<p><span style="color: #000000;"><strong>(តូក្យូ)៖</strong> ស្ត្រីម្នាក់រស់នៅប្រទេសជប៉ុនត្រូវប៉ូលីសចាប់ខ្លួនដោយចោទប្រកាន់ពីបទប៉ុនប៉ងឃាតកម្មបន្ទាប់ពីនាងព្យាយាមសម្លាប់កូនស្រីដែលទើបមានអាយុ២ខែប៉ុណ្ណោះ ព្រោះតែខឹងក្មេងស្រែកយំមិនបាត់។</span></p>
<p><span style="color: #000000;">ម្តាយចិត្តអប្រិយឈ្មោះ Atsue Hanatsuka អាយុ៣៦ឆ្នាំបានព្យាយាមខ្ទប់ដង្ហើមកូនរហូតដល់សន្លប់ខណៈប្តីចេញទៅធ្វើការបាត់ហើយ ពេលសួរចម្លើយនាងបានសារភាពប្រាប់សមត្ថកិច្ចថា កូនស្រីយំមិនឈប់ទោះបីនាងខំលួងយ៉ាងណាក៏ដោយទើបសម្រេចចិត្តយកដៃខ្ទប់មាត់កូនឲ្យស្ងាត់ តែក៏ធ្វើឲ្យក្មេងសន្លប់ឈឹងតែម្តង។</span></p>
<p><span style="color: #000000;">ប៉ូលិសបានមកដល់ផ្ទះកើតហេតុឃើញក្មេងស្រីដ៏តូចសន្លប់ទៅហើយតែមិនទាន់ស្លាប់នៅឡើយទេទើបបញ្ជូនទៅសង្គ្រោះនៅមន្ទីរពេទ្យ ប៉ុន្តែសភាពហាក់ដូចជាធ្ងន់ធ្ងរផងដែរ៕</span></p>
<p><span style="color: #000000;"><img src="http://i.imgur.com/YVCxReV.png?pixabay" alt="" width="730" /></span></p>
<p style="text-align: center;"><span style="color: #000000;">រូបភាពតំណាង</span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>