<p>Samsung បានឱ្យដឹងថា ពេលណាដែលមិនទាន់បានពិនិត្យផ្ទាល់ គឺមិនទាន់អាចកំណត់បានថា <br />មូលហេតុនៃការឆេះ Note 7 គឺពាក់ព័ន្ធនឹងថ្មដែលបានប្ដូរថ្មី។</p>
<p><span>ក្រោយពីមានការរអ៊ូរទាំអំពីបញ្ហានៅលើ Note 7 ដែលបានប្ដូរថ្មី ត្រូវឡើងកំដៅខ្លាំង ក្រុមហ៊ុន </span><br /><span>Samsung បានព្យាយាម “ធានា” ខ្លួនឯងថា ៖ ថ្មក្ដៅ មិនមែនជាបញ្ហា។ ប៉ុន្តែ បញ្ហាបានកើតឡើង</span><br /><span>ពិតប្រាកដ បន្ទាប់ពី Galaxy Note 7 ដែលត្រូវបានប្ដូរថ្មថ្មី នៅតែ “ឆេះ” នៅលើយន្តហោះ។</span></p>
<p><a class="thickbox" title="" href="/FileManager/Commons/2016/10/7/fire-07-10-2016--09-16-21.jpg"><img src="/FileManager/Articles/mce/2016/10/7/fire-07-10-2016--09-16-21.jpg" alt="" /></a></p>
<p>យោងតាមរបាយការណ៍ថ្មីៗនេះ យន្តហោះមួយគ្រឿងរបស់ក្រុមហ៊ុនអាកាសចរណ៍អាមេរិក ឈ្មោះ<br />Southwest ត្រូវបង្ខំចិត្តចុះចត ដោយសារតែ Galaxy Note 7 ត្រូវឆេះនៅលើយន្តហោះ។ ក្រុមអ្នក<br />ស៊ើបអង្កេតអះអាងថា ស្មាតហ្វូនរបស់ Samsung គឺជាមូលហេតុនាំឱ្យមានបញ្ហា។ អ្នកដំណើរ និង<br />បុគ្គលិកទាំងអស់នៅលើយន្តហោះ បានចាកចេញពីយន្តហោះដោយសុវត្ថិភាព។</p>
<p>លោក Brian Green ដែលជាម្ចាស់ស្មាតហ្វូនខាងលើ បានឱ្យដឹងថា ខ្លួនបានទទួលស្មាតហ្វូនដែល<br />បានប្ដូរថ្មីនេះពីហាងមួយរបស់ក្រុមហ៊ុនប្រព័ន្ធទូរស័ព្ទ AT&T កាលពីថ្ងៃទី ២១កញ្ញា។ ម៉ាស៊ីននេះ<br /> មានរូបសញ្ញាបួនជ្រុងពណ៌ខ្មៅនៅខាងក្រោយនៃប្រអប់ និងមានសញ្ញាបង្ហាញអំពីស្ថានភាពថ្ម<br />ពណ៌ខៀវ។ ក្រុមហ៊ុន Samsung ធ្លាប់បាននិយាយថា ទាំងពីរនេះគឺជាសញ្ញាប្រាប់ថា Note 7<br /> ដែលអ្នកកំពុងប្រើប្រាស់គឺជាស្មាតហ្វូនដែលត្រូវបានប្ដូរថ្មថ្មី និងមានសុវត្ថិភាព។ អ្វីដែលគួរនិយាយ<br />នោះគឺថា Brian Green បានឱ្យដឹងថា មុនពេលបញ្ហាកើតឡើង ខ្លួនបានបិទម៉ាស៊ីនទៅតាមការ<br />ស្នើរបស់ថ្ម ហើយបានដាក់វាក្នុងហោប៉ៅខោ។</p>
<p>Samsung បានឆ្លើយតបទៅនឹងព័ត៌មានខាងលើ។ អ្នកនាំពាក្យរបស់ Samsung ឱ្យដឹងថា ៖ “មក<br />ដល់ពេលនេះ យើងខ្ញុំមិនទាន់បានពិនិត្យផ្ទាល់លើស្មាតហ្វូណដែលមានបញ្ហា ហើយយើងខ្ញុំក៏<br />មិនអាចអះអាងបានថា បញ្ហានេះវាមានទាក់ទឹននឹង Note 7 ដែរ ឬយ៉ាងណា។ល។ នៅពេលយើង<br />បានពិនិត្យផ្ទាល់ យើងនឹងចែករំលែកព័ត៌មាននេះ”។ បើសិន Samsung អាចបញ្ជាក់បានថា បញ្ហា<br />កើតឡើងចំពោះស្មាតហ្វូនមួយក្នុងចំណោម Note 7 ដែលបានប្ដូរថ្មថ្មី នោះវានឹងជះឥទ្ធិពលអាក្រក់<br />ដល់កេរ្ដិ៍ឈ្មោះរបស់ក្រុមហ៊ុន ហើយក្រុមហ៊ុននេះនឹងកាន់តែមានការលំបាកក្នុងការស្ដារទំនុកចិត្ត៕</p>
<p style="text-align: right;">ប្រែសម្រួល ៖ តារា<br />ប្រភព ៖ theverge/ genk</p>