<p>ដូចដែលយើងទាំងអស់គ្នាបានដឹង កាលពីថ្ងៃទី ៩កញ្ញាកន្លងទៅ ក្រុមហ៊ុន Apple បានប្រកាស<br />ឧទ្ទេសនាមស្មាតហ្វូនកំពូលរបស់ខ្លួន គឺ iPhone 6s និង iPhone 6s Plus ដែលមាន ព័ណ៌ rose <br />gold ជាពិសេស។ ក្នុងអំឡុងពេល iPhone 6s និង iPhone 6s Plus កំពុងវាយលុកទីផ្សារពិភព<br />លោក ក៏ស្រាបតែទំព័រ GizmoChina ចុះផ្សាយនូវរូបដំបូងនៃកំណែ iPhone តម្លៃទាប។</p>
<p style="text-align: center;"><a class="thickbox" title="" href="/FileManager/Commons/2015/10/3/iphone-6s-mini-03-10-2015--16-09-42.jpg"><img src="/FileManager/Articles/mce/2015/10/3/iphone-6s-mini-03-10-2015--16-09-42.jpg" alt="" /></a></p>
<p>ប្រភពពីប្រទេសចិននេះ បានឱ្យដឹងថា វាគឺជា iPhone 6s mini ដែលធ្លាប់មានពាក្យចចាម<br />អារ៉ាមកន្លងមក។ ក្រៅពីនេះ iPhone 6s mini ក៏ត្រូវបានគេនិយាយថា មាន ព័ណ៌ rose gold<br /> ដូចទៅនឹង iPhone 6s និង iPhone 6s Plus ផងដែរ។ iPhone 6s mini មានរូបរាងតូចជាង បើ<br />ប្រៀបធៀបនឹង iPhone 6 និង iPhone 6s។ iPhone 6s mini អាចនឹងមានអេក្រង់ 4 inch។</p>
<p>នៅពេលពិនិត្យមើលឱ្យបានលំអិត គេដឹងថា ទាំងរូបរាង ទាំងរន្ធប្រដាប់បន្លឺសម្លេង ឬគ្រាប់<br />ចុចរឹង និងព័ណ៌ ជាដើម គឺដូចទៅនឹង iPhone 6s និង iPhone 6s Plus ប៉ុន្តែវាក្រាស់ជាងបន្តិច <br />និងមិនមានអក្សរ "S" នៅខាងខ្នងនោះទេ។</p>
<p>ប្រភពដំណឹងឱ្យដឹងថា ហាតវ៉ែរ ដូចជា ថ្ម RAM និងអេក្រង់ របស់ Phone 6s mini អាចនឹងត្រូវ<br />បានគេកាត់បន្ថយដើម្បីនាំមកនូវតម្លៃទាបសម្រាប់អតិថិជន។ ប៉ុន្តែ ជំនួសមកវិញ Apple នឹង<br />បំពាក់ប្រូសេសឺរ A9 លំដាប់ខ្ពស់ ដើម្បីជួយឱ្យការលេងហ្គេម និងការធ្វើការរបស់អតិថិជន <br />ដំណើរការបានរលូន។</p>
<p>ពិសេសជាងនេះ គេឃើញថា iPhone 6s mini ដែលបង្ហាញខ្លួនក្នុងរូបថតលេចធ្លាយនោះ កំពុង<br />ដំណើរការដោយ iOS 8 ដែលនេះគឺជាវិធីមួយជួយឱ្យម៉ាស៊ីនដំណើរការប្រសើរ ជាមួយនឹង<br />គ្រឿងម៉ាស៊ីនដែលត្រូវបានកាត់បន្ថយ។ បើសិនមិនមានការផ្លាស់ប្ដូរទេនោះ គេអាចសន្និដ្ឋាន<br />បានថា iPhone 6s mini នឹងត្រូវបានបង្ហាញខ្លួននារដូវផ្ការីកឆ្នាំនេះ ហើយវានឹងក្លាយជាស្មាត<br />ហ្វូនតម្លៃទាបដំបូងគេ របស់ក្រុមហ៊ុន Apple។</p>
<p style="text-align: center;"><a class="thickbox" title="" href="/FileManager/Commons/2015/10/3/iphone-6s-mini-១-03-10-2015--16-10-45.jpg"><img src="/FileManager/Articles/mce/2015/10/3/iphone-6s-mini-១-03-10-2015--16-10-45.jpg" alt="" /></a></p>
<p>យ៉ាងនេះក្ដី iPhone 6s mini ប្រហែលជានឹងមិនមាននៅក្នុងលោកនោះទេ ព្រោះថា បើសិន<br />យើងមើលទៅលើអតិតកាលរបស់ iPhone 5c ដែលបានចេញមុខកាលពី ២ឆ្នាំមុន នោះ<br />ប្រាកដណាស់ថា Apple នឹងមិនចង់ដើរតាមគន្លងចាស់ជាថ្មី ដោយសារថា ប្រាក់ចំណូលដែល<br />បានមកពីស្មាតហ្វូនតម្លៃទាបរបស់ Apple មិនត្រូវបានគេចាត់ទុកថាជាជោគជ័យនោះឡើយ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ WCCFtech</p>