<p><span style="color: #000000;"><strong>(អ៊ីរ៉ាក់)៖</strong> បវរកញ្ញាជនជាតិអ៊ីរ៉ាក់ ដែលទើបតែគ្រងម្កុដ នាពេលថ្មីៗនេះ បានទទួលការគំរាមតាមទូរសព្ទ នៅថ្ងៃអង្គារ ដោយបង្ខំឲ្យនាងចូលរួមជាមួយ ក្រុមឧទ្ទាមរដ្ឋឥស្លាម ISIS បើមិនដូចច្នោះទេ នឹងត្រូវគេចាប់ជំរិត នេះបើយោងតាមសេចក្តីរាយការណ៍ របស់សារព័ត៌មាន យ៉េរ៉ូសាឡឹម ចេញផ្សាយនៅថ្ងៃទី២៣ ខែធ្នូ ឆ្នាំ២០១៥នេះ។</span></p>
<p><span style="color: #000000;"><a class="thickbox" title="" href="/FileManager/Commons/2015/12/24/10f-24-12-2015--09-28-40.jpg"><img src="/FileManager/Articles/mce/2015/12/24/10f-24-12-2015--09-28-40.jpg" alt="" /></a><br /></span></p>
<p><span style="color: #000000;">កញ្ញា Shayma Qassim អាយុ២០ឆ្នាំរូបនេះ ទើបទទួលបានជ័យជម្នះ ក្នុងកម្មវិធីប្រឡងបវរកញ្ញាឯក ដែលរៀបចំនៅក្នុងប្រទេសអ៊ីរ៉ាក់ មិនធ្លាប់មានអស់រយៈពេល ៤០ឆ្នាំកន្លងទៅនេះ។ យោងតាមរបាយការណ៍បានឲ្យដឹងថា បន្ទាប់ពីទទួលបានជ័យជម្នះ នាង Qassim ក៏បានទទួលទូរសព្ទគំរាមបែបនេះតែម្តង។</span></p>
<p><span style="color: #000000;"><a class="thickbox" title="" href="/FileManager/Commons/2015/12/24/10c-24-12-2015--09-28-50.jpg"><img src="/FileManager/Articles/mce/2015/12/24/10c-24-12-2015--09-28-50.jpg" alt="" /></a><br /></span></p>
<p><span style="color: #000000;">សូមជម្រាបថា នាង Qassim មកពីទីក្រុង Kirkuk មានក្តីបារម្ភជាខ្លាំងពីបញ្ហានេះ ប៉ុន្តែនាងបញ្ជាក់ថា នាងនឹងមិនអនុញ្ញាតឲ្យការគំរាមនេះ បញ្ឈប់នាងបានឡើយ ហើយនាងនឹងបន្តដើរទៅមុខ បើទោះបីជាជួបឧបសគ្គបែបនេះក្តី៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/24/10b-24-12-2015--09-28-32.jpg"><img src="/FileManager/Articles/mce/2015/12/24/10b-24-12-2015--09-28-32.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>