<p><span style="color: #000000;"><strong>(ព្រះសីហុន)៖</strong> កម្លាំងគយចល័ត សហការជាមួយកម្លាំងអាវុធហត្ថ ខេត្តព្រះសីហនុ បានឆ្មក់ចាប់ទូរស័ព្ទ iPhone គេចពន្ធខុសច្បាប់ ចំនួន១៣កេស នៅរសៀលថ្ងៃទី២០ ខែមករា ឆ្នាំ២០១៧នេះ នៅចំណុចក្នុងផែគមនាគមន៍ ហៅផែឡើងទំនិញទំនប់រលក ស្ថិតក្នុងភូមិ៣ សង្កាត់លេខ១ ក្រុងព្រះសីហនុ ខេត្តព្រះសីហនុ នៅលើទូកដឹកទំនិញ ដឹកចូលមកពីប្រទេសថៃ។</span></p>
<p><span style="color: #000000;">ប្រតិបត្តិការនេះ កំលាំងមន្ទីរយុត្តិធម៌ អាវុធហត្ថខេត្តចំនួន០៣នាក់ និងកំលាំងអាវុធហត្ថ ស្នាក់ការទំនប់រលកចំនួន០៦នាក់ ដឹកនាំវរសេនីយ៍ឯក សេង ផុក មេបញ្ជាការស្តីទី កងរាជអាវុធហត្ថខេត្ត សហការជាមួយគយចល័ត ដឹកនាំដោយលោក កែវ សម្ភស្ស និងគយស្នាក់ការទំនប់រលក ដឹកនាំដោយលោក ឡឹក សុភាព។</span></p>
<p><span style="color: #000000;">យ៉ាងណាក៏ដោយទាំង សមត្ថកិច្ច និងមន្ត្រីគយ មិនទាន់បញ្ជាក់លម្អិត ពាក់ព័ន្ធករណីនាំចូលទូរស័ព្ទ ទំនើបគេចពន្ធទាំងនេះ ជារបស់នរណានោះទេ៕</span></p>
<p><span style="color: #000000;"><img src="http://image.freshnewsasia.com/2017/028/fn-2017-01-20-21-01-46-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/028/fn-2017-01-20-21-01-46-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>