<p><span style="color: #000000;"><strong>(ភ្នំពេញ)៖</strong> ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច លោកស្រី ម៉ែន សំអន បានប្រាប់ បងប្អូនខ្មែរនៅប្រទេសអូស្ត្រាលីថា ប្រទេសកម្ពុជានាពេលបច្ចុប្បន្ន បាននិងកំពុងរីកចម្រើនខ្លាំងក្រោមការដឹកនាំរបស់នាយករដ្ឋមន្រ្តី នៃកម្ពុជា សម្តេចតេជោ ហ៊ុន សែន។ ក្នុងនោះប្រទេសកម្ពុជា បានរក្សានូវកំណើនសេដ្ឋកិច្ចក្នុងរង្វង់ប្រមាណ៧ភាគរយជារៀងរាល់ឆ្នាំ ក្នុងប៉ុន្មានឆ្នាំចុងក្រោយនេះ។</span></p>
<p><span style="color: #000000;">ការបង្ហាញពីភាពរីកចម្រើនរបស់ប្រទេសកម្ពុជានេះ បានធ្វើឡើងក្នុងឱកាសដែលលោកស្រីឧបនាយករដ្ឋមន្រ្តី បានជួបស្រស់ស្រូបអា ហារសាមគ្គីជាមួយប្រជាពលរដ្ឋខ្មែររស់នៅទីក្រុងស៊ីដនី ប្រទេសអូស្ត្រាលី នៅយប់ថ្ងៃទី១៥ ខែកុម្ភៈ ឆ្នាំ២០១៦។ ពិធីស្រស់ស្រូបអា ហារសាមគ្គីនេះ ក៏មានការចូលរួមពីលោក កុយ គួង ឯកអគ្គរាជទូតកម្ពុជា ប្រចាំនៅប្រទេសអូស្ត្រាលី និងណូវែលហ្សេឡង់ ព្រមទាំងសមាជិក សមាជិការសមាគមយុវជនកម្ពុជាប្រចាំនៅទីក្រុងស៊ីដនីផងដែរ។</span></p>
<p><span style="color: #000000;">ក្នុងឱកាសស្រស់ស្រូបអាហារសាមគ្គីនេះ លោកស្រី ម៉ែន សំអន បានថ្លែងអំណរគុណដ៏ជ្រាលជ្រៅ ចំពោះសមាគមខ្មែរប្រចាំនៅប្រទេសអូស្ត្រាលី ដែលបានជួយឧបត្តម្ភដល់ការព្យាបាលជំងឺភ្នែក និង ផ្តល់អង្ករជូនប្រជាពលរដ្ឋខ្មែរនៅតាមជនបទជាង ៧ម៉ឺនគ្រួសារ។</span></p>
<p><span style="color: #000000;">លោកស្រី មែន សំអន បានលើកបង្ហាញពីភាពរីកចម្រើនរបស់កម្ពុជានាពេលបច្ចុប្បន្នក្រោមដំបូលសន្តិភាព ក្រោយការវាយប្តួលរំលំរបបអាវខ្មៅប៉ុលពតជាង ៣០ឆ្នាំកន្លងមកនេះ។ លោកស្រី បានថ្លែងដូច្នេះ «កម្ពុជាបច្ចុប្បន្ន ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានការរីកចម្រើនយ៉ាងខ្លាំងលើហេដ្ឋារចនាសម្ព័ន្ធ ដូចជា ផ្លូវ ថ្នល់ ស្ពាន សាលារៀន មន្ទីរពេទ្យ វត្តអារាម្យ មណ្ឌលសុខភាព ដោយរក្សាបានកំណើនសេដ្ឋកិច្ចក្នុងរវង់ប្រមាណ ៧% ក៏ដូចជា គិតគូរក្នុងការដំឡើងប្រាក់បៀវត្សរ៍មន្ត្រីរាជការជាដើម។ល។»។</span></p>
<p><span style="color: #000000;">លោកស្រីឧបនាយករដ្ឋមន្រ្តី បានសំណូមពរដល់ប្រជាពលរដ្ឋខ្មែរនៅអូស្រ្តាលី កុំជឿតាមការញ៉ោះញ៉ុងរបស់ជនមួយក្តាប់តូច ដែលតែងតែរារាំង ដល់រាជរដ្ឋាភិបាលកម្ពុជា ក្នុងការអភិវឌ្ឍប្រទេសម្តងហើយម្តងទៀត៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/12743705_1558845467763152_3382088972062034821_n.jpg?oh=df1faf60bee4af4836d1d1eb6591f884&oe=575B3D04" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlf1/v/t1.0-9/12729337_1558845461096486_8509779344290200215_n.jpg?oh=07bd327f3be3fbb70190422edaf2fbc4&oe=57288F53" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xaf1/v/t1.0-9/12705310_1558845474429818_3696039352397271589_n.jpg?oh=4728b381adcf0a1a54a2b8e9bfacfc42&oe=5729600A" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlf1/v/t1.0-9/12705448_1558845441096488_413761352768931815_n.jpg?oh=4477bd1d1ddb99fe727df3039178ca05&oe=576E94D4" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/12705581_1558845464429819_7242653956323475269_n.jpg?oh=e6945df21676bcd4efbda4d857a2a399&oe=5768176F" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12745742_1558845487763150_8533031614694656999_n.jpg?oh=0caff7f3990c7723fb7c1f1eaef8ebbb&oe=572E107A" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtl1/v/t1.0-9/12733526_1558845491096483_5843653495271695203_n.jpg?oh=0a93bbfd83a78f1566a19112f77df07a&oe=5763D394&__gda__=1466279847_538a25bb046b635c509d2b15e8db923b" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>