<p><span style="color: #000000;"><strong>(ភ្នំពេញ)៖</strong> តារាសម្ដែងកូនកាត់អាល្លីម៉ង់ ទើបតែប្រឡូកក្នុងសិល្បៈថ្មីៗ កញ្ញា ខាហ្គើ ម៉ៃយ៉ា សូរៃយ៉ាម៉ា ត្រូវបានគេស្គាល់ជាទូទៅថា ម៉ៃយ៉ា ថ្វីត្បិតតែនាងទើបតែប្រឡូកក្នុងសិល្បៈមែន ប៉ុន្តែនាងទទួលបានកាងារ ច្រើនសន្ធឹកសន្ធាប់ ស្ទើរមិនគួរឲ្យជឿ ព្រោះគ្រាន់តែនាងថតឲ្យសំអាងការការនានា គឺមានជិត៣០សំអាងការឯណោះ ហើយរូបភាពនាង មានស្ទើរតែពេញរាជធានីភ្នំពេញទៅហើយ។ ក្រៅពីនេះ ម៉ៃយ៉ា ក្រសោបបានតំណែងជាតួឯកក្នុងរឿងភាគ «ហង្សបាក់ស្លាប» របស់ស្ថានីយទូរទស្សន៍ប៉ុស្ដិ៍លេខ៥ទៀតផង។</span></p>
<p><span style="color: #000000;">ថ្វីត្បិតតែនាង ម៉ៃយ៉ា ទទួលបានការងារច្រើនសន្ធឹកសន្ធាប់ ប៉ុន្តែប្រភពពីអ្នកនៅក្នុងសិល្បៈ បាននិយាយថា ម៉ៃយ៉ាង បានទំលាក់តម្លៃខ្លួន ដើម្បីប្រជែងការងារពីរៀមច្បង ក្នុងសិល្បៈ។ ប្រភពដដែលនិយាយ ម៉ៃយ៉ា មានរូបសម្រស់ស្អាតជារឿងមួយល្អ សម្រាប់នាង តែបែរជាមកទំលាក់តំលៃខ្លួនទាប សម្រាប់ពាណិជ្ជកម្មមួយ មិនមែនរឿងល្អទេ ព្រោះតម្លៃអ្នកសិល្បៈរៀមច្បង គេមានបទពិសោធន៍យូរឆ្នាំ តម្លៃខ្លួនគេថ្លៃហើយ គេមិនទំលាក់ថ្លៃ ដើម្បីប្រជែងយកការងារដូចនាង ជាកូនអាល្លីម៉ង់ទេ។</span></p>
<p><span style="color: #000000;">អ្នកសិល្បៈមួយរូប បានព្រលយថា<strong> «ឲ្យគ្នាថតទៅ.! ឲ្យឆាប់ល្បី ព្រោះគ្នាប្រឡូកថ្មីចង់បានមុខមាត់ ឲ្យគេស្គាល់ជារឿងធម្មតាទេ អ្នកណាក៏អ៉ីចឹងដែរ ព្រោះចូលសិល្បៈដំបូង គឺបែបនេះ តែយូរទៅតម្លៃមិនដល់ គឺមិនថតតែអ៉ីចឹង តែសម្រាប់នាង គឺមិនព្រមចុះតម្លៃខ្លួនទៅប្រជែងតួថ្មីអ៉ីចឹងទេ។ សិល្បៈខ្មែរមិនសូវមានតម្លៃ ព្រោះតែចូលចិត្តបន្ថោកតម្លៃខ្លួនបែបនេះ ឲ្យតែមានគេជួល គឺទៅហើយ ខុសពីស្រុកគេ ដែលតម្លៃខ្លួនតារាស្រុកគេ មិនមែនឡើងចុះតាមតែមាត់នោះទេ!»</strong>។</span></p>
<p><span style="color: #000000;">ប្រភពពីអ្នកធ្លាប់ហៅ ម៉ៃយ៉ាមកថត បាននិយាយថា ម៉ៃយ៉ា ជាក្មេងល្អស្រួលរួមការងារជាមួយណាស់ មិនប្រកាន់ថា សំអាងការល្បី ឬមិនល្បីទេ ឲ្យតែហៅ គឺនាងថតទាំងអស់ ហើយតម្លៃទាបជាងគេ ព្រោះនាងចូលថ្មី ហើយបើបានថតឡើងក្របមុខទស្សនាវដ្ដីទៀត តម្លៃកាន់តែពិសេស ។ ធម្មតាម្ចាស់ផលិតផល គេចង់បាន អ្នកថ្មី ថោកនិងស្អាតអ៉ីចឹងហើយ រឿងខ្លះមកពីអ្នកសិល្បៈកាច់កុងគ្នា។</span></p>
<p><span style="color: #000000;">តារាសម្ដែងថ្មីនាង ម៉ៃយ៉ា មិនអាចសុំការបំភ្លឺបានទេ ថា នាងបន្ទាបតម្លៃខ្លួន ដើម្បីប្រជែងការងារពីសិល្បៈរៀមច្បង ព្រោះទូរស័ព្ទនាងមិនអាចទំនាក់ទំនងបាន៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-06-15-26-30-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-06-15-26-30-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-06-15-26-30-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-06-15-26-30-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-06-15-26-30-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-06-15-26-30-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-06-15-26-30-6.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>