<p><span style="color: #000000;"><strong>(ភ្នំពេញ)៖</strong> ប្រទេសកម្ពុជានឹងនាំយក អង្ករឆ្ងាញ់ជាងគេបំផុតរបស់ខ្លួន ទៅចូលរួមប្រកួតប្រជែង ក្នុងក្របខណ្ឌពិភពលោក ដើម្បីជ្រើសរើសយកអង្ករល្អឆ្ងាញ់ជាងគេបំផុត របស់ពិភពលោក ឆ្នាំ២០១៦ នាខេត្តឈៀងម៉ៃ ប្រទេសថៃ។</span></p>
<p><span style="color: #000000;">អគ្គលេខាធិការសហព័ន្ធស្រូវ អង្ករកម្ពុជា លោក មូល សារិទ្ធី បានប្រាប់អង្គភាព Fresh News ថា អង្ករឆ្ងាញ់ជាងគេរបស់កម្ពុជា នឹងត្រូវចូលរួមប្រកួតជាមួយអង្ករនានានៅលើពិភពលោក ដើម្បីដណ្ដើមយកជ័យជំនៈ ជាអង្ករឆ្ងាញ់ជាងគេបំផុតរបស់ពិភពលោក ដែលប្រារព្ធឡើងនៅក្នុងកំឡុងខែវិច្ឆិកា ឆ្នាំ២០១៦នេះ។</span></p>
<p><span style="color: #000000;">អង្ករក្រអូបរបស់កម្ពុជាធ្លាប់បានជាប់ ជាអង្ករឆ្ងាញ់ជាងគេបំផុត របស់ពិភពលោក ៣ឆ្នាំជាប់ៗគ្នាគឺឆ្នាំ ២០១២, ២០១៣និង២០១៤។</span></p>
<p><span style="color: #000000;">ជាមួយគ្នានេះការប្រកួតប្រជែង ដែលនឹងរៀបចំឡើងនៅខែ វិច្ឆិកា ខាងមុខនេះលោកអគ្គលេខាធិការសហព័ន្ធស្រូវអង្ករ បានបញ្ជាក់ថា សហព័ន្ធស្រូវអង្ករបានត្រៀមខ្លួន រួចរាល់ហើយដើម្បីដាក់អង្ករ របស់កម្ពុជាទៅចូលរួមការ ប្រកួតប្រជែងលក្ខណៈពិភពលោកនេះ។លោកថា អង្ករដែលត្រូវប្រកួតប្រជែងគឺជាអង្ករក្រអូប ប៉ុន្ដែមិនទាន់ប្រាកដថាជាអង្ករផ្កាម្លិះ ផ្ការំដួល សែនក្រអូប ផ្កាខ្ញី នៅឡើយនោះទេ។</span></p>
<p><span style="color: #000000;">ជាមួយគ្នានេះដែរមន្ដ្រីសហព័ន្ធរូបនេះ ក៏បានអំពាវនាវឲ្យក្រុមហ៊ុននាំចេញអង្ករ រោងម៉ាស៊ីនកិនស្រូវដែលជាសមាជិករបស់សហព័ន្ធស្រូវ អង្ករកម្ពុជាដែលមានបំណងចង់ចូលរួមក្នុងវេទិការស្រូវ អង្ករពិភពលោកនៅខេត្តឈៀងម៉ៃប្រទេសថៃអាចចុះឈ្មោះតាមរយៈសហព័ន្ធដោយទទួលបានអត្ថប្រយោជន៍ផ្សេងៗ ដូចជា ទទួលបានការបញ្ចុះ តម្លៃ ក្នុងការសូមសិទ្ធិចូលរួមជាដើម។</span></p>
<p><span style="color: #000000;">គួរបញ្ជាក់អង្ករក្រអូបរបស់កម្ពុជា ទទួលជ័យលាភីជាល្អជាងគេ របស់ពិភពលោក២ឆ្នាំជាប់គ្នា គឺឆ្នាំ២០១២ ជាប់លេខ១ នៅបាលី ប្រទេសឥណ្ឌូណេស៊ី, ឆ្នាំ២០១៣ ជាប់លេខ១ទៀត នៅហុងកុងប្រទេសចិន និងឆ្នាំ២០១៤ នៅរាជធានីភ្នំពេញ ប្រទេសកម្ពុជា ដែលពេលនោះអង្ករកម្ពុជា និងថៃ បានលេខ១ដូចគ្នា៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13256372_1088268044571745_3970766361077740758_n.jpg?oh=1cc60150a229e50721b1b0ce6197ad5b&oe=585F82EB" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13015222_1063639717034578_1655344919399836211_n.jpg?oh=d7ea486225fecbf0585bab8ce3ed907b&oe=5861BFB9" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/12991018_1063639727034577_6141410423476309917_n.jpg?oh=546b540030527a61122d6d22fa1c8510&oe=58686966" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>