<p><span style="color: #000000;"><strong>(ភ្នំពេញ)៖</strong> បុគ្គលិកហាងវីងម្នាក់ ត្រូវបានកម្លាំងនគរបាលខណ្ឌមានជ័យចាប់ឃាត់ខ្លួន ដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់ ពាក់ព័ន្ធនឹងករណីលួចយកទូរដែកមួយផ្ទុកលុយចំនួន៧,០០០ដុល្លារ របស់ថៅកែខ្លួន ពីក្នុងហាងដែលខ្លួនធ្វើការ។</span></p>
<p><span style="color: #000000;">មន្រ្តីនគរបាលខណ្ឌមានជ័យ បានឲ្យដឹងថា នៅថ្ងៃទី០២ ខែមករា ឆ្នាំ២០១៦ កម្លាំងនគរបាលបានឃាត់ខ្លួនជនសង្ស័យម្នាក់ ឈ្មោះ វួច មាន អាយុ១៩ឆ្នាំ មុខរបរបុគ្គលិកហាងវីង ស្នាក់នៅផ្ទះលេខ៣៥ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ ពីបទលួចយកទូរដែកដាក់ប្រាក់របស់រងគ្រោះ ឈ្មោះ អ៊ុន ប៊ុនថន អាយុ៣៥ឆ្នាំ ត្រូវជាម្ចាស់ហាងវីង ស្នាក់នៅផ្ទះលេខ៦៥ ផ្លូវF3 ភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ។</span></p>
<p><span style="color: #000000;">មន្រ្តីនគរបាលដដែលបានបន្តថា សកម្មភាពដែលជនសង្ស័យបានប្រព្រឹត្ត គឺនៅថ្ងៃទី០១ ខែមករា ឆ្នាំ២០១៧ ដែលលួចពីក្នុងហាងវីងដែលខ្លួនធ្វើការ នៅផ្ទះលេខ៩០១ ផ្លូវជាតិលេខ២ ភូមិទួលរកា សង្កាត់ចាក់អង្រែក្រោម។</span></p>
<p><span style="color: #000000;">កម្លាំងនគរបាលខណ្ឌមានជ័យ ក៏បានដកហូតទូរដែក១ (មានស្នាមគាស់ទ្វារ) និងប្រាក់ដុល្លារចំនួន ៧០០០ដុល្លារ (ជារបស់ជនរងគ្រោះ) ហើយប្រាក់ ៧០០០ដុល្លារនោះ ត្រូវបាននគរបាលជូនជនរងគ្រោះរក្សាទុកវិញហើយ។</span></p>
<p><span style="color: #000000;">បច្ចុប្បន្ន ជនសង្ស័យខាងលើ ត្រូវបានឃុំខ្លួនបណ្ដោះអាសន្ន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅចាត់ការនៅតុលាការ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2017-01-03-09-47-55-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2017-01-03-09-47-55-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2017-01-03-09-47-55-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2017-01-03-09-47-55-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>