<p>ថ្មីៗនេះ ក្រុមសិក្សាស្រាវជ្រាវមួយ មកពីសកលវិទ្យាល័យ UC Davis អាមេរិក បានប្រកាសនៅ<br />លើទស្សនាវដ្ដី PLoS Pathogens ថាមេរោគ HIV អាចត្រូវបានកំចាត់ទាំងស្រុងក្នុងរាងកាយ<br />មនុស្ស ដោយប្រើប្រាស់ថ្នាំប្រឆាំងមហារីក។</p>
<p>វិធីសាស្ដ្រព្យាបាលជម្ងឺ HIV ដែលមានប្រសិទ្ធភាពបំផុតនាបច្ចុប្បន្ន នោះគឺ ការព្យាបាលតាម<br />បែប retrovirus (ART)ប៉ុន្តែវិធីនេះ អាចកំចាត់តែមេរោគ HIV ដែលនៅក្នុងសរសៃឈាម ហើយ វាមិនអាចប៉ះពាល់ដល់មេរោគដែលនៅលាក់ខ្លួនក្នុងរាងកាយ។</p>
<p style="text-align: center;"><a class="thickbox" title="" href="/FileManager/Commons/2015/8/4/hiv1-04-08-2015--08-16-03.jpg"><img src="/FileManager/Articles/mce/2015/8/4/hiv1-04-08-2015--08-16-03.jpg" alt="" /></a></p>
<p>យុទ្ធសាស្ដ្រ "កំចាត់ទាំងពូជ" ដែលក្រុមអ្នកវិទ្យាសាស្ដ្រទើបតែរកឃើញនេះ ត្រូវបានគេចាត់<br />ទុកដូចជាគន្លឹះ ដើម្បីព្យាបាលជម្ងឺ HIV។ អ្នកវិទ្យាសាស្ដ្រនឹងប្រើថ្នាំដើម្បីដាស់បណ្ដាមេរោគ<br /> HIV ដែលកំពុងលាក់ខ្លួនក្នុងរាងកាយ ហើយនៅពេលវាចូលមកក្នុងសរសៃឈាម នោះថ្នាំ<br />ប្រភេទផ្សេងនឹងសម្លាប់ពួកវា។</p>
<p>ប្រភេទថ្នាំដែលក្រុមអ្នកស្រាវជ្រាវនៃសកលវិទ្យាល័យវេជ្ជសាស្ដ្រ UC Davis ប្រើប្រាស់ នោះ<br />គឺ PEP005 ដែលជាសមាសធាតុសំខាន់ក្នុងការព្យាបាលជម្ងឺមហារីកស្បែក។ ពួកគេ បាន<br />ពិសោធប្រភេទថ្នាំនេះ នៅលើកោសិកាដែលគេចិញ្ចឹមក្នុងមន្ទីរពិសោធ និងនៅលើកោសិកា<br />មហារីកដែលបានពីអ្នកជម្ងឺ HIV ចំនួន ១៣នាក់។</p>
<p>លទ្ធផលបានបង្ហាញថា ថ្នាំ PEP005 "អាចដាស់បណ្ដាវីរូស HIV ដែលកំពុងលាក់ខ្លួនក្នុងរាង<br />កាយ" ហើយថ្នាំនេះ ត្រូវបានគេចាត់ទុកថាជាថ្នាំនាំមុខគេក្នុងការប្រឆាំងនឹងមេរោគ HIV នា<br />បច្ចុប្បន្ន។</p>
<p>វេជ្ជបណ្ឌិត Satya Dandekar ដែលជាអ្នកបានចូលរួមក្នុងក្រុមស្រាវជ្រាវនេះ ថ្លែងថា ៖ "យើង<br />ខ្ញុំសប្បាយរីករាយណាស់ នៅពេលរកឃើញថ្នាំដែលដាស់ និងសម្លាប់មេរោគ HIV ពិសេស<br />គឺថ្នាំនេះ ត្រូវបានទទួលស្គាល់ និងមានច្បាប់ដើម្បីប្រើប្រាស់នៅលើអ្នកជម្ងឺ"។</p>
<p>ក៏ប៉ុន្តែ មកដល់ពេលនេះ ប្រភេទថ្នាំនេះនៅមិនទាន់ត្រូវបានពិសោធនៅលើរាងកាយអ្នកជម្ងឺ <br />HIV នៅឡើយ។ ក្រុមអ្នកស្រាវជ្រាវសង្ឃឹមថាឆាប់ៗខាងមុខ ថ្នាំនេះនឹងត្រូវបានយកទៅធ្វើការ<br />ពិសោធក្នុងរយៈពេលយូរមិនខាន។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ iflscience</p>