាល តែប៉ុណ្ណោះ ប៉ុន្តែវាពិតជារឿងដ៏លំបាកមួយ ដែលយើងត្រូវទៅធ្វើការរឹតបន្តឹង ចំពោះអ្នកជំនាញដែលមាន ការទទួលស្គាល់ជាលក្ខណៈសកលទៅហើយនោះ»</strong>។</span></p>
<p><span style="color: #000000;">ចំពោះលោក Scheeren គឺត្រូវបានទទួលស្គាល់ថា ជាស្ថាបត្យករជំនាញរួចមកហើយ ដោយយោងទៅលើ ស្នាដៃ និងបទពិសោធន៍ដ៏យូរឆ្នាំរបស់លោក ដូចជាការសាងសង់ ទីស្នាក់កណ្តាល នៃទូរទស្សន៍រដ្ឋចិន CCTV ក្នុងទីក្រុងប៉េកាំង និង អគារ Angkasa Raya ក្នុងទីក្រុងគូឡាឡាំពួរជាដើម៕</span></p>
<p><a class="thickbox" title="" href="/FileManager/Commons/2016/9/1/13c-01-09-2016--16-09-37.jpg"><img src="/FileManager/Articles/mce/2016/9/1/13c-01-09-2016--16-09-37.jpg" alt="" /></a></p>
<p><br /><a class="thickbox" title="" href="/FileManager/Commons/2016/9/1/13a-01-09-2016--16-09-45.jpg"><img src="/FileManager/Articles/mce/2016/9/1/13a-01-09-2016--16-09-45.jpg" alt="" /></a></p>
<p><br /><a class="thickbox" title="" href="/FileManager/Commons/2016/9/1/13b-01-09-2016--16-09-53.jpg"><img src="/FileManager/Articles/mce/2016/9/1/13b-01-09-2016--16-09-53.jpg" alt="" /></a><a class="thickbox" title="" href="/FileManager/Commons/2016/9/1/13a-01-09-2016--16-09-45.jpg"></a><a class="thickbox" title="" href="/FileManager/Commons/2016/9/1/13c-01-09-2016--16-09-37.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>