<p><span style="color: #000000;"><strong>(អ៊ីរ៉ាក់)៖</strong> យ៉ាងហោចណាស់មនុស្ស ២៩នាក់បានស្លាប់ និងជាង ៦០នាក់ផ្សេងទៀត បានរងរបួស បន្ទាប់ពីមានការវាយប្រហារដោយគ្រាប់បែកអត្តឃាតនៅក្នុងកីឡដ្ឋានមួយ ខណៈពេលកំពុងប្រកួតបាល់ទាត់ ក្នុងភាគខាងត្បូងរដ្ឋធានីបាកដាដ ប្រទេសអ៊ីរ៉ាក់ នេះបើយោងតាមការចេញផ្សាយរបស់ទីភ្នាក់ងារព័ត៌មានចិនស៊ិនហួរ ចេញផ្សាយនៅយប់ថ្ងៃទី២៥ ខែមីនា។</span></p>
<p><span style="color: #000000;"><a class="thickbox" title="" href="/FileManager/Commons/2016/3/26/10c-26-03-2016--09-30-35.jpg"><img src="/FileManager/Articles/mce/2016/3/26/10c-26-03-2016--09-30-35.jpg" alt="" /></a><br /><br /></span></p>
<p><span style="color: #000000;">ប៉ូលិសប្រចាំតំបន់បានបញ្ជាក់ថា គ្រាប់បែកបានផ្ទុះឡើងនៅក្នុងអំឡុងពេលប្រកួតបាល់ទាត់រវាងក្រុមបាល់ទាត់ក្នុងតំបន់ ស្ថិតនៅកីឡដ្ឋាន Iskanderiyah មានចម្ងាយប្រមាណជា ៤០គីឡូមែត្រពីរដ្ឋធានីបាកដាដ។ សាក្សីនៅកន្លែងកើតហេតុ បានឲ្យដឹងថា ចំនួនអ្នកស្លាប់អាចនឹងកើនឡើងបន្ថែមទៀត ព្រោះថាគ្រាប់បែកបានផ្ទុះឡើងចំកន្លែងមានមនុស្សច្រើន។</span></p>
<p><span style="color: #000000;">សារព័ត៌មាន Reuters បានចេញផ្សាយថា ការបំផ្ទុះគ្រាប់បែកអត្តឃាតនេះគឺជាទង្វើរបស់ក្រុម ISIS ដោយពួកគេបានចេញមុខទទួលស្គាល់ថា គឺជាសកម្មប្រយុទ្ធដែលគាំទ្រពួកខ្លួនជាអ្នកបំផ្ទុះគ្រាប់បែក។</span></p>
<p><span style="color: #000000;">គួរបញ្ជាក់ផងដែរថា នៅដើមសប្ដាហ៍នេះ ក្រុម ISIS បានវាយប្រហារអកាសយានដ្ឋាន និងចំណតរថភ្លើងក្រោមដីនៅក្នុងទីក្រុងព្រុចសែល ប្រទេសប៊ែលហ្ស៊ិក ដោយបានសម្លាប់មនុស្សជាង ៣០នាក់ និងរបួសជាង ២៥០នាក់៕</span></p>
<p><span style="color: #000000;"><img src="http://i.dailymail.co.uk/i/pix/2016/03/25/21/328FD82900000578-3509718-image-m-3_1458943113718.jpg" alt="" width="730" /></span></p>
<p><span style="color: #000000;"><br /><a class="thickbox" title="" href="/FileManager/Commons/2016/3/26/10b-26-03-2016--09-30-24.jpg"><img src="/FileManager/Articles/mce/2016/3/26/10b-26-03-2016--09-30-24.jpg" alt="" /></a></span></p>
<p><br /><object width="500" height="400" data="http://www.youtube.com/v/hjCDWz6_Dq8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/hjCDWz6_Dq8&rel=1" /></object><span style="color: #000000;"><a class="thickbox" title="" href="/FileManager/Commons/2016/3/26/10b-26-03-2016--09-30-24.jpg"></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>