<p><span style="line-height: 1.8; color: #000000;"><strong>(ភ្នំពេញ)៖</strong> មុខសញ្ញាជួញដូរគ្រឿងញៀន ជនជាតិចិន៣នាក់ និងជនជាតិវៀតណាមម្នាក់ ត្រូវបានកម្លាំងនគរបាលចាប់ខ្លួន នៅសណ្ឋាគារ សុខា (Hotel Sokha) ត្រើយខាងកើត សង្កាត់ជ្រោយចង្វារ ខណ្ឌជ្រោយចង្វារ ដោយដកហូតថ្នាំជាងកន្លះគីឡូក្រាម នៅយប់ថ្ងៃទី៣ ខែកុម្ភ: ឆ្នាំ២០១៦។</span></p>
<p><span style="color: #000000;">ស្នងការរងនគរបាលរាជធានីភ្នំពេញ លោក ប៊ន សំអាត ដែលដឹកនាំកម្លាំងចុះបង្ក្រាបករណីជួញដូរគ្រឿងញៀនខាងលើនេះ បានបញ្ជាក់ថា ក្រោយខាងសណ្ឋាគារ រាយការណ៍អំពីករណីគ្រឿងញៀននេះភ្លាម លោកបានដឹកនាំកម្លាំងនគរបាលជំនាញ និងនគរបាលមូលដ្ឋាន ក្រោមការបញ្ជាផ្ទាល់ពីលោកឧត្តមសេនីយ៍ស្នងការ និងមានការម្របសម្រួលពីព្រះរាជអាជ្ញាផងនោះ បានចុះទៅឆែកឆេរបន្ទប់ នៃសណ្ឋាគារសុខា រហូតចាប់បានជនសង្ស័យ៤នាក់ មាន៣នាក់ជាជនជាតិចិន និងម្នាក់ជាជនជាតិវៀតណាម ហើយក៏មានស្រ្តីម្នាក់ផងដែរ ។</span></p>
<p><span style="color: #000000;">ក្រោយការបង្ក្រាប និងចាប់ខ្លួន ជនសង្ស័យទាំង៤នាក់ ត្រូវបានបញ្ជូនមកកាន់ការិយាល័យជំនាញ ដើម្បីបន្តការសួរនាំ និងចាត់ការតាមច្បាប់បន្តទៀត ។</span></p>
<p><span style="color: #000000;">ស្នងការរងរូបនេះ ក៏សូមអំពាវនាវដល់ម្ចាស់ផ្ទះសំណាក់ និងម្ចាស់សណ្ឋាគារទាំងអស់ចូលរួម សហការជាមួយកងកម្លាំងសមត្ថកិច្ចរបស់លោក ពោលនៅពេលឃើញមានជនណាដែលគួរឲ្យសង្ស័យចូលដេកនោះ ត្រូវរាយការណ៍ជាបន្ទាន់ ដើម្បីចុះទៅបង្ក្រាប។</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/t31.0-8/12622302_1553895874924778_1083855882483928884_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12662537_1553895864924779_6973084625427074962_n.jpg?oh=aaaa04adfd42e9f77c02cb7a76916f66&oe=576EF16B" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>