<p><span style="color: #000000;"><strong>(ហូជីមីញ)៖</strong> សមត្ថកិច្ចប្រចាំខេត្ត Ba Ria Vung Tau ភាគខាងត្បូងប្រទេសវៀតណាម បានរកឃើញឧទ្ធម្ភាគចក្រ ដែលបានធ្លាក់នៅថ្ងៃអង្គារ រួមជាមួយនិងសាកសពរបស់មន្រ្តីយោធាវៀតណាម ចំនួនបីរូបដែលបានធ្វើដំណើរនៅលើនោះផងដែរ។ នេះបើតាមការចេញផ្សាយដោយ ទីភ្នាក់ងារព័ត៌មានចិនស៊ិនហួរ នៅមុននេះបន្តិច នារសៀលថ្ងៃពុធ ទី១៩ ខែតុលា ឆ្នាំ២០១៦។</span></p>
<p><span style="color: #000000;">សារព័ត៌មាន VnExpress បានធ្វើសេចក្តីរាយការណ៍ថា ឧទ្ធម្ភាគចក្រយោធាធុនតូច EC 130 មួយគ្រឿង ត្រូវបានគេរកឃើញនៅជ្រលងភ្នំ Bao Quan ក្នុងតំបន់ Tan Thanh ភាគខាងត្បូង នៃប្រទេសវៀតណាម រីឯជនរងគ្រោះទាំងបីនាក់នោះរួមមាន លោកវរសេនីយ៍ Duong Le Minh ដែលជាពីឡុត ព្រមទាំងលោកអនុសេនីយ៍ Dang Dinh Dung និងលោកអនុសេនីយ៍ Nguyen Van Tung ដែលជាអ្នកហាត់រៀន។</span></p>
<p><span style="color: #000000;">គួរបញ្ជាក់ដែរថា ឧទ្ធម្ភាគចក្រខាងលើ បានធ្លាក់នៅអំឡុងពេល កំពុងធ្វើការហោះហើរហ្វឹកហ្វឺន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/19/14c-19-10-2016--16-12-37.jpg"><img src="/FileManager/Articles/mce/2016/10/19/14c-19-10-2016--16-12-37.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>