<div>
<p><span style="color: #000000;"><strong>(ភ្នំពេញ)៖</strong> តារាចម្រៀងធ្លាក់ខ្លួនពិការ ដោយសារខ្មាន់កាំភ្លើងប៉ងផ្តាច់សង្ខារ កាលពីអំឡុងឆ្នាំ២០០៧ កញ្ញា ពៅ បញ្ញាពេជ្រ ថ្មីៗនេះបានបង្ហោះរូបថត នៅលើបណ្តាញសង្គមហ្វេសប៊ុក បង្ហាញប្រាប់ពីស្ថានភាពជំងឺរបស់ខ្លួន ដែលរហូតមកទល់នឹងពេលនេះ កាន់តែមានភាពប្រសើរឡើង ស្របពេលដែលនាងទទួចសុំការ ផ្តល់កម្លាំងចិត្តពីសំណាក់ទស្សនិកជនផងដែរ។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់អតីតតារាចម្រៀងបាត់បង់សមត្ថភាព ព្រោះតែត្រូវខ្មាន់កាំភ្លើង តាមប្រម៉ាញ់ប្រហាជីវិត ហើយសំណាងល្អជីវិតរបស់នាងថ្លៃ ពុំត្រូវស្លាប់ កញ្ញា ពៅ បញ្ញាពេជ្រ កាលពីប៉ុន្មានថ្ងៃនេះ នាងបានសរសេរបង្ហោះថា «មានតែការអត់ធ្មត់ និងតស៊ូប៉ុណ្ណោះ ដែលអាចធ្វើឲ្យរូបនាងខ្ញុំមានសង្ឃឹម និងឱកាសមានជីវិតជាថ្មីម្តងទៀត។ សុំកំលាំងចិត្តពីបងប្អូន ដែលតែងតែស្រឡាញ់រាប់អាននាងខ្ញុំផងណា រាត្រីសួស្តី បងប្អូន Good night ..»។</span></p>
<p><span style="color: #000000;">សូមបញ្ជាក់ថា កញ្ញា ពៅ បញ្ញាពេជ្រ គឺជាតារាចម្រៀងដ៏ល្បីឈ្មោះ និងមានប្រជាប្រិយភាពមួយរូប ក្នុងអំឡុងដើមឆ្នាំ២០០០។ កញ្ញា ត្រូវបានទទួលរងការបាញ់ប្រហារ ប៉ងផ្តាច់ជីវិតលើរូបនាង ដោយគ្មានត្រាប្រណី កាលពីប្រមាណ១០ឆ្នាំមុន នៅចំកណ្តាលរាជធានីភ្នំពេញ។ រហូតមកទល់ពេលនេះ ឃាតករ ប៉ងបាញ់ប្រហារលើតារាចម្រៀង កញ្ញា ពៅ បញ្ញាពេជ្រ ហាក់នៅតែស្ថិតក្នុងអាថ៌កំបាំង និងមិនត្រូវបានវែកមុខរកឃើញនោះទេ។</span></p>
<p><span style="color: #000000;">សូមរំឭកថា អ្នកច្រៀងស្រីរូបស្រស់ កញ្ញា ពៅ បញ្ញាពេជ្រ នៅព្រឹកថ្ងៃទី២៣ ខែកុម្ភៈ ឆ្នាំ២០០៧ ត្រូវបានឧក្រិដ្ឋជនពីររូប តាមបាញ់ប្រហារ ពេលនាងចេញពីរថយន្ត នៅចំកណ្តាលទីក្រុងភ្នំពេញ។ ក្រៅពីទទួលទុក្ខធំដោយធ្លាក់ខ្លួនពិការ និងរស់ជាមួយជំងឺមិនអាចព្យាបាលបាន អស់រយៈពេលជិត១០ឆ្នាំមក តារាចម្រៀងដែលកំពុងរស់នៅ ក្នុងពិការភាពរូបនេះ លែងនឹកនាដល់ការស្វែងរកយុត្តិធម៌ទៀត ហើយ ព្រោះថា អ្វីដែលនាងចង់បាននៅពេលនេះ គឺចង់រស់នៅសន្សំតែសុខប៉ុណ្ណោះ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/11182261_406997372813803_3353317613269996800_n.jpg?oh=58fafd3e487fd37d9f20ba8237e3d495&oe=5771B3F9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/t1.0-9/12742519_1350797371613236_6007852798508173927_n.jpg?oh=2f9d323bea459c796fadd81bfb7aa001&oe=572C0E5F" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12745534_1350797374946569_5649213918417395547_n.jpg?oh=2d917b709cbbed498a74868f86886635&oe=57641337" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpl1/v/t1.0-9/1782084_470942536419286_5899751469108357261_n.jpg?oh=a935b51f52a3f9325b9ff3fe8f770d35&oe=57703D3F&__gda__=1466267898_1af33551b2fc8e2b17836744732387ac" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xta1/v/t1.0-9/12032173_464081350438738_355419821964720743_n.jpg?oh=019b18871a26797ed850d16407f5869c&oe=5728F755" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpa1/v/t1.0-9/20121_407665536080320_6745340553275524708_n.jpg?oh=0fc68876cf8c527be996d0b9914f2572&oe=575A9963&__gda__=1465719582_8c9ec7f784b2948bc89294f3046aa54d" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/l/t1.0-9/12289579_484498985063641_184140062611583430_n.jpg?oh=5ad18eb908d4f12bf8f3cd8e64563905&oe=572A1BD4" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfa1/v/t1.0-9/12301598_481908528656020_8323830314264585367_n.jpg?oh=65f1470e953694eed98e77add918d4ae&oe=572D0E88" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>