<p><span style="color: #000000;"><strong>(ក្រុងរ៉ូម)៖</strong> គ្រូបង្វឹកឆ្នើម Massimiliano Allegri បានព្រមព្រៀងបន្តកិច្ចសន្យារយៈពេល២ឆ្នាំទៅមុខទៀត ក្នុងការដឹក នាំក្លឹបជើងឯកអ៊ីតាលីសេះបង្កង់ Juventus ក្រោយពីធ្វើបានល្អជាបន្តបន្ទាប់ ចាប់តាំងពីបានដឹកនាំនាថ្ងៃទី១៤ ខែកក្កដា ឆ្នាំ២០១៤ ជំនួសកៅអីលោក Antonio Conte ដែលបានលាឈប់ ។</span></p>
<p><span style="color: #000000;">សារព័ត៌មាន BBC បានផ្សាយថា កិច្ចសន្យារបស់បុរសវ័យ៤៨ឆ្នាំ Allegri នឹងផុតកំណត់នៅអំឡុងថ្ងៃទី៣០ ខែមិថុនា ឆ្នាំ២០១៨ ខាងមុខ នៅអំឡុងពេលបាល់ទាត់ពិភពលោក World Cup 2018 ចាប់ផ្តើមប្រកួត និងបិទរដូវកាលក្រប ខណ្ឌ Italy-Serie A ផងដែរ ។</span></p>
<p><span style="color: #000000;">អតីតគ្រូបង្វឹករបស់ក្លឹប AC Milan រូបនេះ ជាគ្រូបង្វឹកដែលពេញទៅដោយសមត្ថភាព ដែលអាចដឹកនាំ Juventus មិន របូតពាន Serie A ឡើយ ពោលគឺឈ្នះ២សម័យកាលជាប់ៗគ្នាតែម្តង និងជិតឈានដល់ឈ្នះធំលំដាប់កំពូលនេះជា លើកទី៣ ទៀតហើយ បន្ទាប់ពីនាំមុខកំពូលតារាងរហូតដល់១២ពិន្ទុ ខណៈដែលនៅសល់តែ២ប្រកួតប៉ុណ្ណោះ ។</span></p>
<p><span style="color: #000000;">Allegri នឹងដឹកនាំ Juventus ប្រកួតផ្តាច់ព្រ័ត្រប៉ះគូប្រជែង AC Milan នារាត្រីថ្ងៃទី២១ ខែឧសភា ឆ្នាំ២០១៦ នេះ ដើម្បីប្រជែងយកពានលំដាប់ទី២ អ៊ីតាលី Coppa Italia ។ Juventus បានលេងឈ្នះក្រុមអង់គ្លេស Manchester City ទាំងទៅទាំងមកក្នុងវគ្គសន្សំពិន្ទុ តែត្រូវបានហាលអាវក្រោមថ្វីជើងរបស់ Bayern Munich ក្នុងវគ្គ១៦ក្រុម នៃពាន Champions League ទៅវិញនារដូវកាលឆ្នាំ២០១៥-២០១៦ នេះ ៕</span></p>
<p><span style="color: #000000;"><img src="http://i.dailymail.co.uk/i/pix/2016/05/06/17/33E7AB2900000578-0-image-a-1_1462551750226.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/06/17/33E7ACFB00000578-0-image-a-2_1462551756902.jpg" alt="" width="730" /></span></p>
<p><span style="color: #000000;"><img src="http://ichef.bbci.co.uk/onesport/cps/800/cpsprodpb/16258/production/_89621709_allegri2.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/06/18/33B64B3300000578-3577540-image-a-3_1462555288629.jpg" alt="" width="730" /></span></p>
<p><span style="color: #000000;"><img src="http://i.dailymail.co.uk/i/pix/2016/05/06/18/33B61BDE00000578-3577540-image-a-4_1462555310209.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>