<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបង្គាប់ឱ្យសមត្ថកិច្ច ចុះត្រួតពិនិត្យមើល កន្លែងលេខកន្ទុយ(ឆ្នោត) មួយកន្លែងនៅឃុំរក្សជ័យ ស្រុកបាភ្នំ ខេត្តព្រៃវែង ក្រោយពីយុវជនម្នាក់បានរាយការណ៍ថាបានពង្វក់ឪពុករបស់គេ រហូតដល់លក់ស្រែចម្ការគ្មានសល់។</span></p>
<p><span style="color: #000000;">នៅលើទំព័រ Facebook សម្តេចតេជោ ហ៊ុន សែន មានយុវជនម្នាក់ដែលដាក់ឈ្មោះលើ Facebook ថា « SN Csm Csm» បានរាយការណ៍អំពីករណីបើកលេងកន្ទុយលេខនៅភូមិរបស់គេ ដែលបានបង្វក់ប្រជាពលរដ្ឋនៅតំបន់ ឱ្យអស់លុយកាក ស្រែចម្ការ ។ យុវជនរូបនេះ បានអះអាងថា ឪពុករបស់គេ ក៏បានអស់លុយ អស់ស្រែចម្ការដោយសារ កន្ទុយលេខនេះផងដែរ។</span></p>
<p><span style="color: #000000;">SN Csm Csm បានសរសេរថា <strong>«សម្ដេចជាទីគោរព ! ខ្ញុំសរសេរជាលើកទី៥ ផ្ញើជូនសម្ដេចពីបញ្ហាល្បែងខុសច្បាប់គឺកន្ទុយលេខ ដែលមានទីតាំងផ្ទះឈ្មោះ សេង រ៉ា នៅភូមិគោកសណ្ដែក ឃុំរក្សជ័យ ស្រុកបាភ្នំ ខេត្តព្រៃវែង មូលហេតុ មេប៉ុស្តិ៍ និងអធិការស្រុក ត្រូវបានមេឆ្នោតបង់លុយជារៀងរាល់ខែ។ ឪពុករបស់ខ្ញុំ គាត់ចាក់ឆ្នោត១ពេលអស់ ១០០០០០ រៀល ខ្ញុំបាទពីបាកចិត្តខ្លាំងណាស់ ព្រោះគាត់លក់ស្រែអស់១បាត់ហើយ។ ស្រែក៏អស់លុយក៏អត់ ព្រោះតែចាញ់ឆ្នោត។មានតែសម្ដេចទេ ដែលអាចជួយលោកឪពុកខ្ញុំបាន ពីព្រោះខ្ញុំបានប្ដឹងសម្ថតកិច្ចអស់ហើយ ប៉ុន្តែពួកគាត់មិនដោះស្រាយអោយទេ មូលហេតុគាត់ស៊ីលុយគេ»</strong>។</span></p>
<p><span style="color: #000000;">ជាការច្រើនតប សម្រេចបានបង្គាប់ឱ្យសមត្ថកិច្ចចុះពិនិត្យមើល និងដោះស្រាយ។ សម្តេចបានសរសេរតបថា «សូមសមត្ថកិច្ចចុះពិនិត្យដោះស្រាយល្បែងស៊ីសង»៕</span></p>
<p><a class="thickbox" title="" href="/FileManager/Commons/2016/5/4/fff-04-05-2016--13-55-46.png"><img src="/FileManager/Articles/mce/2016/5/4/fff-04-05-2016--13-55-46.png" alt="" /></a></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>