<p><span style="color: #000000;">មនុស្សប្រមាណជាង ៥០០.០០០ នាក់ ទូទាំងពិភពលោក បានស្លាប់បាត់បង់ជីវិត ដោយសារតែលទ្ធផលនៃការរីករាលដាលនៃជំងឺខូវីដ ១៩ ។ នេះបើតាមការអោយដឹងរបស់សាកលវិទ្យាល័យ <strong>Johns Hopkins</strong><strong> </strong>នៅសហរដ្ឋអាមេរិក ។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/6/29/113137482mediaitem113137481-29-06-2020--09-58-22.jpg"><img src="/FileManager/Articles/mce/2020/6/29/113137482mediaitem113137481-29-06-2020--09-58-22.jpg" alt="" /></a><br /></span></p>
<p><span style="color: #000000;">សាកលវិទ្យាល័យ John Hopkins បានរាយការណ៍ថា ចាប់តាំងពីរីរុសនេះផ្ទុះឡើង នៅប្រទេសចិននាចុងឆ្នាំមុន មនុស្សប្រមាណជាង ១០ លាននាក់បានឆ្លងវីរុសដ៏កាចសាហាវនេះ ។</span></p>
<p> <span style="color: #000000; font-size: 12px;">ករណីឆ្លងវីរុសនេះពាក់កណ្ដាលនៅទូទាំងពិភពលោក បានកើតឡើងនៅសហរដ្ឋអាមេរិក និងអឺរ៉ុប ប៉ុន្តែបច្ចុប្បន្ន ជំងឺខូវីដ ១៩ កំពុងកើនឡើងយ៉ាងខ្លាំង នៅសហរដ្ឋអាមេរិក ។</span></p>
<p> <span style="color: #000000; font-size: 12px;">ម្យ៉ាងទៀតវីរុសនេះ កំពុងប៉ះពាល់ដល់អាស៊ីខាងត្បូង និងទ្វីបអាហ្វ្រីក ជាតំបន់ដែលមិនត្រូវបានគេរំពឹងថា នឹងកើនឡើងបន្ថែមទៀតនោះទេ មកទល់នឹងខែកក្កដា ។</span></p>
<p> <span style="color: #000000; font-size: 12px;">ការផ្ទុះវីរុសនេះ នៅតែរីករាលដាលនៅផ្នែកជាច្រើននៃពិភពលោក ដោយករណីឆ្លងថ្មីចំនួន ១ លាននាក់ ត្រូវបានកត់ត្រា នៅ ៦ ថ្ងៃចុងក្រោយនេះ។</span></p>
<p> <span style="color: #000000; font-size: 12px;">មកទល់នឹងពេលនេះ សហរដ្ឋអាមេរិក បានរាយការណ៍ករណីឆ្លងសរុបចំនួន ២.៥ លាននាក់ និងមរណភាពចំនួន ១២៥.០០០ នាក់ដោយសារជំងឺខូវីដ១៩ ចំនួននេះ គឺច្រើនជាងប្រទេសដទៃ ។</span></p>
<p> <span style="color: #000000; font-size: 12px;">ប្រទេស ដែលមានករណីឆ្លងខ្ពស់បំផុតលំដាប់ទី២ ដែលត្រូវបានកត់ត្រា គឺប្រទេសប្រេស៊ីល ដែលមានចំនួនអ្នកឆ្លងសរុប ១.៣ លាននាក់ និងចំនួនមរណភាពកើនឡើងខ្ពស់រហូតដល់ ៥៧.០០០ នាក់ ៕</span></p>
<p><span style="color: #000000; font-size: 12px;"><br /><a class="c_tab" href="http://mekongnet.com.kh/" target="_blank"><img src="/FileManager/Articles/mce/2020/6/29/magazine-banner-01-29-06-2020--09-58-42.jpg" alt="" /></a><br /></span></p>
<p> </p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ BBC</span></p>
<p> </p>
<p> </p>