<p><span style="color: #000000;">ព័ត៌មានកីឡា៖ អតីតអ្នកប្រដាល់ជើងចាស់មួយរួបឈ្មោះថា Ronnie Nathanielsz បានបង្ហាញពីទំនុកចិត្ដយ៉ាងមុតមាំថា រវាង Floyd នឹង ប៉ាក់គីអៅ នឹងមានការប្រកួត ជាថ្មីម្ដងទៀត នៅថ្ងៃណាមួយ បន្ទាប់ពី ប៉ាក់គឺអៅ ប្រកួតឈ្នះ Amir Khan ។ </span></p>
<p><span style="color: #000000;">Floyd បានទទួលជ័យជំនះដោយមិនអស់ចិត្ដលើ ប៉ាក់គីអៅ កាលពីដើមខែឧសភា ខណៈដែលជោគជ័យទី ៤៨ប្រកួតមិនដែលចាញ់នេះ ត្រូវបានកើតឡើងមែនក៏ដោយ ប៉ុន្ដែពាក្យសម្ដីជាច្រើនម៉ាត់ បានថ្ដោលទោសជាខ្លាំង ចំពោះកីឡាករ ។ ហើយមិនត្រឹមតែប៉ុណ្ណោះ ទៀតសោតសម្រាប់បទពិសោធដែលកីឡាករ បានជួបប្រទះធ្វើឲ្យ លោក Ronnie Nathanielsz ជឿងជាក់ថា កីឡាករនឹងយល់ព្រមប្រកួតជាមួយ ប៉ាក់គីអៅនៅពេលណាមួយជាមិនខាងឡើយ ។ </span></p>
<p><span style="color: #000000;">លោក Ronnie Nathanielsz បានអះអាងថា Floyd នឹងមិនចូលនិវត្ដនោះទេ បន្ទាប់ពីប្រកួត ជាមួយ Andre Berto នៅខែកញ្ញាខាងមុខនេះ ។ ហើយដោយឡែកក៏នៅមានហេតុផលពីរយ៉ាងដែល អាចកត់សំគាល់ថា Floyd នឹងមិនចោលគំនិតប្រកួតជាមួយ ប៉ាក់គីអៅ ។ ទីមួយ Floyd ចង់បំបែកកំណត់ត្រា ឲ្យប្រសើរជាង កីឡាករ Rocky Marciano ដែលមានប្រវត្ដិប្រកួតមិនដែលចាញ់ចំនួន ៤៩ដង មុនពេលចូលនិវត្ដ ហេតុដូចនេះហើយ ប្រសិនជាបន្ទាប់ពីប្រកួតឈ្នះ Andre Berto គឺ Floyd នឹងប្រកួតជាមួយ ប៉ាក់គីអៅ ជាមិនខានឡើយ។ ទី២ គឺបញ្ហាលុយ មានការតាមដានចាប់អារម្មណ៍ជាខ្លាំង លើព័ត៌មានប្រកួត របស់អ្នកទាំងពីរជាថ្មី ដែលជាក្ដីសង្ឃឹមមួយថា កីឡាករពិតជាអាចរកចំណូលបានច្រើន មិនតិចជាង ការប្រកួតលើកទី ១នោះទេ ប្រសិនជាបើកការប្រកួតសារជាថ្មីមែននោះ។ ហើយបញ្ហា ភាពមិនអស់ចិត្ដដែលប្រកួតឈ្នះ ប៉ាក់គីអៅ ម្ដងមុននោះ ក៏ជាហេតុផលមួយបន្ទាប់បន្សំផងដែរ ។ </span></p>
<p><span style="color: #000000;">ប៉ុន្ដែទោះបីជាយ៉ាងណាក៏ដោយ ប៉ាក់គីអៅ ក៏ត្រូវប្រកួតជាមួយ Amir Khan ឲ្យឈ្នះសិនដែរ មុនពេល ត្រូវសម្រេចចិត្ដ ប្រកួតជាមួយ Floyd ម្ដងទៀត ។ ហើយបើ ប៉ាក់គីអៅ ប្រកួតមិនឈ្នះ Amir Khan ទេនោះ គឺជារឿងមួយផ្សេងទៀត ។ </span></p>
<p><span style="color: #000000;"><a class="thickbox" title="" href="/FileManager/Commons/2015/8/13/8-13-2015-11-44-49-am-13-08-2015--11-53-34.png"><span style="color: #000000;"><img src="/FileManager/Articles/mce/2015/8/13/8-13-2015-11-44-49-am-13-08-2015--11-53-34.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/13/8-13-2015-11-46-40-am-13-08-2015--11-53-45.png"><span style="color: #000000;"><img src="/FileManager/Articles/mce/2015/8/13/8-13-2015-11-46-40-am-13-08-2015--11-53-45.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ abs-cbnnews</span></p>