<p><span style="line-height: 1.8; color: #000000;"><strong>(ភ្នំពេញ)៖</strong> កញ្ញា ឃុំ ច័ន្ទតារាទី ហៅ «ស្រីមុំ» ដែលរងការចោទប្រកាន់ថាមានរឿងអាស្រូវស្នេហាជាមួយ លោក កឹម សុខា ហើយធ្លាយសម្លេងតាមបណ្តាញផ្សព្វផ្សាយ បានអះអាងថា នៅថ្ងៃសុក្រ ទី១១ ខែមីនា ខាងមុខនេះ កញ្ញានឹងចូលបំភ្លឺនៅក្រសួងមហាផ្ទៃ។</span></p>
<p><span style="color: #000000;">ថ្លែងតាមរយៈកិច្ចសម្ភាសជាមួយវិទ្យុអាស៊ីសេរី នៅល្ងាចថ្ងៃទី០៩ ខែមីនា ឆ្នាំ២០១៦ កញ្ញា ស្រីមុំ ដែលមានសម្លេងដូចទៅនឹងតួឯកស្រីក្នុងខ្សែអាត់សម្លេង បាននិយាយថា នាងបានទទួលលិខិតអញ្ជើញចំនួន២ដងពីក្រសួងមហាផ្ទៃ ដែលលិខិតនោះ ត្រូវបានបងប្អូនរបស់នាងយកមកជូននាង។ កញ្ញានិយាយថា <strong>«ថ្ងៃទី១១ ត្រូវនឹងថ្ងៃសុក្រហ្នឹង គេអញ្ជើញខ្ញុំទៅជាលើកទី២ ...ខ្ញុំនឹងទៅ ខ្ញុំទៅដើម្បីបំភ្លឺរឿងហ្នឹង ...នៅម៉ោង៧ព្រឹក»</strong>។</span></p>
<p><span style="color: #000000;">សូមជំរាបថា នៅល្ងាចថ្ងៃទី០៩ ខែមីនា ឆ្នាំ២០១៦នេះ កញ្ញា ខំ ច័ន្ទតារាទី ហៅ «ស្រីមុំ» ដែលរងការចោទថាមានរឿងអាស្រូវស្នេហាជាមួយ លោក កឹម សុខា បានចេញមុខស្វែងរកអន្តរាគមន៍ពី អង្គការអាដហុក ដើម្បីស្នើឱ្យរកយុត្តិធម៌ដល់នាង។</span></p>
<p><span style="color: #000000;">«ស្រីមុំ» បាននិយាយថា សម្លេងដែលបែកធ្លាយនៅលើ ប្រព័ន្ធផ្សព្វផ្សាយ និង Facebook កន្លងទៅនោះ មិនមែនជាសម្លេងរបស់នាងនោះទេ ហើយថា នាងធ្លាប់បានជួបលោក កឹម សុខា និងធ្លាប់បាននិយាយទូរស័ព្ទជាមួយគ្នា ពេលលោក កឹម សុខា ទៅកាត់សក់ នៅក្នុងហាងដែលនាងបំរើការ ប៉ុន្តែមិនដែលមានទំនាក់ទំនងស្នេហាជាមួយគ្នាទេ។</span></p>
<p><span style="color: #000000;"><a class="thickbox" title="" href="/FileManager/Commons/2016/3/10/10a-10-03-2016--09-24-32.jpg"><img src="/FileManager/Articles/mce/2016/3/10/10a-10-03-2016--09-24-32.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>