<p><span style="color: #000000;"><strong>(កណ្តាល)៖</strong> គ្រោះថ្នាក់ចរាចរណ៍ដ៏មហារន្ធត់មួយ បានកើតឡើងនៅស្ពានអ្នកលឿងត្រើយខាងលិច ក្នុងទឹកដីស្រុកលើកដែក ខេត្តកណ្តាលដែលធ្វើឲ្យអ្នកដំណើរជាច្រើននាក់នាំគ្នា ចោមរោមមើលទាំងក្តីអាសូរ យ៉ាងពន់ពេកនោះ គឺនៅពេលដែលគេឃើញ សពមនុស្ស៣នាក់ ដែលជាឪពុក និងកូនបានស្លាប់ក្នុងហេតុការណ៍ម៉ូតូបុកជាមួយ រថយន្តសេរីទំនើបមួយគ្រឿង បញ្ច្រាសទិសគ្នា។ អ្វីដែលរន្ធត់ទៀតមនោះ គឺសពបុរសជាឪពុកបានស្លាប់ដេកផ្កាប់មុខនៅលើស្ពាន ដោយឡែកសពកូនប្រុសស្រីទាំង២នាក់ បានបើងផ្លោងទៅទើលើរថយន្តកុងតឺន័រ ដែលបើកស្របទិសគ្នាយ៉ាងអាណោចអាធ័ម។</span></p>
<p><span style="color: #000000;">សមត្ថកិច្ចមូលដ្ឋានស្រុកលើកដែកបានឲ្យដឹងថា ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងនៅល្ងាចថ្ងៃទី៣០ ខែមីនា ឆ្នាំ២០១៦ស្ថិតនៅលើស្ពានត្សឹបាសា (ស្ពានអ្នកលឿង) ក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល។ របាយការណ៍របស់សមត្ថកិច្ចបានឲ្យដឹងទៀតថា មុនពេលកើតហេតុជនរងគ្រោះទាំង៣នាក់ ជិះម៉ូតូម៉ាកហុងដាសេ125 ពណ៌ខ្មៅពាក់ស្លាកលេខភ្នពេញ 1FN-0787 សេរី២០១៦ ទិសដៅពីភ្នំពេញទៅស្វាយរៀង។</span></p>
<p><span style="color: #000000;">លុះបើកដល់ចំណុចកើតហេតុ ស្រាប់តែជនរងគ្រោះ (ឪពុក)បានវ៉ារថយន្តកុងតឺន័រស្របពេលនោះ ក៏បានទៅបុករថយន្តម៉ាក VEN ZA ពណ៌ខ្មៅពាក់ស្លាកលេខ ភ្នំពេញ2R-1119 ទិសដៅពីព្រៃវែងទៅភ្នំពេញ បណ្តាលឲ្យស្លាប់មនុស្ស៣នាក់ ម្នាក់ដេកស្លាប់ លើស្ពានចំណែកសាកសព២នាក់ទៀត (កូនប្រុសស្រី) បានខ្ទាតទៅទើរលើចន្លោះក្បាលរថយន្តសណ្តោងកុងតឺន័រ ដែលបើកស្របទិសគ្នាជាមួយម៉ូតូ ហើយរថយន្តកុងតឺន័រ បើកទៅចតឈប់ពីកន្លែងកើតហេតុ ចំងាយប្រហែលមួយរយម៉ែត្រ។ ចំពោះសាកសពត្រូវបានសមត្ថកិច្ច ដឹកយកទៅតម្កល់ទុកនៅវត្តគីរីរតនារាម (ហៅវត្តកំពង់ភ្នំក្នុង) រង់ចាំក្រុមគ្រួសារ យកទៅធ្វើបុណ្យតាមប្រពៃណី៕</span></p>
<div id="fb-root" class=" fb_reset">
<div></div>
<div>
<div></div>
</div>
</div>
<div class="fb-video fb_iframe_widget fb_iframe_widget_fluid_desktop" data-allowfullscreen="1" data-href="https://www.facebook.com/freshnewsasia/videos/534440293394433/"></div>
<p><span style="color: #000000;"><img src="http://image.freshnewsasia.com/2016/019/03/fn-2016-03-31-13-41-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-03-31-13-41-32-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-03-31-13-41-32-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-03-31-13-41-32-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-03-31-13-41-32-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-03-31-13-41-32-6.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>