<p><span style="color: #000000;"><strong>(ពោធិ៍សាត់)៖</strong> កម្លាំងនគរបាលស្រុកក្រគរ សហការជាមួយកម្លាំងប្រជាការពារ តាមបញ្ជារបស់ លោក តន់ សីហតេជ ព្រះរាជអាជ្ញាសាលាដំបូងខេត្ត បានចុះស្ទាក់ឃាត់ចាប់ខ្លួនជនសង្ស័យ ២នាក់ ពាក់ព័ន្ធករណីដេញក្របីរបស់ប្រជាពលរដ្ឋ ៧ក្បាល ឡើងរថយន្តរួចយកទៅលក់ដោយគ្មានលិខិតទិញលក់ត្រឹមត្រូវ។ </span></p>
<p><span style="color: #000000;">ប្រតិបត្តិការនេះ ធ្វើឡើងនៅថ្ងៃទី០៥ ខែមីនា ឆ្នាំ២០១៧ នៅលើកំណាត់ផ្លូវលំ ត្រង់ចំណុចយាយស៊ូ ស្ថិតក្នុងភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់។</span></p>
<p><span style="color: #000000;">សេចក្តីរាយការណ៍ពីភ្នាក់ងារ Fresh News បានឲ្យដឹងថា ជនសង្ស័យទាំង ២នាក់ ត្រូវបានកម្លាំងនគរបាលឃាត់ខ្លួនមានឈ្មោះ ហួត កូម៉ែន អាយុ៣៩ឆ្នាំ ជាអ្នកបើកបរ និងឈ្មោះ នួរ ធា អាយុ៣៣ឆ្នាំ ជាព្រូរថយន្ត ទាំង២នាក់ បច្ចុប្បន្នរស់នៅភូមិព្រែកក្តី ឃុំកណ្តៀង ស្រុកកណ្ដៀង ខេត្តពោធិ៍សាត់។ ក្នុងនោះកម្លាំងសមត្ថកិច្ចបានឃាត់រថយន្ត ១គ្រឿង ម៉ាក HYUNDAI ពាក់ស្លាកលេខ ភ្នំពេញ 3B-6816 ដឹកសត្វក្របីឈ្មោល ២ក្បាល និងញី៥ក្បាល។</span></p>
<p><span style="color: #000000;">បើតាមចម្លើយសារភាពពីជនសង្ស័យ ពួកគេស៊ីឈ្លួលដឹកជញ្ជូនសត្វក្របីទាំង៧ក្បាលនេះ ចេញពីចំណុចភូមិសាយ ឃុំព្រងិល ស្រុកភ្នំក្រវាញ ក្នុងគោលបំណងយកទៅទម្លាក់ចុះ នៅម្តុំភូមិដងទឹកលាជ ឃុំត្នោតជុំ ស្រុកក្រគរ ក្នុងតម្លៃ ២០០,០០០រៀល ឲ្យម្ចាស់ឈ្មោះ ឆូយ នៅស្រុកកណ្ដៀង ខេត្តពោធិ៍សាត់៕</span></p>
<p><span style="color: #000000;"><img src="http://image.freshnewsasia.com/2017/010/fn-2017-03-06-16-14-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-06-16-14-57-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-06-16-14-57-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-06-16-14-57-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-06-16-14-57-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>