<p><span style="color: #000000;"><strong>(អាមេរិក)៖</strong> នាង Augustina Higuera អាយុ២៩ឆ្នាំ រស់នៅរដ្ឋតិចសាស់ ជាស្ត្រីវ័យក្មេង ដែលមានកូនស្រី រហូតដល់ទៅ១៤នាក់ ប៉ុន្តែទោះបីជាកូន ច្រើនលើសលប់បែបនេះទៅហើយក្តី ក៏នាងនៅតែចង់បន្តមានកូនប្រុសទៀត ព្រោះតែក្នុងគ្រួសារមិនទាន់មាន កូនប្រុសនៅឡើយ។</span></p>
<p><span style="color: #000000;">នាង Higuera ស្រឡាញ់កូនស្រីទាំងអស់ របស់នាងណាស់ ទោះបីជានាងនិងប្តី ប្រាថ្នាចង់បានកូនប្រុស ម្នាក់ទៀតក៏ដោយ ហើយនាងនៅតែតាំងចិត្ត ចង់បានកូនប្រុស ដើម្បីសម្រេចបំណងរបស់ខ្លួន និងស្វាមីអាយុ៣០ឆ្នាំ គឺលោក Jose ដោយអ្នកទាំងពីរសន្សំប្រាក់ មួយខែៗយ៉ាងហោចណាស់ ក៏ឲ្យបាន ៧,៥០០ដុល្លារដែរ ដើម្បីទ្រទ្រង់ជីវភាពគ្រួសា រដែលមានកូនច្រើន។</span></p>
<p><span style="color: #000000;">Higuera រៀបការនៅអាយុ១៧ឆ្នាំ ជាមួយស្វាមី ដែលតាមច្បាប់ក្នុងប្រទេស គឺនារីដែលមានអាយុ១៤ឆ្នាំឡើង ទៅអាចរៀបការបាន ប្រសិនជាឪពុកម្តាយយល់ព្រម ហើយបន្ទាប់ពីរៀបការរួច នាងនិងស្វាមីក៏សម្រេចយកកូនច្រើន តែម្តង ដោយមិនកំណត់ឡើយ តែមិនសំណាង អ្នកទាំងពីរមិនមានកូនប្រុស ម្នាក់សោះ បែរជាមានកូនស្រីទាំងអស់ និងកូនភ្លោះដល់ទៅពីរគូទៀតផង៕</span></p>
<p><span style="color: #000000;"><a class="thickbox" title="" href="/FileManager/Commons/2016/10/11/36b-11-10-2016--14-33-16.jpg"><img src="/FileManager/Articles/mce/2016/10/11/36b-11-10-2016--14-33-16.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>