<p><span style="color: #000000;"><strong>(ញូវយ៉ក)៖</strong> សហព័ន្ធកីឡាបាល់ទាត់អាមេរិក បានសម្រេចតែងតាំងគ្រូបង្វឹកថ្មីលោក Bruce Arena ដើម្បីដឹកក្រុមឈុតធំបន្ត ជំនួសកៅអីលោក Jurgen Klinsmann ដែលត្រូវបានបណ្តេញចេញពីតំណែងកាលពីថ្ងៃទី២១ ខែវិច្ឆិកា ឆ្នាំ២០១៦ ដោយសារតែដឹកនាំអន់ពេក។</span></p>
<p><span style="color: #000000;">តាមរយៈសារព័ត៌មាន BBC បានចេញផ្សាយឲ្យដឹងនៅថ្ងៃនេះថា នេះជាលើកទី២ហើយ សម្រាប់គ្រូបង្វឹកជនជាតិអាមេរិក ក្នុងការចូលមកកាន់តំណែងធំក្នុងក្រុមជម្រើសជាតិអាមេរិក ដែលនឹងត្រូវលាឈប់ពីការដឹកនាំក្លឹបអាជីព LA Galaxy នាពេលថ្មីៗនេះ។</span></p>
<p><span style="color: #000000;">បុរសវ័យ៦៥ឆ្នាំ Arena ធ្លាប់បានដឹកនាំក្រុមជម្រើសជាតិអាមេរិក ឡើងមកដល់វគ្គ៨ក្រុមចុងក្រោយកាលពី World Cup 2002 នៅកូរ៉េខាងត្បូង និងជប៉ុន គិតចាប់តាំងពីឆ្នាំ១៩៣០មក ហើយក៏ធ្លាប់ដឹកនាំជម្រើសជាតិអាមេរិកឈ្នះ ៧១ប្រកួត ក្នុងចំណោមប្រកួតសរុប១៣០ដង ចាប់តាំងពីឆ្នាំ១៩៩៨ ដល់ឆ្នាំ២០០៦ ផងដែរ ជាមួយនឹងការដឹកនាំក្លឹប អាជីពឈ្នះពានលីគកំពូលអាមេរិក MLS បាន៥ដងទៀតផងក្នុងក្លឹប LA Galaxy។</span></p>
<p><span style="color: #000000;">លោក Arena នឹងចូលតំណែងជាផ្លូវការនៅថ្ងៃទី១ ខែធ្នូ ឆ្នាំ២០១៦ ខាងមុខ ហើយ១ប្រកួតដំបូងរបស់គាត់ គឺដឹកនាំជម្រើសជាតិអាមេរិក ប្រកួតទល់នឹងក្រុមភ្ញៀវហុងឌុយរ៉ាស់ នៃវគ្គជម្រុះ World Cup 2018 នៅថ្ងៃទី២៤ ខែមីនា ឆ្នាំ ២០១៧ ខាងមុខ ដើម្បីប្រជែងយកកៅអីទៅប្រទេសរុស្ស៊ី៕</span></p>
<p><span style="color: #000000;"><img src="http://www.fanthem.com/wp-content/uploads/2015/05/bruce-arena-2.jpg" alt="" width="730" /></span></p>
<p><span style="color: #000000;">លោក Bruce Arena</span></p>
<p><span style="color: #000000;"><img src="http://daily-sun.com/assets/news_images/2016/11/22/jurgen-klinsmann-angry-daily-sun.jpg" alt="" width="730" /></span></p>
<p><span style="color: #000000;">លោក Jurgen Klinsmann</span></p>
<p><span style="color: #000000;"><img src="https://usatsbi.files.wordpress.com/2015/03/usatsi_8374885.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>