<p><span style="color: #000000;">ព័ត៌មានអន្តរជាតិ ៖ ជនសង្ស័យដែលជាប់ពាក់ព័ន្ធករណីឃាតកម្ម សម្លាប់លោក Kim Jong Nam នោះ ក្រោយត្រូវបានដោះលែងឲ្យមានសេរីភាព និងនិរទេសចេញពីប្រទេសម៉ាឡេស៊ីនោះ ព្រលយសម្តីឲ្យ ដឹងថា គាត់គឺជាជនរងគ្រោះ នៃគម្រោងផែនការរបស់អាជ្ញាធរប្រទេសម៉ាឡេស៊ី ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/4/06c-04-03-2017--10-08-59.jpg"><img src="/FileManager/Articles/mce/2017/3/4/06c-04-03-2017--10-08-59.jpg" alt="" /></a><br /></span></p>
<p><span style="color: #000000;">លោក Ri Jong Chol ឲ្យដឹងថា ការចាប់ឃាត់ខ្លួនរបស់លោក គឺជាគម្រោងផែនការគិតទុកមុន ក្នុងន័យ បង្ខូចកេរ្តិ៍ឈ្មោះ ប្រទេសកូរ៉េខាងជើង នេះបើយោងតាមការគូសបញ្ជាក់ដោយផ្ទាល់ពីលោក Jong Chol ទៅកាន់សារព័ត៌មាន Reuters ។ ការព្រលយសម្តីខាងលើនេះ ត្រូវបានធ្វើឡើងនៅឯខាងក្រៅស្ថានទូត កូរ៉េខាងជើង នាទីក្រុង ប៉េកាំង ប្រទេសចិន បន្ទាប់ពីរូបលោកត្រូវបានអាជ្ញាធរម៉ាឡេស៊ី ដោះលែង និង និរទេសចេញពីប្រទេសនៅថ្ងៃសុក្រម្សិលមិញនេះ ។ លោក Ri Jong Chol ត្រូវបានដោះលែងឲ្យមាន សេរីភាពពីមន្ទីរឃុំឃាំង ក៏ព្រោះតែពុំមានភស្តុតាងជាក់លាក់ក្នុងការចោទប្រកាន់រូបលោក ។ </span></p>
<p><span style="color: #000000;"><a class="thickbox" title="" href="/FileManager/Commons/2017/3/4/18-04-03-2017--10-04-37.jpg"><img src="/FileManager/Articles/mce/2017/3/4/18-04-03-2017--10-04-37.jpg" alt="" /></a><br /></span></p>
<p><span style="color: #000000;">គូសបញ្ជាក់ដល់ក្រុមអ្នកសារព័ត៌មាន នៅព្រឹកព្រលឹមថ្ងៃសៅរ៍នេះ លោក Chol បានចោទប្រកាន់ក្រុម ការងារស៊ើបអង្កេតម៉ាឡេស៊ី ថាបានបង្ខិតបង្ខំ តាមរយៈការប្រើអំណាច ឲ្យលោកសារភាពទោសកំហុស ។ អះអាងក្តែងៗលោក Chol ឲ្យដឹងថា ប្រសិនបើខ្ញុំទទួលកំហុសគ្រប់យ៉ាង ពួកគេ (ម៉ាឡេស៊ី) នឹងរៀបចំជីវិតដ៏ល្អប្រសើរមួយសម្រាប់ខ្ញុំ នៅប្រទេសម៉ាឡេស៊ី ហើយនេះ គឺជាអ្វីដែលខ្ញុំបានដឹងថាវា ការពិតជាគឺអន្ទាក់ ជាអន្ទាក់ក្នុងការសំអុយកេរ្តិ៍ឈ្មោះ ប្រទេសរបស់ខ្ញុំ ។ </span></p>
<p><span style="color: #000000;"><a class="thickbox" title="" href="/FileManager/Commons/2017/3/4/18a-04-03-2017--10-04-45.jpg"><img src="/FileManager/Articles/mce/2017/3/4/18a-04-03-2017--10-04-45.jpg" alt="" /></a><br /></span></p>
<p><span style="color: #000000;">នៅពេលដែលក្រុមការងារស៊ើបអង្កេត សារសួរលោកពីករណីរកឃើញ រថយន្តមួយគ្រឿង នៅជិតនឹង ព្រលានយន្តហោះកើតហេតុសម្លាប់លោក Kim ខណៈរថយន្តនោះចុះបញ្ជីកម្មសិទ្ធក្រោមឈ្មោះ លោក Chol នោះ លោកបំភ្លឺថា វាពិតជាឡានរបស់ខ្ញុំពិតប្រាកដមែន ហើយប៉ូលីសម៉ាឡេស៊ី ក៏ទទួលយក ចម្លើយនេះដូចគ្នាដែរ ។ </span></p>
<p><span style="color: #000000;">គួររំឮកថា លោក Ri Jong Chol បានផ្តល់ចម្លើយសារភាពទៅកាន់ក្រុមការងារស៊ើបអង្កេត ឲ្យដឹងថា លោកគឺជាអ្នកជំនាញគីមី ពិតប្រាកដមែន ប៉ុន្តែ លោកគ្រាន់តែបម្រើការងារនៅម៉ាឡេស៊ី ដែលទទួល បន្ទុកនាំចូលសារជាតិគីមីសម្រាប់ផលិតសាប៊ូតែប៉ុណ្ណោះ ។ យ៉ាងណាក៏ដោយចុះ ក្រោយដោះលែង លោក Chol ឲ្យមានសេរីភាព ព្រោះគ្មានភស្តុតាងបទល្មើសជាក់ស្តែងនោះ បណ្តាអាជ្ញាធរស៊ើបអង្កេត ម៉ាឡេស៊ី កំពុងតែតាមដានយ៉ាងយកចិត្តទុកដាក់ ករណីឃាតកម្ម សម្លាប់លោក Kim Jong Nam ដែល ត្រូវជាបងប្អូនប្រុស មេដឹកនាំផ្តាច់ការកូរ៉េខាងជើង លោក គីម ជុងអ៊ុន ដែលលោក Kim Jong Nam ផ្ទាល់ត្រូវឧក្រិដ្ឋជនលបសម្លាប់ កាលពី ៣ សប្តាហ៍មុន នាអាកាសយានដ្ឋានអន្តរជាតិ ទីក្រុង កូឡាឡាំពួរ ៕ </span></p>
<p><span style="color: #000000;"><a class="thickbox" title="" href="/FileManager/Commons/2017/3/4/38-04-03-2017--10-05-20.jpg"><img src="/FileManager/Articles/mce/2017/3/4/38-04-03-2017--10-05-20.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/3/4/01d-04-03-2017--10-05-30.jpg"><img src="/FileManager/Articles/mce/2017/3/4/01d-04-03-2017--10-05-30.jpg" alt="" /></a></p>
<p><br /><a class="thickbox" title="" href="/FileManager/Commons/2017/3/4/01f-04-03-2017--10-05-37.jpg"><img src="/FileManager/Articles/mce/2017/3/4/01f-04-03-2017--10-05-37.jpg" alt="" /></a><a class="thickbox" title="" href="/FileManager/Commons/2017/3/4/01d-04-03-2017--10-05-30.jpg"></a><span style="color: #000000;"><a class="thickbox" title="" href="/FileManager/Commons/2017/3/4/38-04-03-2017--10-05-20.jpg"></a><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>