<p><span style="color: #000000;"><strong>(ម៉ាឌ្រីដ)៖</strong> កីឡាករខ្សែប្រយុទ្ធជួរមុខ Luis Suarez អាចនឹងអវត្តមានពីក្រុមជម្រើសជាតិអ៊ុយរូហ្គាយ ក្នុងវគ្គជម្រុះសន្សំពិន្ទុនៃពានរង្វាន់ប្រចាំទ្វីបអាមេរិក Copa America 2016 នៅអាមេរិក ដោយសារតែបញ្ហារបួសសរសៃពួរជើង ដែលរបួសកាលពីថ្ងៃអាទិត្យ ក្នុងវគ្គផ្តាច់ព្រ័ត្រដណ្តើមពាន Copa del Rey ទល់នឹងក្រុមអេស្ប៉ាញដូចគ្នា Sevilla ។</span></p>
<p><span style="color: #000000;">តាមរយៈសារព័ត៌មាន Goal បានផ្សាយឲ្យដឹងថា កីឡាករវ័យ២៩ឆ្នាំ Luis Suarez បានទទួលរងរបួសសរសៃពួរជើងជាទម្ងន់ និងប្តូរចេញវិញនៅនាទីទី៥៧ ដោយជំនួសដោយកីឡាករ Rafinha ដែលត្រូវការរយៈពេលព្យាបាលយ៉ាងតិច ក៏៣សប្តាហ៍ដែរ នេះបើតាមការបញ្ជាក់របស់ក្រុមគ្រូពេទ្យ Alberto Pan ដែលអាចធ្វើឲ្យរូបគេអវត្តមានអ៊ុយរូហ្គាយ ប្រកួតជម្រុះសន្សំពិន្ទុក្នុងពូល C នៃពាន Copa America ទល់នឹងជម្រើសជាតិម៉ិចស៊ិក វេណាហ្សូអេឡា និង ចាម៉ៃកា ។</span></p>
<p><span style="color: #000000;">តែយ៉ាងណាក៏ដោយ ខ្សែប្រយុទ្ធដែលបានជួយឲ្យក្លឹប FC Barcelona ឈ្នះពាន២ក្នុងរដូវកាលឆ្នាំ២០១៥-២០១៦ អាចនឹងចូលលេងក្នុងក្រុមជម្រើសជាតិមកពីតំបន់អាមេរិកឡាទីនខាងលើនេះក្នុងវគ្គ៨ក្រុមចុងក្រោយ ដែលយុទ្ធនាការមានរយៈពេល៤ឆ្នាំម្តងនេះ នឹងចាប់ផ្តើមជាផ្លូវនៅថ្ងៃទី៣ រហូតដល់ថ្ងៃទី២៦ ខែមិថុនា ឆ្នាំ២០១៦ ខាងមុខ ដោយមានសហរដ្ឋអាមេរិកធ្វើម្ចាស់ផ្ទះ ៕</span></p>
<p><span style="color: #000000;"><img src="http://www.7msport.com/news/upload_img/20160524/10580_2016052409554725.jpg" alt="" width="730" /></span></p>
<p><span style="color: #000000;"><img src="http://www4.pictures.zimbio.com/gi/Barcelona+v+Sevilla+Copa+del+Rey+Final+LqhqfFf4_X1l.jpg" alt="" width="730" /></span></p>
<p><span style="color: #000000;"><img src="http://l.yimg.com/bt/api/res/1.2/kqgFjI3_9g6hVodOqA5Fvw--/YXBwaWQ9eW5ld3NfbGVnbztmaT1maWxsO2g9Mzc3O2lsPXBsYW5lO3B4b2ZmPTUwO3B5b2ZmPTA7cT03NTt3PTY3MA--/http://media.zenfs.com/en_us/News/afp.com/Part-PAR-Par8247468-1-1-0.jpg" alt="" width="730" /></span></p>
<p><span style="color: #000000;"><img src="http://worldsoccertalk.com/wp-content/uploads/2016/02/copa-america-stars.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>